جەتىم بالالار اتا-اناسىز بولسا دا باسپاناسىز بولماسىن

ءماجىلىستىڭ الەۋمەتتىك-مادەني دامۋ كوميتەتىنىڭ جەتەكشىلىگىندە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە وتباسى ۇلگىسىندەگى بالالار اۋىلى جانە جاسوسپىرىمدەر ۇيلەرى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسىنىڭ تانىستىرىلىمى ءوتتى. زاڭ جوباسى بويىنشا جۇمىس توبى­نىڭ جەتەكشىسى دەپۋتات باقىت سىزدى­قوۆا وتىرىستى جۇرگىزدى. زاڭ جوباسىمەن ءبىلىم جانە عىلىم مينيسترلىگىنىڭ جاۋاپتى حاتشىسى فارحات قۋانعانوۆ تانىستىردى. رەسپۋبليكادا وتباسى ۇلگىسىندەگى 6 مەملەكەتتىك جانە 3 جەكە مەنشىك SOS بالالار اۋىلى جۇمىس ىستەيدى, ولاردا 600-گە جۋىق جەتىم بالالار جانە اتا-اناسىنىڭ قامقورلىعىنسىز قالعان با­لالار تاربيەلەنۋدە. جىل سايىن جەتىم بالالارعا جانە اتا-اناسىنىڭ قامقور­لىعىنسىز قالعان بالالارعا ارنالعان ءبىلىم بەرۋ ينتەرناتتىق ۇيىمدارىنىڭ 9 جانە 11-سىنىپتارىن 2 مىڭعا جۋىق بالا ءتامامدايدى. ونىڭ ىشىندە 400-گە جۋىق بالا 10-سىنىپتا, ال 1700-دەن اس­تام ءبىتىرۋشى كاسىپتىك, تەحنيكالىق جانە جوعارى وقۋ ورىندارىندا وقۋلارىن جالعاستىرادى. ولاردىڭ 45%-ى عانا وتباسى ۇلگىسىندەگى بالالار ۇيلەرى مەن با­لالار اۋىلىنىڭ تۇلەكتەرى رەتىندە ءجاسوس­پىرىمدەر ۇيلەرىندە تۇرۋعا قۇقىعى بار. مەكتەپ-ينتەرناتتارى جانىندا جاس­و­سپىرىمدەر ۇيلەرىن دەربەس مەكەمە رەتىن­دە قۇرۋ نورماسىن ەنگىزۋ تۇرعىن ۇيگە مۇقتاج جەتىم بالالار مەن اتا-اناسى­نىڭ قامقورلىعىنسىز قالعان بالالارعا ارنالعان ينتەرناتتىق مەكەمەلەردىڭ تاربيەلەنۋشىلەرى اراسىنان بارلىق بىتىرۋشىلەرگە 23 جاسقا دەيىن الەۋمەتتىك بەيىمدەلۋدەن ءوتۋ كەزەڭىندەگى تۇرعىن ءۇي ماسەلەسىن شەشۋگە مۇمكىندىك بەرەدى. زاڭ جوباسىنىڭ تانىستىرىلىمىندا دەپۋتات گۇلنار سەيىتماعانبەتوۆا “بالا­لار 23 جاسقا تولعاننان كەيىن قايدا بارادى؟” دەگەن سۇراق قويسا, دەپۋتات تيتو سىزدىقوۆ زاڭدا كورسەتىلگەن “تاربيەشى-انا”دەگەن اتاۋدىڭ تاربيە­شىلەر ەر ادام بولعان جاعدايدا اتاۋى سايكەس كەلمەيتىنىن ايتىپ, “جول كارتاسى” مەملەكەتتىك باعدارلاماسىنا وسى جەتىم بالالار ءۇشىن جالعا بەرەتىن بولسا دا باسپانا بەرۋدى قاراستىرعان ءجون. اتا-اناسىز جەتىم قالعان بالانى ەندى باسپاناسىز دا قالدىرعان ۇلكەن وبال بولار”, – دەپ ارىپتەستەرىنە وي تاستادى. دەپۋتات الدان سمايىل “بۇل زاڭ­نىڭ ەڭ نەگىزگى تۇجىرىمى – قازاق­ستان­داعى جەتىم بالالار ءۇيىن جويۋىندا بولعانى. بالالار ۇيىندەگى ءار بالاعا مەملەكەت تاراپىنان ەسەپ-شوت اشىلىپ, وعان جينالعان قارجى بالا 23-كە تولعان­دا باسپانا ساتىپ الۋىنا جەتۋى كەرەك”, دەگەن ۇسىنىس ايتتى. زاڭ جوباسىنىڭ قىزۋ پىكىرتالاسىنا كوميتەت ءتورايىمى دينار نوكەتاەۆا مەن كوميتەت مۇشەسى قىلىشباي بيسەنوۆ قاتىستى. الداعى ۋاقىتتا دەپۋتاتتار ءوز ۇسى­نىستارى مەن پىكىرلەرىن جۇمىس توبىنا جازباشا تۇردە تۇسىرەتىن بولادى. ساۋلە دوسجانوۆا, جۋرناليست.