شىن جۇيرىكتەر شىعانداپ شىقتى
سەيسەنبى, 26 ماۋسىم 2012 7:27
ەۋروپا چەمپيوناتىندا وتكەن اپتانىڭ سوڭعى ءۇش كۇنىندە شيرەك فينالدىڭ قالعان ءۇش ويىنى وينالىپ, جارتىلاي فينالدىق تورتتىكتىڭ ۇزىن-ىرعاسى تۇگەندەلدى. وسى ارالىقتا ادەپكى پورتۋگاليانىڭ قاتارىنا گەرمانيا, يسپانيا جانە يتاليا قۇرامالارى كەلىپ قوسىلدى. جانكۇيەر قاۋىم تۋرنيردەگى شىن جۇيرىكتەردىڭ كىمدەر ەكەنىن ەندى تولىق ءبىلدى.
سەيسەنبى, 26 ماۋسىم 2012 7:27
ەۋروپا چەمپيوناتىندا وتكەن اپتانىڭ سوڭعى ءۇش كۇنىندە شيرەك فينالدىڭ قالعان ءۇش ويىنى وينالىپ, جارتىلاي فينالدىق تورتتىكتىڭ ۇزىن-ىرعاسى تۇگەندەلدى. وسى ارالىقتا ادەپكى پورتۋگاليانىڭ قاتارىنا گەرمانيا, يسپانيا جانە يتاليا قۇرامالارى كەلىپ قوسىلدى. جانكۇيەر قاۋىم تۋرنيردەگى شىن جۇيرىكتەردىڭ كىمدەر ەكەنىن ەندى تولىق ءبىلدى.
گەرمانيا-گرەكيا – 4:2. بۇل ماتچتا «نەمىس ماشينەسىنىڭ» مەرەيى ۇستەم بولاتىنىنا جۇرتتىڭ كوبى شۇبالانعان جوق. گاپ تەك ويىننىڭ قانداي ەسەپپەن اياقتالاتىنىندا عانا بولدى. ايتاتىنى جوق, يواحيم لەۆتىڭ ءشاكىرتتەرى تۋرنير باستالعالى بارلىق قۇرامالاردىڭ اراسىندا ەڭ ءتاۋىر ويىن كورسەتىپ كەلدى. ال گرەكتەردىڭ پلەي-وففقا شىعۋىنىڭ ءوزى ولار ءۇشىن زور تابىس.
ماتچتىڭ العاشقى مينۋتىنان-اق ونىڭ قانداي ارنادا ءوربيتىنى بەلگىلى بولدى. دوپتى ءبىردەن باۋىرىنىڭ استىنا قاراي تارتىپ العان «بۋندەستيم» ميحاليس سيفاكيستىڭ قاقپاسىن جان-جاقتان قىسپاققا الۋعا كىرىسىپ كەتتى. بۇل تۇستارى ستارتتىق قۇرامدا كۇتپەگەن جەردەن كورىنگەن ماركو رويس, ميروسلاۆ كلوزە, اندرە شيۋررلە ۇلكەن بەلسەندىلىك تانىتتى. بۇلاردىڭ ءبىرىنشىسى ءتىپتى ماتچتىڭ ەڭ ۇزدىك ويىنشىسى دا اتاندى. سول ماركودا ءۇزىلىسكە دەيىن كەمىندە ءۇش رەت گول سوعۋ مۇمكىندىگى بولدى. ال وسىلاردىڭ ءبارىنىڭ وتەۋى سىندى ەتىپ, كوماندا كاپيتانى فيليپپ لامنىڭ «توعىزدىققا» گول سالۋى كەرەمەت ادەمى كورىنىس اكەلدى.
