قازاقستان ازاماتتىعىن قالاعانداردىڭ قۇجاتتارى قارالدى

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆتىڭ توراعالىعىمەن پرەزيدەنت جانىنداعى ازاماتتىق ماسەلەلەر جونىندەگى كوميسسيانىڭ كەزەكتى ءماجىلىسى بولىپ ءوتتى. وتكەن جىلى بولعان جال­پى­ۇلتتىق حالىق ساناعى ەلىمىزدە 16,5 ميلليوننان اسا ادام تۇ­را­تىندىعىن كورسەتتى. تاۋەلسىز­دىك­تىڭ العاشقى جىلدارىندا ەلى­مىز­گە كەلىپ قونىستانۋشىدان گورى, تاريحي وتاندارىنا كەتۋگە تىلەك بىلدىرۋشىلەردىڭ سانى باسىم ءتۇس­كەنى بەلگىلى. سول كۇندەر تاريح قوي­ناۋىنا ەنىپ, ەن­دىگى جەردە ەلىمىزگە كەلۋ­شى­لەر­دىڭ سانى جىل­دان جىلعا وسپەسە, كەمىپ جاتقان جوق. تاۋەلسىزدىك ال­عاننان بەرى شامامەن 700 مىڭ­داي ادام ەلى­مىزدىڭ ازامات­تىعىن قابىلداعان. ازاماتتىق ماسەلەلەر ءجونىن­دەگى كوميسسيانىڭ كەزەكتى ءماجى­لىسىندە مەملەكەتتىك حاتشى – سىرتقى ىستەر ءمينيسترى قانات ساۋداباەۆ: “الەمدىك قارجىلىق-ەكونوميكالىق داعدارىستىڭ سال­دا­رىنا بايلانىستى وسىنداي قيىن ۋاقىتتا قازاقستان ازامات­تىعىن الۋعا ءار ءتۇرلى ەلدەردەن تالپىنۋشى ادامداردىڭ ءوسۋىنىڭ استارىندا جالپىۇلتتىق كوش­باس­شى جانە قازاقستاننىڭ تۇڭ­عىش پرەزيدەنتى نۇرسۇلتان نا­زارباەۆتىڭ سىندارلى ستراتەگيا­سىنا دەگەن سەنىم مەن ادامدار­دىڭ ءدال وسى جەردى وزدەرىمىز بەن بالالارىمىز  ءۇشىن لايىقتى ءومىر سۇرەتىن ورتا دەپ تاڭداعان ءجۇ­رەك قالاۋلارى جاتىر. قازاق­ستان رەسپۋبليكاسىنىڭ ازاماتى دەگەن جوعارى اتاق بارلىق قۇ­قىق­تاردى بەرىپ قانا قويماي, سونى­مەن بىرگە, ازاماتتارعا ءبىزدىڭ زاڭدارىمىزدى ساق­تاۋدى, سالت-ءداستۇرىمىزدى, مادەنيەتىمىزدى قۇر­مەت­تەۋدى, ەلىمىزدە بەيبىتشىلىك پەن كەلىسىمدى قولداۋدى, وتانى­مىزدىڭ ءارى قاراي الەۋمەتتىك-ەكونوميكالىق جانە قوعامدىق-ساياسي دامۋى جولىندا ءوز ۇلەس­تەرىن قوسۋدى دا مىندەتتەيدى”, دەپ اتاپ ءوتتى. ەندىگى كەزەكتە جاۋاپتى مەم­لەكەتتىك ورگاندار ولاردىڭ ەلى­مىزگە تەزىرەك بەيىمدەلۋىن قام­تا­ماسىز ەتۋدى شۇعىل جانە جاۋاپ­كەرشىلىكپەن شەشۋى قاجەت, دەپ ويىن تۇيىندەدى  قانات ساۋداباەۆ. كوميسسيا وتىرىسىندا 17 مىڭ­نان استام قازاقستان ازامات­تىعىن العىسى كەلەتىن ادامنىڭ قۇجاتتارى قارالدى. ازا­ماتتىق بەرۋ تۋرالى جارلىققا ەلباسى قول قويعاننان كەيىن ولار  قازاق ەلىنىڭ تولىق­قاندى ازاماتتارى اتانباق. انار تولەۋحانقىزى.