سونداي-اق 20 ومارتاشىنى بىرىكتىرگەن «مەد پريرتىشيا» كووپەراتيۆى بال ونىمدەرىن ۇسىنادى. ماقسات – جەرگىلىكتى بالدىڭ ساپالى ءارى پايدالى ەكەنىن جەتكىزۋ. ءدارىحانادا جەرگىلىكتى ومارتاشىلاردىڭ شىعارعان ءپروپوليسى بار مۇز كامپيتتەرى, بالدى الما, ۇياداعى بال بار.
ەندى ومارتاشىلار «جەمچۋجينا دولگولەتيا» شيپاجايىندا «ارالار ۇياسىنداعى ۇيقى» اتتى ەمدىك-ساۋىقتىرۋ ءادىسىن ءوتكىزىپ كورمەك. ومارتا شارۋاشىلىعىنىڭ جەتەكشىسى سەرگەي تروفيموۆتىڭ ايتۋىنشا, دەمالۋشىلاردىڭ ارا ۇياسىندا جاتىپ ەم الۋىنا ارنالعان ەكى ورىندى, ءۇش بۇرىشتى شاعىن ۇيلەر ورناتىلادى.
– ءار ورىننىڭ تومەنگى جاعىندا ءتورت ارا ۇياسى ورنالاسادى. ارالار ۇشىپ جۇرمەس ءۇشىن ۇيا بەتى توركوزبەن جابىلادى. ەم الۋشى ءۇشىن تاقتاي ۇستىنە كورپە توسەلەدى. حوش ءيىستى گۇلدەر يىسىمەن تىنىستاپ, ادامنىڭ جۇيكەسى تىنىشتالادى. جۇرەك-قان تامىرلارى ساۋىعىپ, وكپەسى تازارادى. ارا ۇياسىنداعى ۇيقى بارىسى ءدارىگەردىڭ باقىلاۋىندا بولادى, – دەيدى.
سونىمەن بىرگە ومارتاشىلار «بەرەزكا» ساياجايى ماڭىندا ەكوتۋريزمگە ارنالعان ورىن اشپاق.
– بال اعزاداعى زياندى قالدىقتاردى شىعارۋعا, اعزانى جاسارتۋعا, ارتەريالدىق قىسىمدى تومەندەتۋگە جانە سەمىزدىكپەن كۇرەسۋگە كومەكتەسەدى, – دەيدى ومارتاشىلار.
جاز كەزىندە ءوڭىر تۇرعىندارى وسى جەردە دەمالادى, ومارتا شارۋاشىلىعىمەن تانىسىپ, وزدەرى دە بال جيناي الادى.
پاۆلودار وبلىسى
