كەلۋشىلەردى ەسەپتەۋ باعدارلاماسىنىڭ مالىمەتىنشە, مەرۋەرتتىڭ MEGA Silk Way-ءدىڭ مەرەيلى قوناعى بولعانى انىقتالدى. 2019 جىلى 28 ساۋىردە وتباسىنا ساۋدا ويىن-ساۋىق ورتالىعىندا ءبىر ميلليون تەڭگەگە ساۋدا جاساۋعا سەرتيفيكات بەرىلدى.
– ءبىز ساۋدا ورتالىعىنا جاقىن ماڭدا تۇرامىز جانە مەگاعا ازىق-ت ۇلىككە ءجيى كەلىپ, سەرۋەندەپ قايتامىز. مۇندا كەڭ, اشىق, جىلى, جايلى, اۋا كوپ, بۇل جەر جانعا جايلى, – دەدى جولى بولعان باعدارلاماشى مەرۋەرت ايتباەۆا.
– MEGA Silk Way-دە جاقسى ۋاقىت وتكىزۋگە بولادى, مۇندا بالالاردىڭ اقىل-ويىن دامىتۋعا ارنالعان ويىن-ساۋىقتار بار. ءبىز بۇل جەردە اۆتوكولىك ۇتىسىنا دا قاتىسقانبىز, بىراق ۇتقان جوقپىز. مىنە, وسى جولى جولىمىز بولدى. سىيعا بەرىلگەن سەرتيفيكاتقا تەحنيكا, ۇيگە ارنالعان تاۋارلار, ويىنشىقتار, قىزىمىز بەن وزىمىزگە كيىم ساتىپ الامىز, – دەيدى ينتەرەر ديزاينەرى دانيار دىلدابەكوۆ.
ەستەرىڭىزگە سالا كەتەيىك, MEGA Silk Way-ءدىڭ كىرىس توپتارىندا ماركەتينگتىك زەرتتەۋلەر جۇرگىزۋ ماقساتىندا كەلۋشىلەردى سانايتىن ەسەپتەۋىشتەر جۇمىس ىستەيدى. ەڭ ءىرى استانالىق ساۋدا-ويىن-ساۋىق ورتالىعىنا كەلەتىندەردىڭ ورتاشا سانى – ءبىر ميلليون ادام. 2019 جىلدىڭ 1-ءشى توقسانىندا ساۋدا-ويىن ساۋىق ورتالىعىنا كەلۋشىلەر سانى وتكەن جىلدىڭ سايكەس كەزەڭىمەن سالىستىرعاندا 9% -عا ارتقان.
الماتى
