ايماقتار • 01 مامىر، 2019

«جاڭعىرۋ جولى» جاستار قوزعالىسى شىمكەنتتە 8 جوبانى جۇزەگە اسىرادى

1 مامىر – قازاقستان حالقى بىرلىگى كۇنى قارساڭىندا شىمكەنتتە «جاڭعىرۋ جول» رەسپۋبليكالىق قوزعالىسى قالالىق شتابىنىڭ كەڭەيتىلگەن ءماجىلىسى ءوتتى.

نۇرشات توكەن

ءىس-شاراعا قالالىق قازاقستان حالقى اسسامبلەياسى توراعاسىنىڭ ورىنباسارى ءمۇراتالى قالمۇراتوۆ، قالالىق ءبىلىم باسقارماسى باسشىسىنىڭ مىندەتىن اتقارۋشى ايگۇل تەكەباەۆا جانە قالاداعى 29 كوللەدج ديرەكتورلارىنىڭ تاربيە ءىسى جونىندەگى ورىنباسارالارى، «دوستىق» كلۋبتارى مەن ەتنومادەني بىرلەستىكتەردىڭ جاستار قاناتتارىنىڭ جەتەكشىلەرى قاتىستى.

ماجىلىستەگى العىسوزىندە قالالىق قحا توراعاسىنىڭ ورىنباسارى م. قالمۇراتوۆ كەشە نۇر-سۇلتان قالاسىندا وتكەن قازاقستان حالقى اسسامبلەياسىنىڭ XXVII سەسسياسىندا ايتىلعان ماڭىزدى ماسەلەلەرگە توقتالدى. سەسسيادا ەلباسى، قازاقستان حالقى اسسامبلەياسىنىڭ توراعاسى ن.نازارباەۆ ايتقان باستامالاردى ىسكە اسىرۋعا جاستاردى بەلسەنە قاتىسۋعا شاقىردى.

«ەلباسى اسسامبلەيانىڭ قوعامدىق سانانى جاڭعىرتۋ پروتسەستەرىنىڭ بەلسەندى قاتىسۋشىسى ەكەنىن ايتتى. بىلىمگە جۇگىنۋ، جاڭا يدەيالارعا جول اشۋ، ۇلتتىق كودتى ساقتاۋ جانە قازاقستاننىڭ ەۆوليۋتسيالىق دامۋى – جالپىۇلتتىق تاريحي سانا مەن بىرتەكتى قۇندىلىقتاردى قالىپتاستىرۋدىڭ نەگىزدەرى ەكەنىن العا تارتىپ، مۇنى پايىمدى پاراساتتىلىقپەن ىسكە اسىرۋ اسسامبلەيانىڭ تىكەلەي جاۋاپكەرشىلىگىنە جاتاتىنىن جەتكىزدى. وسى باعىتتا اسسامبلەيانىڭ ەڭ بەلسەندى مۇشەلەرى سانالاتىن جاستاردىڭ الدىندا الدىندا دا جاڭا اۋقىمدى مىندەتتەر تۇر»، دەدى م. قالمۇراتوۆ.

شىمكەنتتەگى ءبىلىم ۇيالارىندا جۇزگە جۋىق ءتۇرلى ەتنوس جاستارىنىڭ ءبىلىم الىپ جاتقانىن ايتقان قالالىق ءبىلىم باسقارماسى باسشىسىنىڭ مىندەتىن اتقارۋشى ا. تەكەباەۆا ولاردىڭ ءوزارا دوستىعىن نىعايتۋ باعىتىندا «دوستىق كلۋبتارى» مەن «جاڭعىرۋ جولى» جاستار قوزعالىسىنىڭ جۇمىسىن جانداندىرۋ قاجەتتىگىن ايتتى. بۇل باعىتتا قحا مەن ءبىلىم باسقارماسى اراسىندا بىرلەسكەن جۇمىس جوسپارى ءتۇزىلىپ، «ءۇOUTH FORUM»، «جاستار شاقىرادى»، «بەرەكەلى شاڭىراق»، «درۋجبا بەز گرانيتس»، «ماقساتقا جەت»، «مەيىرىمدى جاستار»،«ەلتانۋ»، «Aibyn» سىندى سەگىز جوبا جۇزەگە اسىرىلماق.

شىمكەنت