ەكىنشى تايمدا گرەكتەر سيرەك تە بولسا شىققان قارسى شابۋىلدارىن بارىنشا ءتيىمدى پايدالانىپ قالۋعا تىرىسىپ باقتى. بۇل ماقسات كوپ ۇزاماي جۇزەگە دە استى. قۇيىنداي ۇيىتقىعان سونداي شابۋىلداردىڭ بىرىندە گيورگوس ساماراس قاقپا الدىنداعى ازداعان ابىر-سابىردى تاماشا پايدالانىپ كەتتى. الايدا, «ەللادا جۇرتى جۇراعاتتارىنا» بۇل تەپە-تەڭدىك جاعدايدى ۇزاق ۇستاپ تۇرۋدىڭ ورايى كەلمەدى. بار بولعانى بەس مينۋتتان كەيىن سامي حەديرا ءوز كومانداسىنىڭ وراسان زور باسىمدىعىن تاعى ءبىر گولمەن ايشىقتاپ بەردى. بۇدان ءارى ءبىر جاقتى سوققىلاۋ باستالدى. سونىڭ ناتيجەسىندە چەمپيونات باستالعالى ميروسلاۆ كلوزە ماتچتاعى جەڭىمپازدىڭ كىم بولاتىنىن ءبىرجولا شەشىپ قويدى. تاعى ءبىرشاما مەزگىلدەن سوڭ ماركو رويس نەمىستەر سالعان گولدار سانىن تورتەۋگە جەتكىزدى. كەزدەسۋ وسىمەن بىتۋگە قاراعان شاقتا گرەكتەر جاساعان سوڭعى قارسى شابۋىل كەزىندە گەرمانيالىقتار قورعاۋشىسى ءوز ايىپ الاڭىندا دوپتى ۇستاي الدى. پەنالتي. ونى بۇل جولى گرەكتەر قۇر جىبەرمەدى.
يسپانيا-فرانتسيا – 2:0. ماتچتىڭ باسىندا بۇل قۇرامالاردىڭ وسىعان دەيىنگى رەسمي كەزدەسۋلەرىنىڭ بارىندە فرانتسۋزداردىڭ دەسى باسىم بولىپ كەلگەنى تالاي ايتىلدى. وسى ستاتيستيكا ەكى جاققا دا ايتارلىقتاي اسەر ەتتى. فرانتسۋزدار ءۇشىن سول ءداستۇر ساقتالىپ قالاتىنداي كورىنسە, يسپاندارعا بۇل سەڭنىڭ كوبەسىن سوگۋ باسىنان جوعارى سەكىرۋمەن بىردەي بولىپ سەزىلدى. بۇل ەكى جاقتى دا شامادان تىس تولقىتىپ جىبەردى.
وزدەرىنىڭ مىستارى باسىپ تۇرعانىن سەزگەن لوران بلان ويىن باستالعاننان مۇقيات قورعانىس ساتىندەگى جوعارى پرەسسينگ پەن جىلدام جاۋاپ قايتارۋعا كوبىرەك كوڭىل ءبولدى. ال يسپاندار ويىن تىزگىنىن بىردەن قولعا العاننان ارتىق ايلانىڭ جوق ەكەنىن تەز ۇقتى. فرانتسۋزدار كوپكە دەيىن قورعانىس جاعىنا ىجداعاتتى بولعانىمەن, جىلدام جاۋاپ جاعىن ونشاما كوكتەتە قويمادى. مۇنىڭ ەسەسىنە, يسپاندار بارعان سايىن ءوز-وزدەرىنە دەگەن سەنىمگە تەرەڭىرەك ۇيىپ, جويقىن جورىقتى جيىلەتۋگە كوشتى. مۇنىڭ اقىرى قارسى قاقپانى الۋعا دا جەتكىزدى. قورعاۋشى ماتە دەبيۋشي ىشكە قاراي جارىپ وتكەن شابۋىلشى جوردي البادان كوز جازىپ قالدى. ال اناۋ 11 مەترلىككە جاقىنداسىمەن دوپتى حابي الونسوعا ءدال بەردى. قاقپاشىمەن بەتپە-بەت كەلگەن فورۆارد مۇنى ءمۇلت جىبەرمەدى. جىبەرىلىپ قويعان وسى گول بلاننىڭ بارلىق جوسپارلارىن تاس-تالقان ەتتى. ونىڭ كومانداسى بۇدان كەيىن قارسىلاستاردىڭ بىرىنەن سوڭ ءبىرى تولقىندانىپ كەلىپ قالعان شابۋىلدارىن ۇزدىكسىز قايتارۋمەن بولدى. بىراق وزدەرى ىلگەرى قاراي بارا المادى. ۇزىلىستەن كەيىن يسپاندار قىسىمدى كۇشەيتپەسە, باسەڭسىتكەن جوق. مۇنىڭ ءناتيجەسى ماتچتىڭ ەڭ سوڭىندا كورىندى. كەزەكتى جورىقتارى كەزىندە يسپانداردى رۇقسات ەتىلمەگەن تاسىلمەن توقتاتقان فرانتسۋزدار قاقپاسىنا 11 مەترلىك ايىپ دوبى بەلگىلەندى. ونى تاعى دا الونسو ءتۇسىردى.
