«KITAP SHOY´- 2019» باعدارلاماسىنا وراي وتكەن كىتاپ كورمەلەرى, ادەبي ۆيكتورينالار جانە تەاترلاندىرىلعان كورىنىستەر, تانىمال جازۋشىلارمەن كەزدەسۋلەر, كىتاپتاردىڭ تۇساۋكەسەرلەرى جانە ت.ب. ءىس-شارالار وقىرماندار كوڭىلىنەن شىقتى. شارا بارىسىندا الماتى قالاسى مادەنيەت باسقارماسىنىڭ باسشىسى نۇرلان سىدىقوۆ, الماتىداعى يۋنەسكو كلاستەرلىك بيۋروسىنان سەرگەي كارپوۆ, ۇلتتىق كىتاپحانا ديرەكتورى باقىتجامال وسپانوۆا, الماتى قالاسىنداعى گەتە ينستيتۋتى كىتاپحاناسىنىڭ اقپاراتتىق ورتالىق ءبولىمىنىڭ باسشىسى شولپان قىزايباەۆا, ت.ب. كىتاپ مەرەكەسىنە كەلگەن قوناقتاردى قۇتتىقتاپ, جىلى لەبىزدەرىن ءبىلدىردى.
قالانىڭ كىتاپ مادەنيەتىن دامىتۋعا, كىتاپ وقۋعا تارتۋعا, ساپالى ادەبيەتتى باسىپ شىعارۋعا جانە تانىمال ەتۋگە ىنتازار جاندار باس قوسقان كىتاپ مەرەكەسىندە كوپ كىتاپ وقيتىن وتباسى, جىلدىڭ ۇزدىك اۆتورى, ۇزدىك كىتاپحانا, ەڭ كىشكەنتاي وقىرمان سىندى اتالىمدار بويىنشا جەڭىمپازداعا ارنايى سىي-سياپاتتار ۇلەستىرىلدى.
