«ەلەكتروندىق كوممەرتسيا – بۇل الەمدىك ترەند, سەرۆيستىك ەكونوميكانىڭ قارقىندى دامىپ كەلە جاتقان باعىتتارىنىڭ ءبىرى», دەدى ا. مامين.
ۇكىمەت باسشىسى ەلەكتروندى ساۋدانى ەكونوميكانىڭ ءوسۋىنىڭ قوزعاۋشى كۇشتەرىنىڭ ءبىرى رەتىندە قاراستىرۋ قاجەتتىگىن اتاپ ءوتتى. دامىعان ينفراقۇرىلىمدى ەسكەرۋمەن, ەلەكتروندى ساۋدا كولەمىن ارتتىرۋ جاڭا جۇمىس ورىندارىن قۇرۋعا مۇمكىندىك بەرەدى. بۇگىندە اتالمىش جانە ىرگەلەس سالالاردا 33 مىڭ ادام جۇمىسپەن قامتىلعان. 2025 جىلعا قاراي بۇل كورسەتكىشتى 314 مىڭ ادامعا دەيىن جەتكىزۋ كوزدەلگەن.
بولجامدارعا سۇيەنسەك, 2025 جىلعا قاراي قازاقستاندىق ينتەرنەت الاڭدارداعى ساتىپ الۋ كولەمى 153 ملرد تەڭگەدەن 2 ترلن تەڭگەگە دەيىن ءوسىپ, بولشەك ساۋدانىڭ 25% قۇرايتىن بولادى. ەلەكتروندى كوممەرتسيا اياسىندا لوگيستيكالىق كومپانيالاردىڭ ترانزيتتەن كۇتىلەتىن كىرىسى 2025 جىلعا قاراي 1270 ملرد تەڭگەگە دەيىن وسەدى.
«باتىس قىتاي-باتىس ەۋروپا ءدالىزىنىڭ دايىن ينفراقۇرىلىمىن ەسكەرۋمەن, كونتەينەرلىك تاسىمالدار مەن لوگيستيكانىڭ وسۋىمەن قاتار اۆتوتاسىمالداۋشىلار ءۇشىن ۇلكەن الەۋەتى بار باعىت اشىلادى, دەدى ا. مامين. - ەلەكتروندى ساۋدا-ساتتىقتىڭ ەكونوميكاعا تيگىزەتىن مۋلتيپليكاتيۆتى اسەرى جالپى ىشكى ونىمگە جىل سايىن قوسىمشا 1,1% دەڭگەيىندە ۇلەس قوسادى دەپ بولجاۋعا, 2025 جىلعا قاراي قىتايدان قازاقستان ارقىلى ەۋروپاعا تاسىمالدار قارقىنىن تاۋلىگىنە 2 مىڭنان 21 مىڭعا دەيىن ارتتىرۋعا مۇمكىندىك بەرەدى».
پرەمەر-مينيستر ەلەكتروندىق ساۋدا ارقىلى وتاندىق اۋىل شارۋاشىلىعى ءوندىرىسىنىڭ جانە باسقا دا وڭدەۋ ونەركاسىبىنىڭ ونىمدەرىن شەتەلدەرگە, ونىڭ ىشىندە قىتاي نارىعىنا وتكىزۋ الەۋەتىن اتاپ ءوتتى. مىسالى, اۋىل شارۋاشىلىعى تاۋارلارى مەن تاماق ونىمدەرىن ەلەكتروندى ساۋدا-ساتتىق ارقىلى وتكىزۋ جىل سايىن 20%-عا وسەتىن بولادى.
«قازىرگى كەزدە الەمدە ءىرى ساۋدا جەلىلەرىنىڭ جابىلىپ, ولاردىڭ ەلەكتروندى كوممەرتسيا قويمالارى رەتىندە پايدالانىلۋىن ەسكەرسەك, الداعى ۋاقىتتا لوگيستيكالىق ورتالىقتار نارىقتىڭ نەگىزگى باعىتىنا اينالۋىنا مۇمكىن», دەدى اسقار مامين.
وسىعان بايلانىستى, ۇكىمەت باسشىسى 2025 جىلعا دەيىن ەلىمىزدىڭ بارلىق ءىرى قالالارىندا كولىك-لوگيستيكالىق ورتالىقتاردى ىسكە قوسۋ بويىنشا جۇمىستاردى جالعاستىرۋدى تاپسىردى. ا. مامين اتاپ وتكەندەي, بۇل جۇمىسقا وتاندىق جانە شەتەلدىك ينۆەستورلاردى, سونىڭ ىشىندە مەملەكەتتىك جەكەشەلىك ارىپتەستەستىك تەتىكتەرىن قولدانۋ ارقىلى, تارتۋ كەرەك. سونداي-اق, قورعاستا قازىر جۇمىس ىستەپ تۇرعان ينفراقۇرىلىمدى پايدالانۋ مۇمكىندىگىن دە قاراستىرعان ءجون.
كادرلار دايىنداۋ ماسەلەسىنە جەكەلەگەن كوڭىل ءبولىندى. جۇمىس ورىندارىنىڭ جوسپارلانعان وسىمىنە سايكەس 2025 جىلعا قاراي 280 مىڭنان استام جۇمىس ورىندارى اشىلادى. ۇكىمەت باسشىسى «قازپوشتا» اق جانە لوگيستيكالىق كومپانيالار كوللەدجدەر مەن باسقا دا ءبىلىم بەرەتىن مەكەمەلەر بازاسىندا مامانداردى دايىنداۋدى ءوز قاراماعىنا الۋ ماسەلەسىن قاراستىرۋلارى قاجەتتىگىن اتاپ ءوتتى.
«ەلەكتروندى ساۋدا ەكونوميكانىڭ ودان ءارى وسۋىنە سەرپىن بەرەدى. ءبىز ترانزيتتىك مۇمكىندىكتەردى جانە كولىك-لوگيستيكالىق ينفراقۇرىلىمدى ءتيىمدى پايدالانا وتىرىپ جانە وتاندىق نارىق الەۋەتىن ۇلعايتا وتىرىپ, ونىڭ تۇتاس ەكوجۇيە رەتىندە دامۋى ءۇشىن بارلىق كۇش-جىگەرىمىزدى سالۋىمىز كەرەك», دەدى اسقار مامين.
ماسەلەنى قاراۋ قورىتىندىسى بويىنشا پرەمەر-مينيستر 2025 جىلعا دەيىنگى ەلەكتروندى كوممەرتسيانى دامىتۋ جونىندەگى جول كارتاسىن ازىرلەۋدى تاپسىردى.
