وزەن-كولدەر كۇشىنە ءمىنىپ تۇر
سەيسەنبى, 2 ءساۋىر 2013 0:17
«اجال ايلا تاپتىرماس» دەگەندى اتام قازاق وسىندايدا ايتقان شىعار, ءسىرا. سارىاعاش اۋدانىنداعى وراز اتا اۋىلىنىڭ 12 جاسار تۇرعىنى, جەتكىنشەك قىز ابايسىزدا قۇركەلەس وزەنىنە قۇلاپ كەتىپ, اجال قۇشتى. توتەنشە جاعداي جونىندەگى دەپارتامەنت وكىلدەرىنىڭ مالىمەتىنە قاراعاندا, قىز مەنينگيت اۋرۋىمەن سىرقاتتانعان ەكەن. قازىر كوكتەم ايى بولعاندىقتان, وزەندەردىڭ تاسىپ, بۋىرقانىپ جاتقانى بەلگىلى. وقىس وقيعا 18 ناۋرىز كۇنى ورىن الىپتى. ارناسىنان اسىپ-تاسقان, اعىسى قاتتى لاي سۋ قىزدى ءا دەگەننەن-اق ءۇيىرىپ الىپ كەتسە كەرەك.
سەيسەنبى, 2 ءساۋىر 2013 0:17
«اجال ايلا تاپتىرماس» دەگەندى اتام قازاق وسىندايدا ايتقان شىعار, ءسىرا. سارىاعاش اۋدانىنداعى وراز اتا اۋىلىنىڭ 12 جاسار تۇرعىنى, جەتكىنشەك قىز ابايسىزدا قۇركەلەس وزەنىنە قۇلاپ كەتىپ, اجال قۇشتى. توتەنشە جاعداي جونىندەگى دەپارتامەنت وكىلدەرىنىڭ مالىمەتىنە قاراعاندا, قىز مەنينگيت اۋرۋىمەن سىرقاتتانعان ەكەن. قازىر كوكتەم ايى بولعاندىقتان, وزەندەردىڭ تاسىپ, بۋىرقانىپ جاتقانى بەلگىلى. وقىس وقيعا 18 ناۋرىز كۇنى ورىن الىپتى. ارناسىنان اسىپ-تاسقان, اعىسى قاتتى لاي سۋ قىزدى ءا دەگەننەن-اق ءۇيىرىپ الىپ كەتسە كەرەك.
ەشكىم كومەك بەرۋگە ۇلگەرە دە الماي قالىپتى.
قىزدىڭ دەنەسى ارادا 10 كۇن وتكەننەن كەيىن تابىلدى. قۇتقارۋشى سۇڭگۋىرلەرگە وزەننىڭ بويىن ەكى مارتە ءسۇزىپ شىعۋلارىنا تۋرا كەلدى. مارقۇم قىزدىڭ اكەسىنىڭ ءوتىنىشىمەن 28 ناۋرىز كۇنى قۇتقارۋشىلار تاعى دا كەلىپ, دايىندىق جۇمىستارىن جۇرگىزىپ جاتقاندا قىزدىڭ جانسىز دەنەسى وقيعا بولعان جەردەن 3 شاقىرىم قاشىقتىقتان ءوزى قالقىپ شىعىپتى.
بىرقاتار اقپارات قۇرالدارى 27 ناۋرىز كۇنى جامبىل وبلىسى, قورداي اۋدانى, سارىبۇلاق اۋىلىندا دا بەس جاسار ءبۇلدىرشىننىڭ كانالعا قۇلاپ كەتىپ, جازىم بولعانىن جازدى. قازىرگىدەي كوكتەمگى تاسقىندا كۇشىنە ءمىنىپ, سىرىن ىشىنە بۇككەن وزەن-كولدەر وتە قاۋىپتى ەكەنىن جۇرت تۇسىنسە دەيمىز.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
