جاعا ۇستاتار قىلمىستار
بەيسەنبى, 23 مامىر 2013 2:40
مەركى اۋدانىنداعى شاعىن عانا شارۋاسى بار ءبىر كاسىپكەردىڭ ۇيىنە قاندىقول قاراقشىلار ءتۇن ىشىندە باسا-كوكتەپ كىرىپ, ءۇي يەسىنىڭ ايەلى مەن كەلىنىن بالتالاپ ءولتىرىپ, ال وتاعاسى مەن بالاسىن اۋىر جاراقاتتاپ, 3 ميلليونعا جۋىق تەڭگەسىن ۇپتەپ كەتكەنى تۋرالى حاباردى ەستىگەندە جاعامىزدى ءبىر ۇستاعانبىز.
بەيسەنبى, 23 مامىر 2013 2:40
مەركى اۋدانىنداعى شاعىن عانا شارۋاسى بار ءبىر كاسىپكەردىڭ ۇيىنە قاندىقول قاراقشىلار ءتۇن ىشىندە باسا-كوكتەپ كىرىپ, ءۇي يەسىنىڭ ايەلى مەن كەلىنىن بالتالاپ ءولتىرىپ, ال وتاعاسى مەن بالاسىن اۋىر جاراقاتتاپ, 3 ميلليونعا جۋىق تەڭگەسىن ۇپتەپ كەتكەنى تۋرالى حاباردى ەستىگەندە جاعامىزدى ءبىر ۇستاعانبىز.
جاقىندا شۋ اۋدانىندا تاعى ءبىر سۇمدىق وقيعا بولدى. ەلۋ جاستان ەندى اسقان اكە ءوز ۇلىنىڭ قولىنان كوز جۇمدى. وقيعا بىلاي بولىپتى. 27 جاستاعى جىگىتسىماق اكەسىنىڭ «جۇمىس ىستەمەيسىڭ», «اراققا قۇمارسىڭ» دەگەن سوزىنە بولا اعاشپەن ۇرىپ ولتىرگەن. سوسىن ءولىپ جاتقان اكەسىنە قاراماستان, اراق ىزدەپ كەتكەن.
ءجا, جامبىلداعى قىلمىستى قىلمىس دەلىك, ال سالاقتىقتىڭ سالدارىنان دۇنيەمەن قوشتاسقاندارعا نە دەۋگە بولادى؟ بۇعان كىم كىنالى؟ مۇنى ءدال باسىپ ايتۋ قيىن. بىراق قازا تاپقان ادام گاز قۇبىرىن تارتۋشىلار قازىپ كەتكەن تەرەڭ ورعا تۇسكەن. سول كەزدە وردىڭ شەتىندەگى ءۇيىندى توپىراق قۇلاپ, ونى تىرىدەي كومىپ قالعان. ونى قۇتقارماق بولعان اعايىندارى دا اجال قۇشتى. ءسويتىپ, ءتورت ازامات وقيعا بولعان جەردە كوز جۇمدى.
وبلىستىق توتەنشە جاعدايلار دەپارتامەنتى قىزمەتكەرلەرىنىڭ ايتۋىنشا, مارقۇمداردىڭ مۇردەسى ارنايى تەحنيكانىڭ كومەگىمەن قازىلىپ الىنعان.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
