«التىن بەلبەۋ» يەسى انىقتالدى
جۇما, 1 ماۋسىم 2012 7:34
قوستانايداعى سپورت سارايىندا ەلباسى نۇرسۇلتان نازارباەۆتىڭ جۇلدەسى ءۇشىن قازاق كۇرەسىنەن «التىن بەلبەۋ» وبلىستىق تۋرءنيرى ءوتتى. بۇل تۋرنير ەلىمىزدەگى جاۋىرىنى جەرگە تيمەيتىن كۇشتى بالۋانداردىىرىكتەۋ جانە ۇلتتىق سپورتتىڭ وسى ءتۇرىن دارىپتەۋ, ءسويتىپ, كەلەشەكتە ونىڭوليمپيالىق ويىندار قاتارىنا ەنگىزىلۋىنە ىقپال ەتۋدى ماقسات تۇتتى.
جۇما, 1 ماۋسىم 2012 7:34
قوستانايداعى سپورت سارايىندا ەلباسى نۇرسۇلتان نازارباەۆتىڭ جۇلدەسى ءۇشىن قازاق كۇرەسىنەن «التىن بەلبەۋ» وبلىستىق تۋرءنيرى ءوتتى. بۇل تۋرنير ەلىمىزدەگى جاۋىرىنى جەرگە تيمەيتىن كۇشتى بالۋانداردىىرىكتەۋ جانە ۇلتتىق سپورتتىڭ وسى ءتۇرىن دارىپتەۋ, ءسويتىپ, كەلەشەكتە ونىڭوليمپيالىق ويىندار قاتارىنا ەنگىزىلۋىنە ىقپال ەتۋدى ماقسات تۇتتى.
قازاق كۇرەسىنەن ەكى كۇن بويى قىزعان جارىس جاسىنا قاراي ءۇش توپتا, ياعني ءجاسوسپىرىمدەر, جاستار, بىرنەشە سالماق كاتەگورياسىندا ەرەسەكتەر اراسىندا ءوتتى. وعان وبلىستان بارلىعى 200-ءدىڭ سىرتىندا بالۋان قاتىسىپ, باعىن سىنادى. ولاردىڭ اراسىندا سامبودان ماسكەۋ قالاسىندا ءوتكەن حارلاماتەۆ اتىنداعى حالىقارالىق تۋرنير جەڭىمپازى, حالىقارالىق دەڭگەيدەگى سپورت شەبەرى مۇرات كەڭتونوۆ, قازاق كۇرەسىنەن ازيانىڭ ابسوليۋتتىك جەڭىمپازى, حالىقارالىق دەڭگەيدەگى سپورت شەبەرى راميل شاريگين, قازاق كۇرەسىنەن ەۋروپا چەمپيوناتىنىڭ جۇلدەگەرى, قازاق كۇرەسىنەن ازيانىڭ ابسوليۋتتى جەڭىمپازى, حالىقارالىق دەڭگەيدەگى سپورت شەبەرى گەربەر ماكسيم جانە قازاقستان رەسپۋبليكاسىنىڭ چەمپيونى, سپورت شەبەرى ەرلان وماروۆ جانە تاعى باسقالار بولدى.
ءابساليۋتتى بىرىنشىلىكتە مۇرات كەڭتونوۆ «تۇيە بالۋان» اتاندى. وعان وبلىس اكىمى نۇرالى سادۋاقاسوۆ ءتۋرنيردىڭ «التىن بەلبەۋىن» تاعىپ, 5000 اقش دوللارى كولەمىندە اقشالاي سىيلىق تاپسىردى. بالۋانعا «قوستاناي قىرانى» اتاعى بەرىلدى. مۇراتتى جانكۇيەرلەرى «الىپ» دەپ اتايتىن. ال ەكىنشى ورىندى جەڭىپ العان ا.بايتۇرسىنوۆ اتىنداعى ۋنيۆەرسيتەتتىڭ ستۋدەنتى, سپورتشىلار مەن جانكۇيەرلەرى اراسىندا «اق ايۋ» دەگەن اتپەن بەلگىلى ماكسيم گەربەر دە قوماقتى اقشالاي سىيلىققا, ياعني 3000 اقش دوللارىنا يە بولدى. ەندى قوس بالۋان جاز ماۋسىمىنىڭ سوڭىنا قاراي استانادا وتەتىن جالپىرەسپۋبليكالىق فينالعا قاتىساتىن بولادى. تۋرنيردىڭ وبلىستىق ساتىسىندا «التىن بەلبەۋ» تاققان بالۋاندار, ەندى بوز كىلەمنىڭ ءۇستىندە بىلەك ۇستاسىپ, «قازاقستان بارىسى» كىم بولاتىنىن وزدەرى انىقتايتىن بولادى.
ءنازيرا جارىمبەتوۆا,
«ەگەمەن قازاقستان».
قوستاناي.