انگليا-يتاليا – 0:0, پەنالتي – 2:4. كوپشىلىك كۇتكەندەگىدەي, ويىن وتە تارتىستى دا قىزىقتى ءوتتى. بىراق كوماندالار ماتچتىڭ نەگىزگى ۋاقىتىندا دا, قوسىمشا مەزگىلىندە دە ەسەپ اشا الماي تارقاستى. دەگەنمەن, بۇكىل كەزدەسۋ بويىنا كورەرمەنىن ەلىكتىرىپ وتىردى. شايقاس بىردەن قىزۋ باستالدى. ونىڭ العاشقى ءساتىندە-اق يتالياندار گول سوعىپ كەتە جازدادى. شامالىدان سوڭ وسىنداي مۇمكىندىكتى اعىلشىندار جىبەرىپ الدى. ءبىرشامادان كەيىن ويىن سابىرلى اعىسقا ءتۇستى. بۇل يتالياندارعا مايداي جاقتى. وسى تۇستا بىرتىندەپ ماتچ تىزگىنىن قولعا الىپ العان ولار سوسىن اقىرىنا دەيىن قارسىلاستارىنا باس كوتەرتپەدى. بۇدان كەيىن ولار ەسەپ اشاتىن دا ءمۇمكىندىككە دە كوبىرەك يەك ارتتى. ماتچتىڭ سوڭعى جيىرما مينۋتى سولاردىڭ ءبىر جاقتى باسىمدىعىمەن ورنەكتەلدى. وسى تۇرعىدان كەلگەندە, يتاليا فۋتبولشىلارىنىڭ ويىننان كەيىنگى پەنالتيدە باسىم شىققاندارى ناعىز ءادىلەتتىلىك بولىپ كورىنەر ەدى.
كەلەسى كەزەڭگە وتكەن ءتورت كوماندا كەشە مەن بۇگىن تىنىس الدى. ەرتەڭ – جارتىلاي فينالدىڭ ءبىرىنشى ويىنى. بۇل كۇنى پورتۋگاليا-يسپانيا بەتتەسەدى. ال ەرتەڭ گەرمانيا-يتاليا اراسىنداعى مىقتىلار انىقتالادى. ونىڭ ارعى جاعىندا, ارينە, فينال تۇر.
سەرىك ءپىرنازار,
«ەگەمەن قازاقستان».
ماتچ مينياتيۋرالارى
* انگليا-يتاليا ماتچىندە نەگىزگى جانە قوسىمشا ۋاقىتتاردا ەسەپاشىلماي, جەڭىمپازدى انىقتاۋء ۇشىنء بىرىنشى رەت ويىننان كەيىنگىپەنالتيگە جۇگىنۋگە تۋرا كەلدى.
* وسى كەزەڭدە كەزدەسۋ كەزىندە قاقپالارعا ەكى پەنالتي بەلگىلەنىپ, ەكەۋىدە جۇزەگە استى. ولاردى گرەك ديميتريس سالپينگيديس پەن يسپان حابيالونسوء تۇسىردى.
