سپورت • 22 ءساۋىر، 2019

GGG-ءدىڭ قارسىلاسى كىم؟

318 رەت كورسەتىلدى

بۇل كۇندەرى بارشا جانكۇيەر 8 ماۋسىمدى تاعاتسىزدانا كۇتۋدە. سەبەبى ءدال سول كۇنى توعىز ايعا جۋىق ۋاقىتقا سوزىلعان ۇزىلىستەن كەيىن قازاقستاننىڭ ماقتانىشى گەننادي گولوۆكين قايتا شارشى الاڭعا شىعادى. ول نيۋ-يوركتەگى ايگىلى Madison Square Garden ارەناسىندا كانادالىق ستيۆ روللسپەن جۇدىرىقتاسادى.

بىلتىرعى جىلدىڭ قىركۇيەك ايىنىڭ بەل ورتاسىندا گەننادي گولوۆكين مەكسي­كالىق ساۋل «كانەلو» الۆارەستەن ۇپاي سانى­مەن ۇتىلىپ، بەلدى نۇسقا­لار بويىن­شا چەمپيوندىق بەل­بەۋلەرىنىڭ بارىنەن ايرىلعان ەدى. ۇزاق ۋاقىت بويى ورتا سالماقتىڭ تەڭدەسسىزى اتانىپ، بارشا جۇرتتى ايشىقتى ونەرى جانە جارقىن جەڭىستەرىمەن قۋانتىپ كەلگەن ايگىلى جەرلەسىمىزدىڭ بۇل ساتسىزدىگى قازاقستاندىق جانكۇيەرلەرگە دە اۋىر سوققى بولىپ ءتيدى. 

بارشا جۇرتتىڭ گولوۆكيندى جاقسى كورەتىنى بەلگىلى. ول وزگە كا­سىپقوي بوكسشىلار سەكىلدى ەش­ۋاقىتتا ماقتانبايدى، ماساتتانبايدى، جەڭىستىڭ بۋىنا ماستانبايدى. كەۋدەسىن كەرىپ، كوپىرە سويلەمەيدى. ءبىر سوزبەن ايتساق، گەنا ۇندەمەي-اق، ۇلكەن ءىس تىندىرىپ جۇرگەن مىقتى ازامات. ال بىزدەر ءۇشىن ەڭ ماڭىزدىسى – شارشى الاڭعا ول ۇنەمى قازاقتىڭ شاپانىن كيىپ شىعىپ، ۇزاق جىلدار بويى قازاقستاننىڭ سپورتتىق داڭقىن اسقاقتاتتى. ەلباسى نۇرسۇلتان نازارباەۆتىڭ الدىن­دا تۇرىپ: «اكەم – ورىس، انام – كو­رەي، ال مەن – قازاقپىن!» دەپ ايت­قان ءبىر اۋىز عانا ءسوزىنىڭ ءوزى نەگە تۇرادى. 

2006 جىلدان بەرى كاسىپقوي رينگتە كۇش سىناسىپ جۇرگەن گو­لوۆكين سول ساتكە دەيىن وتكىزگەن 39 كەزدەسۋدىڭ 38-ىندە جەڭىسكە جەت­تى. 34 قارسىلاسىن كەسىلگەن تە­رەك­تەي سۇلاتىپ سالدى. 2017 جىل­دىڭ كۇزىندە GGG مەن «كانەلو» اراسىنداعى باسەكەدە تەڭ ەسەپ تىركەلدى. نەگىزى سول جولى ءبىزدىڭ جىگىت ۇتقان ەدى. الايدا قازىلار القاسى ادىلدىكتى بەلدەن باستى. سول جەكپە-جەكتەن كەيىن ءبىراز داۋ-داماي بولعانى بەلگىلى. بىراق ودان ەشتەڭە وزگەرگەن جوق. 

الەم چەمپيونى اتاعىنان ايرىلعاننان كەيىن وتانداسىمىز ءبىراز ۋاقىت بويى ويلانىپ-تولعانىپ ءجۇردى. اقىرى ايگىلى DAZN سەرۆيسىمەن كەلىسىمشارتقا وتىر­دى. ەندى ول 8 ماۋسىمدا قاي­تا شارشى الاڭعا شىعادى. ال نيۋ-يوركتە گەننادي گو­لوۆ­كين­مەن جۇدىرىقتاساتىن كانا­دا­لىق بوكسشى جايىندا ءبىز نە بىلەمىز؟ 

ستيۆ روللس 1984 جىلى ۇيەڭ­كى جاپىراقتار ەلىندەگى ونتاريو پروۆينتسياسىنداعى گاميلتون قالاسىندا دۇنيەگە كەلدى. اۋەس­قوي رينگتە ءبىراز تاجىريبە جيدى. كانادانىڭ ەكى دۇركىن چەمپيونى اتانعاننان كەيىن 2009 جىلى ميلاندا وتكەن الەم چەمپيوناتىندا باق سىناۋ قۇرمەتىنە يە بولدى. 75 كيلو سالماق دارە­جەسىندە ونەر كورسەتكەن ول ال­عاشقى اينالىمداردا گرۋزيالىق لە­ۆان گۋلەداني (10:3) مەن يتا­ليالىق لۋكا پوددانى (7:6) قاپى قالدىرعانىمەن، 1/8 فينالدا ۇندىستاندىق ۆيجەندەر سينگحكە (2:4) ەسە جىبەردى. 

2011 جىلدان بەرى روللس كا­سىپ­قوي رينگتە جۇدىرىقتاسۋدا. سول ارالىقتا 18 كەزدەسۋ وتكىزىپ، بار­لىعىندا جەڭىسكە جەتتى. 10 قار­سىلاسىن نوكاۋتپەن ۇتتى. وسى ورايدا كانادالىقتىڭ مىق­تى­لارمەن بىردە-ءبىر رەت جولى قيىس­پاعانىن جانە ەشۋاقىتتا 12 راۋندتىق جەكپە-جەككە شىقپا­عا­نىن ايتا كەتۋگە ءتيىسپىز. 

ءوزىنىڭ سوڭعى كەزدەسۋىن ول بىل­تىرعى جىلدىڭ جەلتوقسان ايىن­­دا كانادادا وتكىزدى. بۇرىن­دا­رى GGG-ءدىڭ كومانداسىندا بول­عان امەريكالىق كەاندرە لە­زەر­ۆۋ­دانى ۇتقان روللس USBA نۇس­قا­سىنىڭ التىن بەلبەۋىن يە­لەندى. 

ارينە، ستيۆ روللستى وسال بوكس­شى دەپ ايتۋعا بولماس. ءويت­كەنى ول وسى كۇنگە دەيىن ەشكىم­نەن جەڭىلگەن ەمەس. دەسەك تە گەن­نادي گولوۆكين سەكىلدى ۇلى ءدۇر­مەكتەردە ابدەن ىسىلعان ساقا سپورتشىعا ول قاۋىپ ءتون­دى­رە قويماس. قازاقستاننىڭ ماق­تا­نىشى الداعى جەكپە-جەكتە دە  جانكۇيەرلەردى قۋانتادى دەگەن ويدامىز. 

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار