- شاردارادا سۋ قويماسىندا 5,2 ملرد, كوكساراي سۋ رەتتەگىشىندە 2 ملرد تەكشە مەتر سۋ بار. وسى سۋ ءبىزدىڭ ەگىسكە تولىق جەتەدى دەگەن ويدامىز. شارۋاشىلىقتار ءوز تاراپىنان سۋ سورعى الۋ ماسەلەسى, گيدروبەكەتتەردى جوندەپ, كانالداردى تازالاۋ جۇمىستارىن جۇرگىزۋدە. بيىلعى جىلى سۋ تاپشىلىعىنا وسىنداي دايىندىقپەن كەلىپ تۇرمىز,-دەيدى وبلىستىق اۋىل شارۋاشىلىعى باسقارماسىنىڭ باسشىسى باقىت جاحانوۆ.
وبلىس باسشىسىنىڭ بۇلاي قاۋىپتەنۋىنە سەبەپ, وتكەن جىلى دا سۋ قورى جەتكىلىكتى كورىنگەنىمەن ءبىراز تاناپتارعا سۋ جەتپەي ەگىستىك كۇيىپ كەتە جازداعان. سۋ دەڭگەيىنەن جوعارىعا كۇرىش ەككەن اعايىن قاتتى قينالعان. سوندىقتان, ەڭبەكتىڭ وتەۋى بولۋى ءۇشىن كەڭەسكە قۇلاق قويعان دۇرىس بولادى.
قىزىلوردا وبلىسى