* وسى 4 ماتچتى تاماشالاۋء ۇشىن ستاديوندارعا 205 680 ادام جينالدى. البىرىنشىلىكتىڭ باسىنان بەرى سپورت ارەنالارىنا 1 330 134 كورەرمەن كەلدى.
* پورتۋگاليا-چەحيا ماتچىندا پورتۋگالدىق كريشتيانۋ رونالدۋ تاعىء بىردوپ سالىپ, گولدارىنىڭ سانىن 3-كە جەتكىزدى. تاپ وسىنشاما گول قازىرماريو گومەس (گەرمانيا), الان دزاگوەۆ (رەسەي), ماريو مادجۋكيچ(حورۆاتيا) سەكىلدى ويىنشىلاردىڭ ەنشىلەرىندە دە بار. ال يسپان حابيالونسو دۋبل جاساعان ويىنشىلاردىڭ قاتارىنا قوسىلدى.
* تورەشى بۇل ماتچتاردا فۋتبولشىلارعا 11 رەت ەسكەرتۋ بەردى. وسى جولى گرەك سوكراتەس پاپاستوپۋلوس ءۇشىنشى مارتە ەسكەرتۋ الدى. ونىڭ پولشامەن ماۋسىماشار ويىندا الىنعان ەكىنشىسى فۋتبولشىنى الاڭنان قۋعا سەبەپ بولىپ ەدى.
* وسى كەزگە دەيىن ويىنشىلارعا 107 رەت «سارى قاعاز» كورسەتىلدى.
* ۇزدىك ويىنشى اتاعىنا كريشتيانۋ رونالدۋ (پورتۋگاليا), مارك رويس (گەرمانيا), حابي الونسو (يسپانيا), اندرەا پيرلو (يتاليا) يە بولدى.
_________________________
ويلار, پىكىرلەر, كوزقاراستار
ميحايل گەرشكوۆيچ, كسرو قۇراماسىنىڭ بۇرىنعى ويىنشىسى: – مەن باياعىدان ءبىزدىڭ قۇرامانى ءوز ماماندارىمىزدىڭ باسقارعانىن قالاۋشى ەدىم. ەندى بۇدان باسقا جول قالمادى. ونداي مامان دا بار بىزدە. ول – ۆالەري گاززاەۆ. بۇل وتانداسىمىز قازىر جاتتىقتىرۋشى رەتىندە دە ءوسىپ جەتىلدى. ءوزى ءبىراز دەم الىپ تا الدى. دەمەك, تىڭ كۇشپەن كىرىسۋى كەرەك.
روبەرتو مارتينەس, انگليانىڭ «ۋيگان» كلۋبىنىڭ باس جاتتىقتىرۋشىسى: – مەنى پورتۋگاليانىڭ ويىنى شىنداپ تاڭ قالدىردى. وسى رەتتە پاولۋ بينتۋ قانداي دا ءبىر ماقتاۋعا لايىق. ول جەڭىسكە جەتەتىن قۇرامانىڭ ءپىشىنىن جاقسى جاساپتى. سول جولدا كريشتيانۋ رونالدۋدى كەرەكتى جەرىنە وتە تاماشا پايدالانىپ وتىر.
رايمون دومەنەك, فرانتسيا قۇراماسىنىڭ بۇرىنعى باس جاتتىقتىرۋشىسى: – مەن فرانتسۋز فۋتبولىنان ءتۇڭىلىپ كەتتىم. اسىرەسە, ونىڭ سوڭعى ەكى ماتچىنان قاتتى كوڭىلىم قالدى. ءبىزدىڭ قۇرامادا ناعىز ليدەر جوق. بەنزەما جەكە ويناۋعا قۇمار. مۇنىڭ ءبارى جاتتىقتىرۋشىنىڭ ىقپالى بولماعانىنان ورىن الىپ وتىر.
