قىزىلوردا وبلىسىنىڭ اكىمى ق.كوشەرباەۆ «مەملەكەتتىك-جەكەمەنشىك ارىپتەستىك بۇل بىرىنشىدەن – جەرگىلىكتى بيۋدجەتكە اۋىرتپالىقتى ازايتۋ, ينۆەستيتسيا تارتۋ جانە حالىققا كورسەتىلەتىن قىزمەتتەردىڭ ساپاسىن ارتتىرۋ. ال ينۆەستور ءۇشىن – ۇزاق مەرزىمگە تۇراقتى بيزنەس اشۋ» دەيدى.
"قازىرگى تاڭدا ايماقتا 34 ملرد.تەڭگەدەن استام قارجىعا 116 مەملەكەتتىك-جەكەمەنشىك ارىپتەستىك جوباسى جۇزەگە اسىرىلۋدا. ونىڭ ىشىندە 38 جوبا بويىنشا 13,8 ملرد. تەڭگە سوماعا كەلىسىمشارت جاسالعان. وبلىستا مەملەكەتتىك-جەكەمەنشىك ارىپتەستىك جوبالارى ەكونوميكانىڭ بارلىق سالالارىندا جۇمىس ىستەيدى. اۋىلدىق جەرلەردەگى جوبالارعا باسىمدىق بەرىلگەن, ناقتى ايتقاندا جوبالاردىڭ جالپى سانىنىڭ 67% تيەسىلى. بۇل رەتتە كىرىستىڭ ىشكى نورماسىنىڭ IRR - ولشەنگەن كورسەتكىشى قولدانىلادى. جوبالار بويىنشا ورتاشا كورسەتكىش 11% قۇرايدى, بۇل رەسپۋبليكادا ەڭ ۇزدىك كورسەتكىشتىڭ ءبىرى بولىپ تابىلادى", - دەدى ايماق باسشىسى سەلەكتورلىق رەجيمدەگى ۇكىمەت وتىرىسىندا.
ماسەلەن, وبلىستا مەملەكەتتىك-جەكەمەنشىك ارىپتەستىك اياسىندا ءساتتى جۇزەگە اسىرىلعان جوبالار قاتارىندا 2017 جىلى اشىلعان, ءبىر اۋىسىمدا 400 ادام قابىلدايتىن جانە 43 مىڭ ادام ءۇشىن دياگنوستيكا مەن ەمدەۋدىڭ جاڭا ادىستەرىن ەنگىزۋگە مۇمكىندىك بەرەتىن جاڭا ەمحانانى ايتۋعا بولادى. بۇل جوبا ءبىر اۋىسىمدا 500 ادام قابىلدايتىن ەمحانا قۇرىلىسى بويىنشا كونتسەسسيالىق جوبانىڭ ورنىنا ىسكە اسىرىلدى. وسىلايشا, وبلىس 3,6 ملرد. تەڭگە سوماسىندا بيۋدجەت قاراجاتىن ۇنەمدەپ, 2 جىلعا ارنالعان جوبانى جەدەل تۇردە جۇزەگە اسىرىپ وتىر.
