كوشباسشى
سەيسەنبى, 10 شىلدە 2012 7:29
ساناۋلى كۇندەردەن كەيىن لوندوندا جالاۋى كوتەرىلەتىن ححح وليمپيالىق ويىندارعا كۇللى الەم جۇرتشىلىعىنىڭ نازارى اۋاتىنى بەلگىلى. قازىرگى كۇنى وعان قاتىسۋ جولداماسى ساراپقا سالىنىپ ءبىتتى جانە وندا ونەر كورسەتەتىن سپورتشىلاردىڭ دا ەسىمدەرى بەلگىلى بولدى. ءتورت جىلدا ءبىر رەت الەمنىڭ ەڭ مىقتى سپورتشىلارىنىڭ باسىن قوساتىن بۇل ءدۇبىرلى دوداعا ەلىمىزدەن 115 سپورتشى اتتانعالى وتىر جانە ولاردىڭ 63-ءى دينامولىقتار.
سەيسەنبى, 10 شىلدە 2012 7:29
ساناۋلى كۇندەردەن كەيىن لوندوندا جالاۋى كوتەرىلەتىن ححح وليمپيالىق ويىندارعا كۇللى الەم جۇرتشىلىعىنىڭ نازارى اۋاتىنى بەلگىلى. قازىرگى كۇنى وعان قاتىسۋ جولداماسى ساراپقا سالىنىپ ءبىتتى جانە وندا ونەر كورسەتەتىن سپورتشىلاردىڭ دا ەسىمدەرى بەلگىلى بولدى. ءتورت جىلدا ءبىر رەت الەمنىڭ ەڭ مىقتى سپورتشىلارىنىڭ باسىن قوساتىن بۇل ءدۇبىرلى دوداعا ەلىمىزدەن 115 سپورتشى اتتانعالى وتىر جانە ولاردىڭ 63-ءى دينامولىقتار.
جالپى, دينامولىق سپورتشىلار العا قويعان ماقساتتى ورىنداپ, الپىستان اسا جولدامانى ۇتىپ الدى جانە سپورتتىڭ 15 تۇرىنەن سىنعا تۇسەتىن بولادى. 2008 جىلى بەيجىڭدە وتكەن ءححىح وليمپيا ويىندارىنا دا 63 دينامولىق قاتىسىپ, ناتيجەسىندە 11 سپورتشى جۇلدەمەن ورالعان ەدى.
«دينامو» دەنە تاربيەسى سپورت قوعامىنىڭ سپورت باسقارماسى ءبولىمىنىڭ باسشىسى نيكولاي كنيازەۆ بيىلعى سپورتشىلاردىڭ الەۋەتى وزگە جارىستارعا قاتىسۋشىلارعا قاراعاندا اناعۇرلىم جوعارى ەكەندىگىن ايتادى.
– بۇل سپورت ويىندارى بولعاندىقتان, وعان الدىن الا بولجام جاساپ, اناۋ التىن الادى, مىناۋ كۇمىس القا يەلەنەدى دەپ ايتۋ قيىن. سپورتتىق ويىندار ارقاشاندا تارتىستى وتەتىندىكتەن, ءتۇرلى جاعدايلار ورىن الۋى مۇمكىن. ياعني, سپورتشىلارعا اياق استىنان جاراقات الىپ قالۋ قاۋپى دە بار. سوندىقتان كىمنىڭ وزا شاباتىندىعىن سپورت الاڭى كورسەتەدى, – دەيدى ن.كنيازەۆ.
سونداي-اق, بيىلعى وليمپيالىق ويىنداردىڭ اشىلۋ راسىمىندە ەلىمىزدىڭ بايراعىن كوتەرىپ شىعاتىن نۇرماحان تىناليەۆتىڭ دينامولىق سپورتشى ەكەندىگىن ماقتانىشپەن ايتا الامىز. سونىمەن قاتار, لوندوندا ەلىمىزدىڭ نامىسىن قورعايتىن المات كەبىسباەۆ, دارحان باياحمەتوۆ, گۇزەل مانيۋروۆا, جۇلدىز ەشىموۆا-تۇرتباەۆا (كۇرەستەن), يليا يلين, زۋلفيا چينشانلو, مايا مانەزا, سۆەتلانا پودوبەدوۆا (اۋىر اتلەتيكا), يۆان دىچكو, ادىلبەك نيازىمبەتوۆ, دانيار ەلەۋسىنوۆ, مارينا ۆولنوۆا (بوكس), ماكسيم راكوۆ, سەرگەي ليم, يسلام بوزباەۆ (دزيۋدو) سىندى ساڭلاقتارىمىز دينامولىق سپورتشىلار.
دينامولىق سپورتشىلار ەشبىر سايىستان قۇرالاقان قايتىپ كورگەن جوق, كەرىسىنشە, ەل مەرەيىن اسقاقتاتىپ, بيىك تۇعىرلاردان كورىنە بىلۋدە. ولاي بولسا, سپورتشىلارىمىز وسى جولعى وليمپيالىق ويىنداردا دا جاقسى ونەر كورسەتىپ, ۇلكەن جەتىستىككە قول جەتكىزەدى دەگەن ۇمىتتەمىز.
ادىلەت مۇساحاەۆ,
«دينامو» دشسق ءباسپاسوز قىزمەتىنىڭ جەتەكشىسى.
