ۇلتتىق قۇرامانىڭ ۇستازدارى
سەنبى, 30 ماۋسىم 2012 7:28
سۋ دوبى: سەرگەي دروزدوۆ
سەرگەي ميحايلوۆيچ دروزدوۆ 1969 جىلى الماتى قالاسىندا تۋعان. سۋ دوبىنان كسرو سپورت شەبەرى. جىلجىمالى شابۋىلشى پوزيتسياسىندا وينادى. سپورتتىق جولىن الماتىنىڭ «ديناموسىندا» باستادى. بۇدان كەيىن رەسەيدىڭ «سينتەز» (قازان), «سپارتاك» (ۆولگوگراد), ءيزرايلدىڭ «حاپوەل» (ماككابي) كوماندالارىنىڭ نامىسىن قورعادى. 2004, 2007 جىلدارى رەسەي كۋبوگىنىڭ جەڭىمپازى اتاندى. قازاقستان قۇراماسى ساپىندا ازيا چەمپيوناتى مەن ازيا ويىندارىنىڭ ءۇش دۇركىن (1994, 1998, 2002) چەمپيونى بولدى. ويىنشى رەتىندە 2004 جىلى ەلىمىزدىڭ نامىسىن افينا وليمپياداسىندا قورعادى. بۇدان بولەك ءۇش الەم (1994, 1998, 2001) چەمپيوناتىنا قاتىستى.
سەنبى, 30 ماۋسىم 2012 7:28
سۋ دوبى: سەرگەي دروزدوۆ
سەرگەي ميحايلوۆيچ دروزدوۆ 1969 جىلى الماتى قالاسىندا تۋعان. سۋ دوبىنان كسرو سپورت شەبەرى. جىلجىمالى شابۋىلشى پوزيتسياسىندا وينادى. سپورتتىق جولىن الماتىنىڭ «ديناموسىندا» باستادى. بۇدان كەيىن رەسەيدىڭ «سينتەز» (قازان), «سپارتاك» (ۆولگوگراد), ءيزرايلدىڭ «حاپوەل» (ماككابي) كوماندالارىنىڭ نامىسىن قورعادى. 2004, 2007 جىلدارى رەسەي كۋبوگىنىڭ جەڭىمپازى اتاندى. قازاقستان قۇراماسى ساپىندا ازيا چەمپيوناتى مەن ازيا ويىندارىنىڭ ءۇش دۇركىن (1994, 1998, 2002) چەمپيونى بولدى. ويىنشى رەتىندە 2004 جىلى ەلىمىزدىڭ نامىسىن افينا وليمپياداسىندا قورعادى. بۇدان بولەك ءۇش الەم (1994, 1998, 2001) چەمپيوناتىنا قاتىستى.
قازىر سەرگەي دروزدوۆ رەسەي بىرىنشىلىگىندە ونەر كورسەتەتىن «استانا» كومانداسى مەن قازاقستان قۇراماسىن قاتار باسقارىپ كەلەدى. ونىڭ بۇل لاۋازىمداعى ءبىرىنشى تۇساۋكەسەر ءىرى جارىسى سول ايدا قىتايدا وتكەن ازيا ءبىرىنشىلىگى بولدى. بۇل جارىس, سونداي-اق, الەم چەمپيوناتىنىڭ ەكى ليتسەنزياسىن ساراپقا سالدى. قازاقستاندىقتار دودادا تەك الاڭ يەلەرىنەن عانا جەڭىلىس تاۋىپ, گونكونگ, جاپونيا, سينگاپۋر جانە كۋۆەيت كوماندالارىن ايقىن باسىمدىقپەن ۇتتى. ناتيجەسىندە تۋرنير كەستەسىندە ەكىنشى ورىنعا شىعىپ, جوعارىداعى ەكى ليتسەنزيانىڭ ءبىرىن جەڭىپ الدى. ال يتاليا استاناسى, ريمدە شىلدەنىڭ اياعىندا وتكەن جاھاندىق جارىستا كوماندا ەڭ سوڭعى 16-ورىندا قالىپ قويدى. مۇنىڭ ەسەسىنە 2011 جىلى قىتايدىڭ شانحاي قالاسىندا جارىس كورىگىن قىزدىرعان كەلەسى چەمپيوناتتا 13-ورىنعا تابان تىرەدى.
سەرگەي دروزدوۆتىڭ ۇلتتىق قۇراما تىزگىنىن ۇستاعالى بەرگى ەڭ ۇلكەن تابىسى رەتىندە ونىڭ كوماندانى ازيا چەمپيونى ەتكەنىن, سول ارقىلى الداعى لوندون وليمپياداسىنا جولداما الىپ بەرگەنىن اتاپ وتۋگە بولادى. بۇل چەمپيونات بيىلعى 23-29 قاڭتار ارالىعىندا جاپونيانىڭ تيبا قالاسىندا ءوتتى. وندا ءبىزدىڭ كوماندادان بولەك, جاپونيا, قىتاي جانە كۋۆەيت قۇرامالارى جالعىز جولداما ءۇشىن تالاستى. تۋرنيردە قارسىلاستارىن تۇگەلدەي ۇتىپ شىققان سەرگەي دروزدوۆتىڭ جىگىتتەرى ءبىرىنشى ورىن الىپ, العا قويعان باستى ماقساتتارىنا قول جەتكىزدى.
البەتتە, ءبىز سۋ دوبى شەبەرلەرى ۇلتتىق قۇراماسىنان ويىندار قورىتىندىسىندا اسا جوعارى ناتيجە كۇتە المايمىز. وندايدى تالاپ ەتۋ ادىلدىك تە بولماس ەدى. ەڭ الدىمەن كوماندانىڭ وليمپيادادا شايقاساتىن 12 جاساقتىڭ قاتارىنان ويىپ ورىن الۋىنىڭ ءوزى – ۇلكەن ەرلىك. ونىڭ ۇستىنە ۆاتەرپولشىلار وليمپيادادا جالعىز ليتسەنزياعا يەلىك ەتكەندەرىمەن, وندا 13 سپورتشى بولىپ بارىپ, ەلىمىز قۇراماسى سپورتشىلارىنىڭ قاراسىن وسىنشا ادامعا كوبەيتە تۇسەدى. ال كوماندانىڭ باس باپكەرى بولسا, ءوز ساربازدارىنىڭ تۋرنيردە 9-ورىن ءۇشىن كۇرەسەتىنىن ايتىپ وتىر.
رۋسلان يگىلىك.
