ايماقتار • 01 مامىر، 2019

تارازدا تاتۋلىق تۋى اسقاقتاعان كۇن

800 رەت كورسەتىلدى

قازىرگى تاڭدا جامبىل وبلىسىندا 80-نەن استام وزگە ۇلت وكىلدەرى تۇرادى. قاشاندا بىرلىگى جاراسقان اۋليەاتالىقتار ءبىر توپىراقتا تالاي جىلدان بەرى تاتۋ ءومىر ءسۇرىپ كەلەدى.

بۇگىن دە تاراز قالاسىندا اۋليەاتا جۇرتشىلىعى قازاقستان حالقى بىرلىگى كۇنىن داستۇرگە ساي اتاپ ءوتتى. مەرەكەلىك شاراعا ءوڭىردىڭ زيالى قاۋىم وكىلدەرى، وبلىستىق ەتنومادەني بىرلەستىكتەردىڭ مۇشەلەرى، «جاڭعىرۋ جولى» جاستار قوزعالىسى جانە «اق جەلكەن» جاستار ليگاسىنىڭ مۇشەلەرى، سونىمەن قاتار، جەرگىلىكتى ارداگەرلەر مەن انالار كەڭەسىنىڭ مۇشەلەرى، قولونەر شەبەرلەرى، قالا قوناقتارى مەن تۇرعىندارى قاتىستى. قازاقستان حالقى اسسامبلەياسىنىڭ ايماقتاردا ەتنوسارالىق كەلىسىمدى قامتاماسىز ەتۋدى جۇزەگە اسىرۋ جولىندا قازاقستان حالقىنىڭ رۋحاني-مادەني بىرىگۋى، قازاق ەلىندەگى وتباسىلىق قۇندىلىقتار مەن داستۇرلەرى دامىتۋدى ناسيحاتتاۋ، جاس ۇرپاقتى ءار ەتنوستىڭ سالت-داستۇرلەرى مەن ادەت-عۇرىپتارىن قۇرمەتتەۋگە باۋلۋ ماقساتىندا ۇيىمداستىرىلعان شارا بارىسىندا جەكەلەگەن ساحنالاردا قازاق، ورىس، وزبەك، ۋكراين، ۇيعىر، دۇنگەن، تۇرىك، كورەي ۇلتتارىنىڭ مادەنيەتى مەن سالت-داستۇرلەرى تۋرالى قويىلىمدار جانە كونتسەرتتىك باعدارلامالارى ۇيىمداستىرىلدى.  

  سونىمەن قاتار، بۇگىن «دوستىق داستارحانى» تاعامدار كورمەسى ۇيىمداستىرىلىپ، كوپشىلىك حالىق داستارحانعا قويىلعان 20 ءتۇرلى ۇلتتىق تاعامداردان ءدام تاتتى.  سونداي-اق، كورەرمەن قاۋىم اراسىندا قازاق كۇرەسى، قول كۇرەسى، ورداباسى، اسىق اتۋ، ماس-رەستلينگ، توعىزقۇمالاق، لاڭگى ويىنى سياقتى 7 ۇلتتىق سپورتتىق ويىندار تۇرىنەن جارىستار ۇيىمداستىرىلدى. ال، تارازدىقتار جۋىردا عانا اشىلعان «BILIM ALANY» ورتالىعىندا جاستار مەن جاسوسپىرىمدەردىڭ «ىنتىماعى جاراسقان، تۋعان ولكە – قازاقستان» اتتى مەرەكەلىك قويىلىمىن تاماشالاپ، «JASTAR» الاڭىندا ۇيىمداستىرىلعان   «سايالى بايتەرەك» تەاترلاندىرىلعان كورىنىسىنە كۋا بولدى.

  سونىمەن قاتار، مەرەكە كۇنى تاراز قالاسىنىڭ «JASTAR» اللەياسىندا ءار ەتنوس تىلدەرىندە راديودان اندەر ورىندالىپ، اللەيانىڭ باستى الاڭىندا وڭىرلىك ەتنومادەني بىرلەستىكتەردىڭ كوركەمونەرپازدار جەتەكشىلەرى مەن شىعارماشىلىق توپتارىنىڭ جانە كەنەن ازىرباەۆ اتىنداعى وبلىستىق فيلارمونيا وكىلدەرىنىڭ قاتىسۋىمەن كونتسەرتتىك باعدارلاما ۇيىمداستىرىلدى. ءار ۇلت وكىلدەرى وزدەرىنىڭ ۇلتتىق كيىمدەرىن ناسيحاتتاپ، ءوز ونەرلەرىن ورتاعا سالدى. بىرلىك كۇنىنە وراي ۇيىمداستىرىلعان مەرەكەلىك شارادا جامبىل وبلىسىنىڭ اكىمى اسقار مىرزاحمەتوۆ جامبىلدىقتاردى قازاقستان حالقىنىڭ بىرلىگى كۇنى مەرەكەسىمەن قۇتتىقتاپ، وڭىردەگى بىرقاتار ەتنومادەني بىرلەستىكتەردى قۇرمەت گراموتاسىمەن ماراپاتتادى. سونىمەن قاتار، «پولونەز» پولياك ءتىل ورتالىعى مەن مادەنيەتى» قوعامدىق بىرلەستىگىنىڭ مۇشەسى اراكسي پلەتنەۆا جانە «اينۇرى» تاتار-باشقۇرت ەتنومادەني بىرلەستىگىنىڭ وكىلى رينال راحماتۋلليندەر دە قۇتتىقتاۋ ءسوز سويلەدى. بۇدان كەيىن مەرەكەلىك شاراعا قاتىسۋشىلار وڭىردەگى قولونەر شەبەرلەرىنىڭ ەڭبەكتەرىمەن تانىسىپ، ارنايى ۇيىمداستىرىلعان كورمەنى تاماشالادى.

 

جامبىل وبلىسى

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار