سونداي-اق الماتى قالاسىنداعى قازاق ونكولوگيا جانە راديولوگيا عىلىمي-زەرتتەۋ ينستيتۋتىندا دەنساۋلىق ساقتاۋ ءمينيسترىنىڭ توراعالىعىمەن وتكەن سەلەكتورلىق وتىرىستا رەسپۋبليكا بويىنشا ونكولوگيالىق ناۋقاستارعا مەديتسينالىق كومەك كورسەتۋ ساپاسى تۋرالى, ءدارى-دارمەكپەن قامتاماسىز ەتۋ ماسەلەلەرى تالقىلاندى.
«قازاق ونكولوگيا جانە راديولوگيا عىلىمي-زەرتتەۋ ينستيتۋتى» اق باسقارما ءتورايىمى مىندەتىن اتقارۋشى ديليارا قايداروۆا 2016-2019 جىلدارعا ارنالعان مەملەكەتتىك دەنساۋلىق ساقتاۋدى دامىتۋ «دەنساۋلىق» باعدارلاماسى بويىنشا جانە قازاقستان رەسپۋبليكاسىنداعى ونكولوگيالىق اۋرۋلارعا قارسى كۇرەس جونىندەگى 2018-2022 جىلدارعا ارنالعان كەشەندى جوسپار ءىس-شارالارىنىڭ ورىندالعانى تۋرالى بايانداما جاسادى.
ديليارا قايداروۆانىڭ ايتۋىنشا, 2018 جىلدىڭ قورىتىندىسى بويىنشا بارلىق ونكولوگيالىق باعدارلامالار بويىنشا كورسەتكىشتەرگە قول جەتكىزىلدى, 0-1 ساتىلارداعى ەرتە انىقتاۋ دياگنوستيكاسى 26,2% -عا دەيىن ءوستى, 5 جىل ءومىر ءسۇرۋ دەڭگەيى 51,0%-عا دەيىن ءوستى. سونىمەن بىرگە, 2019 جىلدىڭ ءبىرىنشى توقسانىنىڭ قورىتىندىسى بويىنشا بىرقاتار ايماقتاردا (الماتى, قىزىلوردا, اتىراۋ, تۇركىستان وبلىستارى مەن شىمكەنت قالاسىندا) كورسەتكىشتەردىڭ جوسپارلى مانىنە قول جەتكىزىلمەۋ قاۋپى ورىن العان.
سونداي-اق, مينيستر الماتى, اتىراۋ جانە قىزىلوردا وبلىستارىنىڭ دەنساۋلىق ساقتاۋ باسقارما جەتەكشىلەرىنە ونكولوگيالىق ۇيىمداردا باس دارىگەر لاۋازىمىندا وتىرعان تۇلعالاردىڭ لاۋازىمدىق ورىنعا سايكەستىگىن كوتەرۋ تۋرالى تاپسىرما بەردى.
