جارىسقا ءتورت تەننيسشىمىز شىعادى
سەيسەنبى, 26 ماۋسىم 2012 7:09
لوندوندا وليمپيادا قارساڭىندا تەننيستەن جازعى ماۋسىمداعى نەگىزگى جارىستاردىڭ ءبىرى باستالدى. بۇل الەمنىڭ بارشا جۇرتىنا بەلگىلى «ۇلكەن دۋلىعا» دەڭگەيىندەگى ءتورت ءتۋرنيردىڭ ءبىرى – ۋيمبلدون.
وسى جىلى انگليانىڭ ۋيمبلدون قالاشىعىنداعى كوگالدى الاڭدا وتەتىن تەننيس شەبەرلەرىنىڭ سايىسىنا 4 قازاقستاندىق تەننيسشى قاتىسىپ, باق سىناماق. ەلىمىزدىڭ سايىسكەرلەرى ءۇشىن بۇل ۋيمبلدونداعى جوعارى كورسەتكىش بولىپ وتىر. ەرلەردەن ميحايل كۋكۋشكين قاتىساتىن بولسا, ال ايەلدەر اراسىندا ياروسلاۆا شۆەدوۆا, گالينا ۆوسكوبوەۆا جانە كسەنيا پەرۆاك ەل نامىسىن قورعاماق.
سەيسەنبى, 26 ماۋسىم 2012 7:09
لوندوندا وليمپيادا قارساڭىندا تەننيستەن جازعى ماۋسىمداعى نەگىزگى جارىستاردىڭ ءبىرى باستالدى. بۇل الەمنىڭ بارشا جۇرتىنا بەلگىلى «ۇلكەن دۋلىعا» دەڭگەيىندەگى ءتورت ءتۋرنيردىڭ ءبىرى – ۋيمبلدون.
وسى جىلى انگليانىڭ ۋيمبلدون قالاشىعىنداعى كوگالدى الاڭدا وتەتىن تەننيس شەبەرلەرىنىڭ سايىسىنا 4 قازاقستاندىق تەننيسشى قاتىسىپ, باق سىناماق. ەلىمىزدىڭ سايىسكەرلەرى ءۇشىن بۇل ۋيمبلدونداعى جوعارى كورسەتكىش بولىپ وتىر. ەرلەردەن ميحايل كۋكۋشكين قاتىساتىن بولسا, ال ايەلدەر اراسىندا ياروسلاۆا شۆەدوۆا, گالينا ۆوسكوبوەۆا جانە كسەنيا پەرۆاك ەل نامىسىن قورعاماق. وسى تەننيسشىلەرىمىزدىڭ اراسىنان وليمپيا ويىندارىنا ياروسلاۆا شۆەدوۆا, گالينا ۆوسكوبوەۆا مەن ەرلەردەن ميحايل كۋكۋشكيننىڭ جولداما العانى بەلگىلى. ءۇش تەننيسشىمىز جەكەلەي جارىسقا قاتىسادى. سونىمەن بىرگە, لوندون وليمپياداسىندا شۆەدوۆا مەن ۆوسكوبوەۆا ەكەۋى جۇپتىق باسەكەنىڭ دە جۇلدەسىنە تالاسادى. قازىر ۆوسكوبوەۆا الەمنىڭ 55-راكەتكاسى بولسا, شۆەدوۆا WTA رەيتينگىندە 62-ورىندا تۇر. تۋرنيردىڭ نەگىزگى بولىگىندە كۋكۋشكين جاپوندىق نيشيكوريمەن باق سىناسسا, شۆەدوۆا شيپەرسپەن وينايدى. ال پەرۆاك بولسا, ءبىزدىڭ شۆەدوۆادان رولان گارروس تۋرنيرىندە سەنساتسيالىق جەڭىلىس تاپقان الەمنىڭ ۇزدىك راكەتكالارىنىڭ قاتارىنداعى قىتايلىق نا ليمەن باق تالاستىرادى. جانە دە وتكەن جىلى اتالمىش سايىستىڭ ءۇشىنشى اينالىمىنا دەيىن جەتكەن گالينا ۆوسكوبوەۆا ءبىرىنشى اينالىمدا ۆەنگريالىق گرەتا ارنمەن كۇش سىناسادى.
بي-بولات سەيتاق,
ەۇۋ ستۋدەنتى.
