قاتەرلى ىسىككە قارسى قاۋقار قالاي؟
سارسەنبى, 20 اقپان 2013 7:23
ءسىز نە دەيسىز؟
اتالا قالسا, سىرقاتتانۋشىنىڭ ۇرەيىن الىپ, زارەسىن ۇشىراتىن وسى اسا اۋىر دەرتكە شالدىعۋشىلار سانى جىل سايىن ۇلعايماسا ازايماي وتىرعانى انىق. ماسەلەن, قاراعاندى وبلىسىندا 18 مىڭنان استام ادام ونكولوگيالىق اۋرۋلار بويىنشا ەسەپكە الىنعان. قاۋىپتى كەسەلگە قارسى كۇرەس قالاي ۇيىمداستىرىلىپ وتىر؟
سارسەنبى, 20 اقپان 2013 7:23
ءسىز نە دەيسىز؟
اتالا قالسا, سىرقاتتانۋشىنىڭ ۇرەيىن الىپ, زارەسىن ۇشىراتىن وسى اسا اۋىر دەرتكە شالدىعۋشىلار سانى جىل سايىن ۇلعايماسا ازايماي وتىرعانى انىق. ماسەلەن, قاراعاندى وبلىسىندا 18 مىڭنان استام ادام ونكولوگيالىق اۋرۋلار بويىنشا ەسەپكە الىنعان. قاۋىپتى كەسەلگە قارسى كۇرەس قالاي ۇيىمداستىرىلىپ وتىر؟
«ەگەمەن قازاقستاننىڭ» ايماقتاعى ءتىلشىسى ايقىن نەسىپباي وبلىستىق ونكولوگيالىق ديسپانسەر ديرەكتورىنىڭ ورىنباسارى تاتيانا حايتيديگە:
– ءسىز نە دەيسىز؟
– الدىمەن ايتىپ وتكەندە, اتالعان اۋرۋدىڭ الدىن الۋ, ەمدەۋمەن شۇعىلداناتىن ءبىزدىڭ ونكولوگيالىق ديسپانسەر كەزىندە كەڭەس وداعىنداعى بەلدى ورتالىق سانالسا , بۇگىندە دە جىلدار بويى جيناقتالعان ءىس-تاجىريبەگە لايىق قىزمەت كورسەتىپ كەلەدى. ەڭ قاتەرلى ناۋقاس بولىپ تۇرعان ونىڭ تۇرلەرىن انىقتاپ, ەم قولدانۋ قاشانعىداي وڭايلىققا سوقپاي وتىر دەۋىمە بولادى. ءايتكەنمەن, قازىرگى مەديتسينا جەتىستىگى, جاڭا ارناۋلى قۇرال-قوندىرعىلار, ماماندار بىلىكتىلىگى بەتىن قايتارۋعا مۇمكىندىك بەرەدى. اسىرەسە, باستاپقى ساتىسىندا دەرتتىڭ دەندەپ كەتپەۋىنە توسقاۋىل قويۋ مۇمكىندىگى مولايىپ وتىر.
سوڭعى جىلداردا وكىنىشكە قاراي, ونكولوگيالىق اۋرۋ تۇرلەرى ۇلعايدى. سونىڭ ىشىندە تەرى راگى ءجيى ۇشىراسادى. اسقازان, باۋىر, بۇيرەك, وكپە, توق ىشەك, ءسۇت بەزدەرى ىسىكتەرىنىڭ دە پايدا بولۋى از ەمەس. بۇرىن بۇلار كوبىنە ەگدە تارتقان ادامدارعا جابىسۋشى ەدى, ەندى ورتا جانە ودان دا جاستاردىڭ اراسىندا ءجيى كەزدەسۋدە. وبلىس بويىنشا بىلتىر 3342 ادام قاتەرلى ىسىك بەلگىلەرىمەن ءتىركەلسە, مۇنىڭ ءوزى الدىنداعى جىلدان كوپتەۋ.
ءيا, نە ىستەلىپ جاتىر, نە ىستەلۋ قاجەت دەگەنگە توقتالساق, ونكولوگيالىق اۋرۋلاردى ەمدەۋدە قولداناتىن ادىستەردىڭ 90 پايىزىن ارىپتەستەرىم جۇزەگە اسىرا الادى دەر ەدىم. شەتەلدەردە بىلىكتىلىك تەرەڭدەتىپ وتىراتىن ولاردىڭ ءبىرازى مىندەتتەرىنە جەتىك. ءبىزدى الاڭداتارلىق جايدىڭ ءبىرى سونى ۇلگىدەگى مەديتسينالىق جابدىقتاردىڭ ءالى دە تولىقتاي قامتاماسىز ەتىلە قويماۋى بولىپ تۇر. ونكولوگ دارىگەرلەرگە زارۋلىك بار. سونداي-اق, بۇدان 30-40 جىل بۇرىن سالىنعان عيمارات ەسكىردى ءارى تارلىق ەتۋگە اينالدى. 350 ورىندىق اۋرۋحانا دا سونداي كۇيدە. دارىگەرلەرگە قارالۋعا كەزەككە تۇرۋشىلاردى قابىلداۋ, ەمدەۋ كابينەتتەرى جەتىسپەيدى. وسى ورايدا, قيىندىق سكرينينگتىك تەكسەرۋلەر جۇرگىزۋ كەزىندە اسا بىلىنەدى.
قاتەرلى ىسىككە قارسى كۇرەستى كۇشەيتۋگە قازىر بارلىق ءمۇمكىندىكتەر بارشىلىعىنا , تالاپ تا جوعارى ەكەندىگىنە رازىمىز. ءسوز رەتىندە ايماقتىق ونكولوگيالىق عىلىمي-زەرتتەۋ ينستيتۋتىن قۇرۋ ويلاستىرىلۋى كەرەكتىگىن اتاپ ايتار ەدىم. ول مەديتسيناداعى وتكىر ماسەلەنى شەشە ءبىلۋدى جەتىلدىرۋگە ۇيىتقى بولار ەدى. ايماقتاعى ەكولوگيالىق جاعداي مەن باسقا ءتۇرلى سەبەپتەرگە بايلانىستى بۇل دەرتتىڭ جيىرەك ۇشىراسا باستاۋى جەزقازعان وڭىرىندە بولەك ونكولوگيالىق اۋرۋحانا سالۋ قاراستىرىلۋى قاجەتتىگىن ايقىن سەزدىرىپ وتىر.
قاراعاندى.
