ەۋرازيالىق مەديا فورۋم «بۇگىنگى الەم: شىنايىلىقتىڭ تۇرلەنۋى؟» تاقىرىبىندا وتەدى

بۇل كۇندەرى كەزەكتى جيىنعا تىركەۋ جۇمىستارى ءجۇرىپ جاتىر. بيىلعى فورۋم «بۇگىنگى الەم: شىنايىلىقتىڭ تۇرلەنۋى؟» اتاۋىمەن وتەدى. كونفەرەنتسيادا الەمدىك جانە وڭىرلىك دەڭگەيدەگى بىرقاتار وزەكتى ماسەلەلەر كوتەرىلمەك. كۇن تارتىبىندە: جاھاندانۋعا قارسى ۇدەرىستەر، تۇتىنۋ داعدارىسىنىڭ تەرەڭدەۋى، حالىقارالىق قۇقىق پەن جاساندى اقىل-ويدى پايدالانۋعا بايلانىستى قاۋىپ-قاتەرلەر تالقىلانادى. سونداي-اق، فورۋم اياسىندا مەديا سالاداعى كاسىبي تاقىرىپتار – تسيفرلىق الەمدەگى جۋرناليستيكانىڭ بولاشاعى مەن بلوگسفەرا ىقپالىنىڭ ارتۋىن تىلگە تيەك ەتەدى.

فورۋمعا 2002 جىلدان بەرى 6 مىڭنان استام شەتەلدىك وكىل كەلدى. ولاردىڭ اراسىندا ساياساتكەرلەر، ەكونوميستەر، ساياساتتانۋشىلار، نوبەل سىيلىعىنىڭ يەگەرلەرى، قوعام قايراتكەرلەرى، عالىمدار مەن كاسىپكەرلەر بار.

فورۋمعا ءار جىلداردا يسلام رەسپۋبليكاسىنىڭ بۇرىنعى پرەزيدەنتى يران مۇحاممەد حاتامي، اۋعانستاننىڭ 12-ءشى پرەزيدەنتى حاميد كارزاي، امەريكالىق ديپلوماتتار ريچارد حولبرۋك پەن ريچارد پەرل، اقش-تىڭ بۇرىنعى كونگرەسمەنى، دەموكراتتاردىڭ باسقارۋ كەڭەسىنىڭ توراعاسى حارولد فورد، ۇلىبريتانيانىڭ بۇرىنعى سىرتقى ىستەر ءمينيسترى دجەك سترو، گرەكيانىڭ بۇرىنعى تۋريزم ءمينيسترى جانە پارلامەنت مۇشەسى ولگا كەفالويانني، بريتان فۋتۋرولوگى رەي حامموند، تانىمال جۋرناليستەر ۆلاديمير پوزنەر، ماكسيم شەۆچەنكو، ميحايل لەونتەۆ، سوفيكو شەۆاردنادزە، پيتەر لاۆەل، پولا سليەر، ستيۆەن كوۋل، نيك گوۋينگ، كسەنيا سوبچاك، يتار-تاسس اقپارات اگەنتتىگىنىڭ جەتەكشىلەرى ۆيتالي يگناتەنكو مەن ميحايل گۋسمان، جازۋشى شىڭعىس ايتماتوۆ، ناتو بىرىككەن كۇشتەرىنىڭ بۇرىنعى جوعارعى باس قولباسشىسى ۋەسلي كلارك، رف ۇكىمەتىنىڭ بۇرىنعى توراعاسى ەۆگەني پريماكوۆ، ۇقشۇ باس حاتشىسى نيكولاي بورديۋجا، اقش پرەزيدەنتىنىڭ ۇلتتىق قاۋىپسىزدىك جونىندەگى بۇرىنعى كەڭەسشىسى زبيگنەۆ بزەجينسكي، ەقىۇ-نىڭ باق بوستاندىعى جونىندەگى وكىلى ارلەم دەزير، VICE News Tonight شەتەلدىك بولىمشەسىنىڭ نۆو كابەلدىك جانە سپۋتنيكتىك تەلەجەلىسى جاڭالىقتار شىعارىلىمىنىڭ باسشىسى نورين جاميل، امەريكالىق ساياسي تەحنولوگ، باراك وبامانىڭ قوس بىردەي پرەزيدەنتتىك سايلاۋ ناۋقانىندا نەگىزگى كەڭەسىشىسى بولعان رودجەر فيسك، ۆۆس تەلەارناسىنىڭ جاڭالىقتار رەداكتورى، «ەممي» سىيلىعىنىڭ يەگەرى گەۆين حيۋيتت، پروديۋسەر، رەجيسسەر، «وسكار» سىيلىعىنىڭ نومينانتى ەۆگەني افينەەۆسكي سىندى سپيكەرلەر كەلدى.

سونىمەن قاتار، جالپى، فورۋمدى وتكىزۋ يدەياسى جەتەكشى حالىقارالىق مەديا سالاسىندا ەداۋىر قولداۋ تاپتى. ايتالىق، ەامف جۇمىسىنا Euronews، CNN، BBC، Associated Press Television News، Reuters، Bloomberg، New York Times، Al Jazeera English، يتار-تاسس، «نوۆوستي» راا، ربك، Russia Today، 1 كانال، «جيحان» اقپارات اگەنتتىكترىن قوسقاندا، الەمدەگى 1500-دەن استام بەدەلدى باق وكىلدەرى اتسالىسۋدا.

الماتى