• 23 ءساۋىر، 2019

قازاتۋ-دا ناۋرىز مەيرامى تويلاندى

جىلداعى ادەتىنەن جاڭىلماي، س.سەيفۋللين اتىنداعى قازاق اگروتەحنيكالىق ۋنيۆەرسيتەتى ءاز-ناۋرىزدى بارلىق ءسان-سالاتاناتىمەن اتاپ ءوتتى. بيىلعى مەرەكە ەلباسىنىڭ « ۇلى دالانىڭ جەتى قىرى» ماقالاسىنا ساي ورايلاستىرىپ ۇيىمداستىرىلدى.

ايا ءومىرتاي

شاراعا قازاقستانداعى بەلارۋس ەلشىسىنىڭ كەڭەسشىسى دميتريچكوۆ يۋري اناتولەۆيچ، يزرايل رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ليات ۆەكسەلمان، اۋعانستان يسلام رەسپۋبليكاسىنىڭ قازاقستانداعى ەلشىلىگىندەگى ءۇشىنشى كەڭەسشى مەناۆي امينا، تۇركيا رەسپۋبليكاسى ەلشىلىگىنىڭ ءبىلىم بەرۋ جونىندەگى كەڭەسشىسى ابدۋلمۋتاليپ چيتين، فرانتسۋز اليانسىنىڭ ديرەكتورى دينارا ورازباەۆا جانە فرانتسيادان كەلگەن ارنايى قوناق جاك ورتە، ۋنيۆەرسيتەت ارداگەرلەرى، وقىتۋشىلار مەن ستۋدەنتتەر قاتىستى.

ۋنيۆەرسيتەت رەكتورى اقىلبەك قاجىعۇل ۇلى قۇتتىقتاۋ سوزىندە ۋنيۆەرسيتەت جەتىستىكتەرى مەن حالىقارالىق ىنتىماقتاستىعى تۋرالى قىسقاشا بايانداپ، ۋنيۆەرسيتەت ۇجىمى مەن ستۋدەنتتەرىن ناۋرىز مەيرامىمەن قۇتتىقتاپ، زور دەنساۋلىق، ءار شاڭىراققا باق-بەرەكە، يگى باستامالارعا ساتتىلىك تىلەدى.

سونداي-اق ا.ق.كۇرىشباەۆ جىل سايىن فاكۋلتەتتەر اراسىندا وتكىزىلەتىن «ارمىسىڭ، ءاز-ناۋرىز!» بايقاۋىنىڭ جەڭىمپازدارىن ماراپاتتادى. بايقاۋ قورىتىندىسى بويىنشا باس جۇلدەنى ۆەتەريناريا جانە مال شارۋاشىلىعى تەحنولوگياسى فاكۋلتەتى ەنشىلەدى. ءى ورىن جەر رەسۋرستارىن باسقارۋ، ساۋلەت جانە ديزاين فاكۋلتەتىنە بۇيىرسا، ءىى ورىندى اگرونوميالىق فاكۋلتەت يەلەندى. ءىىى ورىندى تەحنيكالىق فاكۋلتەت پەن ەكونوميكالىق فاكۋلتەت ءبولىستى.

مەرەكەلىك كونتسەرتتە «ورلەۋ» توبى، ونەر جانە شىعارماشىلىق فاكۋلتەتىنىڭ «شابىت» ۇلتتىق اسپاپتار وركەسترى، «اق جەلكەن» ستۋدەنتتىك تەاترى، «شاتتىق» بي ءانسامبلى جانە فاكۋلتەت سوليستەرى ونەر كورسەتتى.

مەرەكەلىك شارا بارىسىندا « ۇلى دالانىڭ جەتى قىرى» اتتى فلەشموب، تەاترلاندىرىلعان قويىلىم، ۇلتتىق سالت-داستۇردەن سىر شەرتەتىن كورىنىستەر ساحنالاندى. سونداي-اق، «قازاق كۇرەسى»، «ارقان تارتۋ» ۇلتتىق ويىندارى ويناتىلدى. ودان بولەك، 2000 ادامعا ارنالعان ناۋرىز مەرەكەسىنىڭ ءداستۇرلى اسى – ناۋرىز كوجە ۇسىنىلدى.