ەسىمى ەل ەسىندە
سارسەنبى, 9 مامىر 2012 7:14
ەسوۆ ۋالياحمەت شاكەن ۇلى 1922 جىلدىڭ 26 جەلتوقسانىندا قوستاناي جەرىندە ومىرگە كەلدى. ەل باسىنا تونگەن ۇلكەن اۋىرتپالىق سىن ساعاتى – ۇلى وتان سوعىسى باستالعاندا ۋالياحمەت جۇرەك قالاۋىمەن تۋعان ەلىن قورعاۋعا تىلەك بىلدىرەدى.
1942-1945 جىلدارى ۇلى وتان سوعىسىنىڭ قاندى شايقاستارىنا قاتىسىپ, ەلى مەن جەرى ءۇشىن جان اياماي كۇرەسكەن. ۋالياحمەت شاكەن ۇلى سوعىستىڭ ەڭ اۋىر شايقاستارى – كۋرسك يىنىندە, سونىمەن قاتار ۋكراينا, چەحوسلوۆاكيانى ازات ەتۋگە ءوزىنىڭ ەرلىگىمەن اتسالىستى. ونىڭ وتان الدىنداعى قاھارماندىق ەرلىگى 19 وردەن مەن مەدالدارمەن, ونىڭ ىشىندە «وتان سوعىسى», «قىزىل جۇلدىز», ەكى «داڭق», ت.ب. وردەندەرمەن ماراپاتتالدى.
سارسەنبى, 9 مامىر 2012 7:14
ەسوۆ ۋالياحمەت شاكەن ۇلى 1922 جىلدىڭ 26 جەلتوقسانىندا قوستاناي جەرىندە ومىرگە كەلدى. ەل باسىنا تونگەن ۇلكەن اۋىرتپالىق سىن ساعاتى – ۇلى وتان سوعىسى باستالعاندا ۋالياحمەت جۇرەك قالاۋىمەن تۋعان ەلىن قورعاۋعا تىلەك بىلدىرەدى.
1942-1945 جىلدارى ۇلى وتان سوعىسىنىڭ قاندى شايقاستارىنا قاتىسىپ, ەلى مەن جەرى ءۇشىن جان اياماي كۇرەسكەن. ۋالياحمەت شاكەن ۇلى سوعىستىڭ ەڭ اۋىر شايقاستارى – كۋرسك يىنىندە, سونىمەن قاتار ۋكراينا, چەحوسلوۆاكيانى ازات ەتۋگە ءوزىنىڭ ەرلىگىمەن اتسالىستى. ونىڭ وتان الدىنداعى قاھارماندىق ەرلىگى 19 وردەن مەن مەدالدارمەن, ونىڭ ىشىندە «وتان سوعىسى», «قىزىل جۇلدىز», ەكى «داڭق», ت.ب. وردەندەرمەن ماراپاتتالدى.
امان-ەسەن ەلگە ورالىپ, جاسى ۇلعايعان كەزىندە كوپتەگەن قاتارلاستارى سياقتى س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ (قازىرگى ءال-فارابي) تاريح فاكۋلتەتىنە ءتۇسىپ, 1953 جىلى ءۇزدىك ءبىتىرىپ شىعادى. جوعارى وقۋعا تۇسپەستەن بۇرىن ول ۋنيۆەرسيتەتتىڭ بوساتىلعان ستۋدەنتتىك كاسىپوداق كوميتەتىنىڭ توراعاسى قىزمەتىنە سايلانعان بولاتىن. ۋالياحمەت ەكونوميست بولۋدى جۇرەگى قالايدى.
ماسكەۋدەگى م.ۆ.لومونوسوۆ اتىنداعى ۋنيۆەرسيتەتتىڭ اسپيرانتۋراسىن ءتامامداپ, ەكونوميكا عىلىمدارىنىڭ كانديداتتىق عىلىمي ءدارەجەسىنەن ديسسەرتاتسيا قورعايدى. ول كوپتەگەن عىلىمي ەڭبەكتەردىڭ اۆتورى, عىلىمي-زەرتتەۋ ەڭبەكتەردىڭ ونەگەلى ۇيىمداستىرۋشىسى, مەملەكەتتىك عىلىمي مەكەمەلەردىڭ جاۋاپتى قىزمەتىندە بولدى. قازاق كسر-ءىنىڭ مەملەكەتتىك جوسپارلاۋ كوميتەتىندە 20 جىلداي قىزمەت اتقاردى.
رەسپۋبليكادا ۋالياحمەت شاكەن ۇلىنىڭ ەلىنە سىڭىرگەن ءومىر جولى ەرەكشە قۇرمەتپەن اتالىپ ءوتتى. ول كوپتەگەن گراموتالاردىڭ, قازاق كسر-ءىنىڭ جوعارى جانە ارناۋلى ءبىلىم مينيسترلىگىنىڭ, كاسىپوداق جانە كلجو-نىڭ قۇرمەتتى گراموتالارى, كسرو, بحشك-ءنىڭ ديپلومى مەن مەدالداردىڭ يەگەرى.
ۋالياحمەت ەسوۆ قاي جەردە, قانداي جۇمىس ىستەسە دە, ءاردايىم ءوز مىندەتىنە ۇقىپتىلىعىمەن, جولداستارىمەن قارىم-قاتىناستا سىپايى سىيلاستىعىمەن, اقكوڭىل ادال پيعىلىمەن, جوعارى ادامگەرشىلىك قاسيەتتەرىمەن ەرەكشەلەنىپ, زور قۇرمەتكە بولەنەتىن, ابىروي-بەدەلگە يە بولاتىن. ۇزاق جىلدار بويى جيناقتاعان مول تاجىريبەسىن, ءوزىنىڭ اسقان بىلىمدارلىعىن, ىزگى اقىل-پاراساتىن قىزمەت مۇددەسىنە قالتقىسىز پايدالانۋ ارقاسىندا ارىپتەستەر اراسىندا ۇلگى-ونەگە بولاتىن.
ۇلى وتان سوعىسىنىڭ ارداگەرى ەسوۆ ۋالياحمەت شاكەن ۇلىنىڭ ۇلاعاتتى ءىسى, ونەگەلى ءومىرى ەگەمەندى ەلىمىزدىڭ داۋلەتىن اسىرۋعا ۇلەس قوسىپ جۇرگەن بۇگىنگى جاستارعا, كەلەشەك ۇرپاققا ۇلگى بولاتىنىنا كۇمانىمىز جوق.
جۇبايى تۇتەنوۆا دانا بايكەرىمقىزى ينجەنەر-تەحنولوگ, 40 جىلدان استام اگروكومپلەكس سالاسىندا ەڭبەك ەتتى. ەڭبەك ارداگەرى.
عالىم قۇراش, جۋرناليست.
