ءال-فارابي اتىنداعى قازۇۋ مەن وڭتۇستىك كورەيانىڭ ارىپتەستىگى جالعاسادى

كورەيانىڭ ساياسي ەليتاسى يننوۆاتسيالاردىڭ ماڭىزدىلىعىن، عىلىمنىڭ ارالاسۋىن قاجەت ەتەتىن، اسىرەسە، جاستاردىڭ ستارتاپتىق كومپانيالارىن قۇرۋدىڭ كوكەيكەستىلىگىن انىق تۇسىنەدى. ال مۇنداي حالىقارالىق ىنتىماقتاستىق ەكى جاققا دا ءتيىمدى بولعان جاعدايدا تابىستىلىعى ارتا تۇسپەك. سوندىقتان دا وڭتۇستىك كورەيا پرەزيدەنتى جۇمىس ساپارىنىڭ اسا تىعىزدىعىنا قاراماستان ءال-فارابي اتىنداعى قازاق ۇلتتىق ۋنيۆەرسيتەتىنىڭ ورگانيكالىق زاتتار، تابيعي قوسىلىستار جانە پوليمەرلەر حيمياسى مەن تەحنولوگياسى كافەدراسىنىڭ مەڭگەرۋشىسى، پروفەسسورى گريگوري الەكسەەۆيچ مۋنمەن كەزدەسۋى ماڭىزدى وقيعالار قاتارىنا قوسىلدى.

بۇگىنگى تاڭدا ەكى ەل اراسىنداعى ىنتىماقتاستىق شىن مانىندە دامىپ، نىعايا ءتۇستى دەسەك، ول اۋقىمدى ينۆەستيتسيالىق جوبالاردى، مادەنيەت پەن عىلىم سالاسىنداعى تىعىز ءوزارا بايلانىستى دا قامتيدى.

پرەزيدەنت مۋن چجە ءيننىڭ «كاحاك» كورەي عىلىمي-تەحنيكالىق قوعامىنىڭ پرەزيدەنتى، پروفەسسور گريگوري مۋنمەن كەزدەسۋى وتە ماڭىزدى دا جەمىستى بولدى. قىسقا كەزدەسۋ بارىسىندا گريگوري الەكسەەۆيچ مۋن وڭتۇستىك كورەيا رەسپۋبليكاسىنىڭ پرەزيدەنتى مۋن چجە ينمەن قازىرگى ۋاقىتتا ءال-فارابي اتىنداعى قازۇۋ عالىمدارى جۇمىس ىستەيتىن ىرگەلى يدەيالارمەن بولىسكەن بولاتىن.

بۇل كۇندەرى ءال-فارابي اتىنداعى قازۇۋ وڭتۇستىك كورەيانىڭ 47 بىردەي ۋنيۆەرسيتەتىمەن جانە ءتۇرلى ۇيىمدارىمەن تىكەلەي ارىپتەستىك قارىم-قاتىناس ورناتىپ، 52-گە تارتا ەكى جاقتى مامىلەلەرگە قول جەتكىزىپ وتىر.

ماسەلەن، ءال-فارابي اتىنداعى قازۇۋ رەكتورى عالىم مۇتانوۆتىڭ 2017 جىلى كورەيا رەسپۋبليكاسى پرەزيدەنتىنىڭ ەكى ەل عالىمدارىنىڭ حالىقارالىق ىنتىماقتاستىعىنا قوسقان كورنەكتى ۇلەسى ءۇشىن "قۇرمەت" بەلگىسىمەن ماراپاتتالۋى دا كەزدەيسوقتىق ەمەس.

ال جوعارىداعى كەلىسىمشارتتاردىڭ اۋقىمى كەڭ: ستۋدەنتتەر مەن وقىتۋشىلار الماسۋ، بىرىككەن عىلىمي جوبالاردى جۇزەگە اسىرۋ، پروفەسسورلاردى ءدارىس بەرۋگە شاقىرتۋ، PhD-دوكتورانتتارىنىڭ بىرىككەن جەتەكشىلىگى. سونداي-اق يننوۆاتسيالىق تەحنولوگيالار الماسۋ مەن عىلىمي-زەرتتەۋ ىستەرىنىڭ  ناتيجەسىن كوممەرتسيالاۋ ماقساتىندا، قازۇۋ ورتالىعى كورەيانىڭ جەتەكشى ۋنيۆەرسيتەتتەرىنىڭ عالىمدارى مەن ماماندارىنىڭ بەلسەندى ارالاسۋى مەن قولداۋىنا سۇيەنە وتىرىپ، قازىردىڭ وزىندە 2 ءىرى ينۆەستيتسيالىق جوبا جۇزەگە استى. بۇل «مەديتسينالىق-بيولوگيالىق كلاستەر» جانە «ينجينيرينگتىڭ يننوۆاتسيالىق كلاستەرى مەن عىلىمدى قاجەت ەتەتىن تەحنولوگيالار» جوبالارى.

قاي كەزدە دە عىلىمداعى جاڭالىقتاردىڭ مويىندالىپ، قولدانىسقا ەنۋى وتە ۇلكەن كەدەرگىلەرگە تاپ كەلىپ جاتادى. ال قازاقستاندىق عالىمدار ءۇشىن مەملەكەتتىك باسشىلار تاراپىنان كورسەتىلگەن قولداۋدىڭ كومەگى وراسان زور.

قازىرگى تاڭدا ءال-فارابي اتىنداعى ۇلتتىق ۋنيۆەرسيتەتتىڭ عالىمدارى كەزدەسۋ بارىسىندا ورتاعا سالىنعان عىلىمي جوبالارمەن ناتيجەلى جۇمىس ىستەپ وتىر.

الماتى