تاياۋ كۇندەرى ەقدب اتالمىش باعدارلامانىڭ ناتيجەلەرىمەن تانىستىرۋ ءۇشىن باق وكىلدەرىن Goldman جانە Young, Clotwell, Sunpaper, «الماتى اشىقتى زاۋىتى» اق «Almaty Yeast Plant», «Adal Sut» جشس-ءنىڭ باسشىلارىمەن بەيرەسمي جاعدايدا كەزدەستىردى. جۋرناليستەر شاعىن جانە ورتا بيزنەستى جۇرگىزۋگە قاتىستى ەكى تاراپتىڭ دا ءۋاجىن تىڭداپ, ساۋالدار قويۋعا مۇمكىندىك الدى.
ەقدب قازاقستاننىڭ شاعىن جانە ورتا كاسىپورىندارىندا (شوب) تاۋار اينالىمىن ۇلعايتۋعا جانە جاڭا جۇمىس ورىندارىن قۇرۋعا باعىتتالعان جوبالارعا ناقتى قولداۋ كورسەتىپ وتىر. وسىنىڭ ارقاسىندا بانك شوب-قا, ياعني مەنشىك يەلەرى مەن باسقارۋشىلارىنا ءوز بيزنەسىن ترانسفورماتسيالاۋعا جانە ونى باسەكەگە قابىلەتتى ەتۋگە كومەكتەسەتىن بىلىكتى جەرگىلىكتى كەڭەسشىلەر مەن حالىقارالىق سالالىق ساراپشىلاردى تارتۋعا كومەكتەسەدى. بۇل ءىس-شارالار ءۇشىن ەقدب وسىنداي جوبانىڭ قۇنىن ءىشىنارا جابۋعا كومەكتەسەتىن گرانتتار بولەدى. گرانتتىق قاراجاتتار قازاقستان رەسپۋبليكاسىنىڭ ۇلتتىق ەكونوميكا مينيسترلىگى, «تەڭىزشەۆرويل» جشس جانە «Shell Kazakhstan» كومپانيالارى ارقىلى قامتاماسىز ەتىلدى.
Goldman and Young (G&Y) – HORECA سەكتورلارى مەن باسقا دا ازىق-ت ۇلىك وندىرۋشىلەرىنە ونەركاسىپتىك حيميكاتتار شىعارادى. اتالمىش كومپانيا ەقدب قولداۋىنىڭ ارقاسىندا جەرگىلىكتى جانە حالىقارالىق ساراپشىلارمەن بىرىگىپ, بىرنەشە جوبانى جۇزەگە اسىردى. ناتيجەسىندە كومپانيانىڭ ساۋدا اينالىمى ەكى ەسە ءوستى, ساتۋ بولىمشەلەرىندەگى ۇدەرىستەر جاقساردى. حيميالىق ونىمدەردىڭ ەڭ ءىرى حالىقارالىق وندىرۋشىلەرىنىڭ ءبىرى Diversey-مەن كەلىسىم-شارت جاسالىپ, ىسكە قوسىلدى.
تالعاردىڭ Clotwell تىگىن فابريكاسى دا كايزەن جونىندەگى ەقدب-نىڭ جەرگىلىكتى كەڭەسشىلەرىمەن بىرگە ءوز جوبالارىن ىسكە اسىرىپ, كاسىپورىندى اۆتوماتتاندىرۋعا قول جەتكىزدى. حالىقارالىق ساراپشىلار كومپانياعا ءوز ستراتەگياسىن دامىتىپ, سونداي-اق نارىققا جاڭا ونىمدەردى ەنگىزۋگە كومەكتەستى.
سول سياقتى ناۋبايحانا اشىتقىسىن شىعاراتىن ەلىمىزدەگى جالعىز مامانداندىرىلعان كاسىپورىن «Almaty Yeast Plant» اق ەقدب-نا حالىقارالىق ساراپتاما جۇرگىزۋ ءۇشىن ءوتىنىش بەرگەن بولاتىن. الەمدىك برەندتەرمەن جۇمىس ىستەۋ تاجىريبەسى مول تۇركيادان كەلگەن سالالىق ساراپشى اشىتقى ساپاسىن ايتارلىقتاي جاقسارتۋعا, شىعىنداردى 10% تومەندەتۋگە, اشىتقىلاردىڭ ساقتاۋ مەرزىمىن 25-تەن 45 كۇنگە دەيىن ارتتىرۋعا جانە جابدىقتاردىڭ ونىمدىلىگىن ەكى ەسەگە ارتتىرۋعا كومەكتەستى. سەربيادان ماماندار ماركەتينگ جانە ساتۋ ماسەلەلەرىن شەشۋگە سەپتەستى. ال جەرگىلىكتى كەڭەسشىلەر كومپانياعا قارجىلىق ەسەپ پەن اۆتوماتتاندىرۋدى ەنگىزۋگە كومەكتەستى.
«ادال ءسۇت» اگروونەركاسىپتىك كومپانياسى» جشس قازاقستان نارىعىنا 20 جىلدان استام ۋاقىت بويى ءسۇت ونىمدەرىمەن قامتاماسىز ەتىپ كەلەدى. كومپانيا ەقدب-نىڭ حالىقارالىق يندۋستريالدى ساراپشىلارىمەن ەكى جوبانى, جەرگىلىكتى كەڭەسشىلەرمەن ەكى جوبا جۇزەگە اسىردى. وسى جوبالاردىڭ ارقاسىندا كومپانيا ساتۋ ءبولىمىنىڭ قۇرىلىمىن وڭتايلاندىرىپ, جاڭا ءونىم تۇرلەرىن شىعارىپ, قىرعىز رەسپۋبليكاسىنىڭ نارىعىنا كىردى. ەقدب-مەن ارىپتەستىكتىڭ ارقاسىندا «ادال ءسۇت» كومپانياسىنىڭ اينالىمى 44%-عا, بەلسەندى كليەنتتىك بازا 18% -عا وسكەن.
الماتى
