سونداي-اق, مينيستر الماتى, اتىراۋ جانە قىزىلوردا وبلىستارىنىڭ دەنساۋلىق ساقتاۋ باسقارما جەتەكشىلەرىنە ونكولوگيالىق ۇيىمداردا باس دارىگەر لاۋازىمىندا وتىرعان تۇلعالاردىڭ لاۋازىمدىق ورىنعا سايكەستىگىن كوتەرۋ تۋرالى تاپسىرما بەردى.
دەنساۋلىق ساقتاۋ مينيسترلىگىنىڭ فارماتسيا كوميتەتى ءتورايىمى ليۋدميلا بيۋرابەكوۆا ءوز بايانداماسىندا فارماتسيا كوميتەتى جۇرگىزگەن ونكولوگيالىق ناۋقاستاردى ءدارى-دارمەكپەن قامتاماسىز ەتۋ جونىندەگى ء اۋديتتىڭ قورىتىندىسى تۋرالى بايانداما جاسادى. مينيستر ەلجان ءبىرتانوۆ فارماتسيا كوميتەتىنىڭ كەشەندى تەكسەرىسى ناتيجەسىندە انىقتالعان كەمشىلىكتەردى جويۋ ءۇشىن وبلىستار مەن قالالاردىڭ دەنساۋلىق ساقتاۋ باسقارما جەتەكشىلەرىنە, ونكولوگيالىق ۇيىمداردىڭ باسشىلارىنا تاپسىرما بەردى.
بيىلعى 19 مامىرعا دەيىن فارماتسەۆتيكالىق كوميتەتتىڭ جەتەكشىسى ليۋدميلا بيۋرابەكوۆاعا وڭىرلەردەگى ونكولوگيالىق ناۋقاستاردى ءدارى-دارمەكتەرمەن قامتاماسىز ەتۋدە كەتكەن تارتىپسىزدىكتەر تۋرالى جاسالعان جالپىلاما جازبانى ودان ءارى پروكۋراتۋراعا جىبەرۋ ءۇشىن ۇسىنۋ تاپسىرىلدى.
وسى وتىرىستا ونكولوگيالىق ناۋقاستاردى ەرتە دياگنوستيكالاۋدىڭ قولجەتىمدىلىگىن ارتتىرۋ ماسەلەسى, ونىڭ ىشىندە ونكولوگيالىق اۋرۋعا كۇدىكتى ناۋقاستاردى كومپيۋتەرلىك جانە ماگنيتتىك-رەزونانستىق, كلينيكالى-دياگنوستيكالىق قىزمەتتەرمەن قامتاماسىز ەتۋ ماسەلەلەرى قاراستىرىلدى. بۇل ماسەلەنى شەشۋ ءۇشىن 2019 جىلعا ارنالعان ونكولوگيا جونىندەگى كەشەندى جوسپار اياسىندا 1 592 804 مىڭ تەڭگە ءبولىندى.
