بۇگىن, 7 مامىر كۇنى اتىراۋ وبلىستىق ءىىد ءداستۇر بويىنشا وتان قورعاۋشىلار كۇنى مەرەكەسىنە وراي سالتاناتتى شارا وتكىزدى. شاراعا قر پارلامەنت ءماجىلىسىنىڭ دەپۋتاتتارى باقتىقوجا ىزمۇxامبەتوۆ جانە اباي تاسبولاتوۆ, اتىراۋ وبلىسىنىڭ اكىمى نۇرلان نوعاەۆ, ىىق باسشىلىعى, جەكە قۇرام, ىشكى ىستەر قىزمەتىنىڭ ارداگەرلەرى مەن قازا تاپقان پوليتسيا قىزمەتكەرلەرىنىڭ وتباسى قاتىستى.
قر پرەزيدەنتى قاسىم-جومارت توقاەۆتىڭ بۇيرىعىمەن, قىزمەتتىك مىندەتتەرىن اتقارۋ كەزىندە قازا تاپقان سەرجانت شالقار اقىمعاليەۆقا 3 دارەجەلى «ايبىن» وردەنى بەرىلدى. وردەندى پوليتسيا قىزمەتكەرىنىڭ اناسىنا وبلىس باسشىسى نۇرلان نوعاەۆ تابىستادى.
-بۇگىن ءبىز ازاماتتاردىڭ قاۋىپسىزدىگىن, ولاردىڭ بەيبىت ءومىر ءسۇرۋ جانە جۇمىس ىستەۋ قۇقىعىن قورعايتىنداردى قۇرمەتتەيمىز. توتەنشە جاعدايدا قۇقىق قورعاۋ ورگاندارى كەز كەلگەن ۋاقىتتا ادامدارعا كومەككە كەلەدى. سىزدەردىڭ ءتيىمدى, كاسىبي دەڭگەيلەرىڭىزدىڭ ناتيجەسىندە قىلمىستار انىقتالىپ, تىنىشتىق ساقتالۋدا. كەزەكشىلىك مىندەتىن اتقارعان كەزدە ءجيى ءوزىڭنىڭ ءومىرىڭدى تاۋەكەل ەتۋگە تۋرا كەلەدى. ەرلىك پەن قاھارماندىق ءۇشىن قازا تاپقان پوليتسەيلەر اسقار بيسەكەنوۆ, شالقار اقىمعاليەۆ, نۇربەرگەن وتەمىس ۇلى مەملەكەتتىك ناگرادالارمەن ماراپاتتالدى. اتا-انالارعا ءبىزدىڭ ەلىمىزدىڭ لايىقتى ازاماتتارىن تاربيەلەۋدە العىس ايتامىز. قىزمەتتىك بورىشتارىن اتقارۋ كەزىندە ەرلىكپەن قازا تاپقاندار ەسىمى وتانداستار ەسىندە ماڭگى قالادى,- دەيدى نۇرلان نوعاەۆ.
ىشكى ىستەر مينيسترلىگىنىڭ پوليتسيا گەنەرال-لەيتەنانتى ەرلان تۇرعىمباەۆتىڭ اتىنان قۇقىق قورعاۋ ورگاندارىنىڭ بىرقاتار قىزمەتكەرى قۇقىق قورعاۋ ورگاندارىنىڭ لاۋازىمدى تۇلعالارىنا ارنالعان «قۇقىق ءتارتىبىن قامتاماسىز ەتۋ» مەدالىمەن, قۇرمەت گراموتالارى جانە العىس حاتتارمەن ماراپاتتالدى.
ارنايى پوليتسيا گەنەرال-لەيتەنانتى شەنىن اتىراۋ وبلىستىق ءىىد-ءنىڭ پوليتسيا پولكوۆنيگى ايان دۇيسەمباەۆ الدى.
- ءبىز قازا بولعان پوليتسيا قىزمەتكەرلەرىن قۇرمەتپەن ەسكە الامىز. ولاردىڭ باتىرلىق ارەكەتى ءاردايىم كۇندەلىكتى قىلمىسپەن كۇرەسكەن پوليتسيا قىزمەتكەرلەرى ءۇشىن ەرلىك پەن ءپاتريوتيزمنىڭ ۇلگىسى بولادى, - دەدى ايان دۇيسەمباەۆ.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى باقتىقوجا ىزمۇحامبەتوۆ پەن اباي تاسبولاتوۆ ارداگەرلەرگە جانە قازىرگى پوليتسيا قىزمەتكەرلەرىنە العىس ءبىلدىرىپ, قايتىس بولعان پوليتسيا قىزمەتكەرلەرىنىڭ وتباسىلارى مەن دوستارىنا زور دەنساۋلىق پەن باقىت تىلەدى.
ماراپاتتاۋ راسىمىنەن كەيىن ءىس-شارا ەرلىكپەن قازا تاپقان اسقار بيسەكەنوۆ, شالقار اقىمعاليەۆ جانە نۇربەرگەن وتەمىسوۆكە ارنالعان مەموريالدى ەسكەرتكىش تاقتانىڭ اشىلۋىنا ۇلاستى.
ميليتسيا مايورى اسقار بيسەكەنوۆ 1993 جىلى 18 ساۋىردە قايتىس بولدى. بۇرىن سوتتالعاندار توبى «اتىراۋ-ەركىنقالا» تاس جولىنا پوليتسيا قىزمەتكەرىن الىپ شىعىپ, ۇرىپ, بىرنەشە رەت پىشاق جاراقاتىن سالعان.
نۇربەرگەن وتەمىسوۆ 2009 جىلى 30 قاراشادا كوز جۇمدى. ماس جۇرگىزۋشى جول پوليتسياسىنىڭ قىزمەتكەرىن قاعىپ كەتكەن. تاڭەرتەڭ ەرتە اۆانگارد اۋدانىندا پوليتسەي كۇدىكتى مەرسەدەستى توقتاتۋعا تىرىسىپ, ءوز ءومىرىن قيدى. ءىىى دارەجەلى «ايبىن» وردەنىمەن ماراپاتتالعان.
2019 جىلدىڭ 21 ناۋرىزىندا پاترۋل پوليتسياسىنىڭ سەرجانتى شالقار اقىمعاليەۆ سۋعا باتىپ بارا جاتقان ايەلدى قۇتقارۋعا تىرىسىپ, مۇزدى سۋعا باتىپ كەتتى. الايدا, كۇشتى اعىمدى جەڭە الماي, پوليتسيا سۋعا كەتتى. كوپىردەن سەكىرگەن قىزدى ونىڭ ارىپتەسى رۋستەمبەك سۇندەتوۆ سۋدان شىعارعان.
قاتىسۋشىلار قازا تاپقان پوليتسيا قىزمەتكەرلەرى ەسكەرتكىشتەرىنە گۇل شوقتارىن قويىپ, ءبىر مينۋت ۇنسىزدىكپەن ەسكە الدى.
