ءوزارا ءتيىمدى ىنتىماقتاستىقتىڭ كورىنىسى

دوڭگەلەك ۇستەلدىڭ سالتاناتتى اشىلۋىندا ءسوز العان قور­دىڭ باسقارما توراعاسى احمەت­جان ەسىموۆ حالىقارالىق كومپا­نيا­لاردى ءوزارا ءتيىمدى ىنتىماقتاس­تىقتى جانداندىرۋعا شاقىردى. «قوردىڭ جاڭا دامۋ ستراتەگياسى اياسىندا ءبىز قازاقستانداعى جوبالارعا بەلسەندى تۇردە ينۆەس­تيتسيا قۇيامىز. قور پورتفەلىن ءارتاراپتاندىرۋ ماقساتىندا «سامۇرىق-قازىنا» وزگە تاۋەلسىز قورلارمەن جانە ينۆەستورلار كونسورتسيۋمىمەن ستراتەگيالىق سەرىكتەستىككە كىرۋ مۇمكىندىگىن قاراستىرىپ جاتىر. قازاقستان مەن قىتاي حالىق رەسپۋبليكاسى ارا-قاتىناسىنىڭ بارلىق سالالارىندا كورشىلىك تاتۋلىق ورناعان. ەكى مەملەكەت باسشىسىنىڭ ستراتەگيالىق كوزقاراستارىنا سۇيەنە وتىرىپ, ءبىز ەكىجاقتى قارىم-قاتىناستى دامىتىپ كەلەمىز», دەدى احمەتجان ەسىموۆ سويلەگەن سوزىندە. 

ءىس-شارا بارىسىندا قور مەن ونىڭ كومپانيالارى قىتايلىق سەرىك­تەستەرىمەن بىرقاتار كەلى­سىم­دەرگە قول قويدى. اتاپ ايت­قان­دا, «سامۇرىق-قازىنا» اق پەن قىتايدىڭ ەۋرازيالىق ەكو­نومي­كالىق ىنتىماقتاستىق قورى اراسىندا ينۆەستيتسيالار سالا­سىن­داعى ىنتىماقتاستىق تۋرالى كەلى­سىمگە قول قويىلدى. كەلىسىم جوبا­لارعا ينۆەستيتسيا قۇيۋ مۇمكىندىگىن بىرلەسىپ قاراستىرۋعا جول اشادى. 

سونىمەن قاتار «سامۇرىق-قازىنا» اق-تىڭ «Eurasian Nurly Investment Fund» قورىنا الەۋەتتى ينۆەستور رەتىندە قاتىسۋ نيەتىنە بايلانىستى مەموراندۋمعا قول قويدى. جاڭا قوردىڭ سەرىكتەستەرى – «سITIC Group», Baiterek Holding, Asian Investment Finance Group جانە «سامۇرىق-قازىنا» اق. «Eurasian Nurly Investment Fund» 500 ملن اقش دوللارىن تارتۋدى جوسپارلاپ وتىر. شەتەلدىك ينۆەستيتسيالاردىڭ پروپورتسياسى 1:8-ءدى قۇرايدى, ياعني قازاقستان رەسپۋبليكاسى قۇيعان 1 دوللارعا 8 دوللاردان استام شەتەلدىك ينۆەس­تيتسيا تارتىلادى. 

ال «بىرىككەن حيميالىق كومپانيا» جشس جانە «Huajin Group» اراسىندا مينەرالدى تىڭايت­قىشتاردى ءوندىرۋ جوبا­سىنىڭ تەحنيكالىق-ەكونو­ميكالىق نە­گىز­دەمەسىن بىرلەسىپ ازىرلەۋ تۋرالى كەلىسىمگە قول قويىلدى. جوبا­دا قىتايدىڭ ستراتەگيالىق قىتاي­لىق ينۆەس­تورى Huajin Group (NORINCO) قاتىسۋىمەن قازاق­ستاندا قۋاتى 800 مىڭ توننا بولا­تىن زاۋىت­تىڭ قۇرىلىسى قاراس­تىرىلعان. الدىن الا ەسەپ بويىن­شا جوبا­نىڭ قۇنى 600 ملن اقش دول­لارىن قۇرايدى. بۇل جوبا قىتاي­دىڭ جانە ەۋروپالىق وداق­تىڭ نارىقتارىنداعى قازاق­ستان­نىڭ ەكسپورتتىق الەۋەتىن كەڭەيتەدى. جوبانى ىسكە اسىرۋ مەرزىمى 2020 جىلدان 2023 جىلعا دەيىن جوسپارلانىپ وتىر.