ايماقتار • 22 ءساۋىر، 2019

الماتىدا «رۋحاني جاڭعىرۋ» باعدارلاماسىن ىلگەرىلەتۋ جونىندەگى ناسيحاتتىق توپ جاساقتالدى

الماتى قالاسىنداعى «دوستىق» ۇيىندەگى وتكەن جيىندا «رۋحاني جاڭعىرۋ» باعدارلاماسىن ىلگەرىلەتۋ جونىندەگى ناسيحاتتىق توپ جاساقتالىپ، قازاقستاندىق ەتنوستارعا ارنالعان العاشقى «قازاقتانۋ» لەكتوري ءوتتى.

ايناش ەسالى

«حالىقارالىق «جاناشىر» قوعامدىق قورى قر اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق مەملەكەتتىك گرانتى نەگىزىندە «بىرىڭعاي ورتاق قۇندىلىقتاردى قالىپتاستىرۋ، سونداي-اق قازاقستان ەتنوستارى اراسىندا «رۋحاني جاڭعىرۋ» باعدارلاماسىن ىلگەرىلەتۋ» تاقىرىبىنداعى جوبانى جۇزەگە اسىرىپ وتىر.

جاڭادان جاساقتالعان اقپاراتتىق-ناسيحاتتىق توپ مۇشەلەرى تۇراقتى تۇردە جۇمىس ىستەپ، مەكتەپتەر مەن كوللەدجدەردە، جوو-داردا، ەتنو-مادەني ورتالىقتار مەن جاستار ۇيىمدارىندا اقپاراتتىق-ناسيحات جۇمىستارىن جۇرگىزىپ، ءتۇرلى شارالار ۇيىمداستىرىپ، لەكتسيالار وقيتىن بولادى»، دەيدى ۇيىم باسشىسى جاڭىل اپەتوۆا.

الماتى قالاسى قحا مۇشەلەرى – گرەك مادەني ورتالىعىنىڭ توراعاسى گەورگي يوردانيدي، الماتى قالاسى قحا توراعاسىنىڭ ورىنباسارى، وسەتين مادەني ورتالىعىنىڭ باسشىسى كازبەك مامسۋروۆ، قازاقستاننىڭ ەڭبەك سىڭىرگەن قايراتكەر اسىلى وسمان، قر ەڭبەك سىڭىرگەن ونەر قايراتكەرى ساۋىق جاقانوۆا، الماتى قالاسى قوعامدىق كەڭەسىنىڭ مۇشەلەرى قۇسمان شالاباەۆ، مايرا ساعىمبەكوۆا، قر ەكونوميكالىق قوعامداستىقتارىنىڭ جانە باسقا دا نىسانداعى كووپەراتيۆتەردىڭ ۇلتتىق قاۋىمداستىعى» زتب پرەزيدەنتى قازبەك شايىح، «حاليفا التاي» قورىنىڭ توراعاسى قابدەن التاي ۇلى، «بايتەرەك» جاستار ورتالىعىنىڭ جەتەكشىسى مەيىرگۇل قازىباەۆا، سەرۆيستىك قىزمەت كورسەتۋ كوللەدجى جاستار ۇيىمىنىڭ جەتەكشىسى تۇرسىن بەكجان «رۋحاني جاڭعىرۋ» باعدارلاماسىن ىلگەرىلەتۋ جونىندەگى پىكىرلەرى مەن ۇسىنىستارىن ورتاعا سالدى. وتىرىس ناتيجەسىندە اقپاراتتىق-ناسيحاتتىق توپ قۇرىلىپ، قۇرامى بەكىتىلدى.

توپ قۇرامىنا ۇەۇ مەن ساراپتامالىق قاۋىمداستىق وكىلدەرى، ەتنو-مادەني ورتالىقتاردىڭ كوشباسشىلارى، مادەنيەت، ادەبيەت جانە ونەر قايراتكەرلەرى، تاريحشىلار مەن ەتنوگرافتار توپتاستىرىلدى.

وتىرىستى «EDTECH-KZ» حالىقارالىق ءبىلىم ورتالىعىنىڭ باس ديرەكتورى، قازاق پسيحولوگيالىق قوعامىنىڭ ۆيتسە-پرەزيدەنتى عاني بەيسەمباەۆ جۇرگىزدى.

سونداي-اق، وتىرىستان كەيىن اقپاراتتىق-ناسيحاتتىق توپ مۇشەلەرىنىڭ العاشقى «قازاقتانۋ» لەكتوريى ءوتتى. « ۇلى مۇرا – ۇرپاققا امانات» اتتى العاشقى لەكتوريدە ەتنوگراف-زەرتتەۋشى، قازاقستان مەن قحر-داعى قازاق مادەني مۇرالارى جايلى 10-عا جۋىق ەتنوگرافيالىق ەڭبەكتىڭ اۆتورى، جازۋشى باياحمەت جۇماباي ۇلى، فيلولوگيا عىلىمدارىنىڭ كانديداتى، الماتى قالاسى قحا عىلىمي-ساراپتامالىق توبىنىڭ توراعا ورىنباسارى سۆەتلانا انانەۆا، «نۇر-مۇباراك» يسلام مادەنيەتى ۋنيۆەرسيتەتىنىڭ جالپىگۋمانيتارلىق پاندەر كافەدراسىنىڭ دوتسەنتى، انتروپولوگيا، ەتنولوگيا، ەتنوگرافيا ماماندىعى بويىنشا تاريح عىلىمدارىنىڭ كانديداتى دوسىمبەك قاتران، الماتى قالاسى مەن الماتى وبلىستىق تۇركiمەن ەتنو-مادەني ورتالىعىنىڭ ءتورايىمى، ەكونوميكا عىلىمدارىنىڭ كانديداتى گۋلنارا انناكۋليەۆا سىندى زەرتتەۋشىلەر «رۋحاني جاڭعىرۋ» باعىتىنداعى زەرتتەۋلەرىمەن ءبولىسىپ، ويلارى مەن پىكىرلەرىن، ۇسىنىستارىن ورتاعا سالدى. لەكتوريگە الماتى قالاسى قحا كافەدرالارىنىڭ ستۋدەنتتەرى قاتىسىپ، اعا بۋىننىڭ لەكتسياسىن تىڭدادى.