سوربوننا-قازاقستان ينستيتۋتى جانە قازاقستانداعى فرانتسيا رەسپۋبليكاسى ەلشىلىگى, قازاقستان رەسپۋبليكاسى تۇڭعىش پرەزيدەنتى - ەلباسى قورى جانە فرانتسيانىڭ سىرتقى ساۋدا كەڭەسشىلەرى, فرانتسيا قازاقستان ساۋدا-ونەركاسىپ پالاتاسىنىڭ ۇيىمداستىرۋىمەن وتكەن حالىقارالىق فورۋم جۇمىسىنا اباي اتىنداعى قازۇپۋ رەكتور تاكير بالىقباەۆ, قر كونستيتۋتسيالىق كەڭەسىنىڭ توراعاسى قايرات ءمامي, قازاقستانداعى فرانتسيا رەسپۋبليكاسىنىڭ توتەنشە جانە وكىلەتتى ەلشىسى فيليپپ مارتينە, قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ, فرانتسيا رەسپۋبليكاسىنىڭ باس كونسۋلى الەكسيس شاحتاحتينسكي, قوعامدىق ءومىردىڭ ترانسپارەنتتىگىن قامتاماسىز ەتۋشى جوعارى ورگاننىڭ باس حاتشىسى ليزا لامگاني (فرانتسيا), پاريج قالاسى پروكۋرورىنىڭ ورىنباسارى, تەرروريزمگە قارسى كۇرەس سالاسىنىڭ مامانى بەاتريس برۋگەر (فرانتسيا), حالىقارالىق جانە ستراتەگيالىق قاتىناستار سالاسىنداعى ساراپشى, قورعانىس مينيسترلىگىنىڭ ساراپشىسى پەر كونەزا (فرانتسيا), INALCO پرەزيدەنتى مانۋەل فرانك (فرانتسيا), ت.ب. قاتىستى.
اباي اتىنداعى قازۇپۋ ءباسپاسوز قىزمەتىنىڭ دەرەكتەرى بويىنشا, فورۋمنىڭ اشىلۋىندا رەكتور تاكير بالىقباەۆ فورۋمنىڭ ماقساتىمەن تانىستىرىپ, تالقىلاناتىن تاقىرىپتاردىڭ وزەكتىلىگى مەن ونى شەشۋدەگى باسىمدىقتاردى اتاپ ءوتتى. پىكىر الماسۋ الاڭىندا زاڭنىڭ جانە قاۋىپسىزدىك جۇيەسىنىڭ ەرەجەلەرى, ديپلوماتيانىڭ ۇلتتىق مۇددەلەرىن ىلگەرىلەتۋ, جاڭا قاۋىپسىزدىك فاكتورى رەتىندە تسيفرلاندىرۋ, ءبىلىم, دەنساۋلىق جانە قاۋىپسىزدىك; ەكونوميكالىق, قارجىلىق قاۋىپسىزدىك جانە جاھاندانۋ جاعدايىنداعى بيزنەس تاقىرىپتارىنداعى وزەكتى ماسەلەلەر تالقىلاندى.
فرانتسۋز رەسپۋبليكاسىنىڭ جاھاندانۋ, مادەنيەت, ءبىلىم بەرۋ جانە حالىقارالىق دامۋ جونىندەگى باس باسقارماسىنىڭ ۋنيۆەرسيتەت جانە عىلىمي ارىپتەستىك (ەۋروپا, ازيا, سولتۇستىك امەريكا) ورتالىعىنىڭ جەتەكشىسى مارتينا رۋسسەل (فرانتسيا), فرانتسيا ەلىنىڭ اتتاشەسى جيل مامەتتس, سونداي-اق ەۋروپا وداعىنان بەلگىلى ساراپشىلار, قازاقستان جانە فرانتسيانىڭ مەملەكەتتىك ورگاندارىنىڭ باسشىلارى مەن ديپلوماتيالىق كورپۋس وكىلدەرى, فرانتسيا مەن قازاقستان رەسپۋبليكاسىنىڭ جەتەكشى عىلىمي ورتالىقتارى جانە فرانتسيانىڭ تانىمال ۋنيۆەرسيتەتتەرى: سوربوننا ۋنيۆەرسيتەتى, ستراسبۋرگ ۋنيۆەرسيتەتى, لوتارينگيا ۋنيۆەرسيتەتى, تۋلۋز ۋنيۆەرسيتەتى, پۋاتە ۋنيۆەرسيتەتى رەكتورلارى مەن عالىمدارى, ت.ب. وسى ماڭىزدى شارا اياسىندا وزەكتى ماسەلەلەرمەن ءبولىستى.
فورۋم اياسىندا سوربوننا ۋنيۆەرسيتەتى (پاريج 13 ۋنيۆەرسيتەتى) باسشىلىعىمەن «دەنساۋلىق ساقتاۋ جۇيەسىندەگى مەنەدجمەنت», «فيسكالدىق قۇقىق» سالاسىنداعى مامانداردى دايارلاۋ بويىنشا ماڭىزدى مەموراندۋمدارعا قول قويۋ ءراسىمى ءوتتى. ءىس-شارادا اباي اتىنداعى قازۇپۋ-دىڭ سوربوننا-قازاقستان ينستيتۋتىنىڭ ۇزدىك تۇلەكتەرىنە INALCO پرەزيدەنتى (سوربوننا ۋنيۆەرسيتەتى) اتىنان ديپلومدار تابىس ەتىلدى.
