مۇرات ءونال: «شاحتەردىڭ» رەتى كەلمەدى»
ەۋروپادا فۋتبول ويناپ جۇرگەن جالعىز قازاق فۋتبولشىسى مۇرات ءونال تۋرالى گازەتىمىزدىڭ وتكەن جىلعى 16 شىلدەدەگى ءنومىرىندە جازعان ەدىك. سول ماقالادان كەيىن مۇراتتى ەل تاني باستادى, ەلىمىزدەگى فۋتبول كلۋبتارىنىڭ دا قىزىعۋشىلىعىن تۋعىزدى. وتكەن جىلعى ەل چەمپيونى – قاراعاندىنىڭ «شاحتەرى» العاشقى بولىپ بۇل فۋتبولشىنى انتاليادا وتكەن وقۋ-جاتتىعۋ جيىندارىنا دا شاقىرعان ەدى. ءوزىن جاقسى جاعىنان كورسەتىپ, ءبىر دايىندىق ماتچىندا ءتىپتى 2 گول سوعىپ, 3 گول پاسىن بەرگەن مۇرات ءونال بۇل كلۋبپەن كەلىسىم-شارتقا وتىرا المادى.
ەۋروپادا فۋتبول ويناپ جۇرگەن جالعىز قازاق فۋتبولشىسى مۇرات ءونال تۋرالى گازەتىمىزدىڭ وتكەن جىلعى 16 شىلدەدەگى ءنومىرىندە جازعان ەدىك. سول ماقالادان كەيىن مۇراتتى ەل تاني باستادى, ەلىمىزدەگى فۋتبول كلۋبتارىنىڭ دا قىزىعۋشىلىعىن تۋعىزدى. وتكەن جىلعى ەل چەمپيونى – قاراعاندىنىڭ «شاحتەرى» العاشقى بولىپ بۇل فۋتبولشىنى انتاليادا وتكەن وقۋ-جاتتىعۋ جيىندارىنا دا شاقىرعان ەدى. ءوزىن جاقسى جاعىنان كورسەتىپ, ءبىر دايىندىق ماتچىندا ءتىپتى 2 گول سوعىپ, 3 گول پاسىن بەرگەن مۇرات ءونال بۇل كلۋبپەن كەلىسىم-شارتقا وتىرا المادى. سەبەپتەرىن ءبىلۋ ءۇشىن مۇراتپەن وسى جاتتىعۋ جيىندارىنان كەيىن عالامتور ارقىلى اڭگىمەلەسكەن ەدىك.
– «شاحتەردىڭ» انتالياداعى وقۋ-جاتتىعۋ جيىنىنا شاقىرىلدىڭ. جالپى, بۇل جيىن سەن ءۇشىن قالاي ءوتتى؟
– وقۋ-جاتتىعۋ جيىنى جاقسى ءوتتى, مەن ءۇشىن ەرەكشە ءبىر ءتاجىريبە بولدى. مىقتى فۋتبولشىلارمەن بىرگە ويناۋ مەن ءۇشىن ءارقاشان قىزىق. قازاق فۋتبولشىلاردىڭ تەحنيكاسى ۇنادى جانە ولارمەن قازاقشا سويلەسىپ, ويناۋ وتە كەرەمەت نارسە.
– كوماندا سەنى قالاي قارسى الدى؟
– كوماندا مەنى وتە جاقسى قارسى الدى. كەيبىر جىگىتتەر مەنىڭ ءوزىمدى ەركىن سەزىنۋىم ءۇشىن قولدارىنان كەلگەن كومەكتەرىن ايامادى, ولارعا ريزاشىلىقتارىمدى بىلدىرەمىن.
– «شاحتەرمەن» كەلىسىم-شارتقا وتىرمادىڭ, سەبەپ نە بولدى؟
– مەنى لەگيونەر رەتىندە الا المايتىندىقتارىن ايتتى. ياعني, بۇل كۆوتاعا ولار باسقا شەتەلدىك فۋتبولشىلاردى قاراۋدا. ال, مەنى ەگەر قازاقستان ازاماتتىعىن السام كومانداعا الاتىندارىن ايتتى. بىراق, مەن قازاقستان ازاماتى ەمەسپىن. كلۋب پرەزيدەنتى ەردەن حاليلين مەنى كومانداعا الۋ ءۇشىن, ازاماتتىق الىپ بەرۋ ءۇشىن قولىنان كەلگەنىن جاسادى. بىراق, ءبىر اپتادان كەيىن مۇنداي قىسقا مەرزىمدە ازاماتتىق الۋ مۇمكىن ەمەس ەكەنىن ايتتى. ەردەن اعاعا ريزامىن, ول قولىنان كەلگەنىن ىستەدى, وعان بارلىق ءىسى ءۇشىن العىسىمدى بىلدىرەمىن. دەمەك, بۇل كومانداعا بارۋ ماعان بۇيىرماعان.
– باسقا كوماندالاردان شاقىرۋ كەلسە, باراسىڭ با؟
– فۋتبولدا بارلىق نارسە مۇمكىن. ەشقاشان “بولمايدى” دەپ ايتۋعا بولمايدى. ەگەر بارلىق جاعىنان كەلىسىپ جاتساق, ارينە, باسقا كوماندالارعا دا بارۋعا بولادى.
اڭگىمەلەسكەن ارشات ورازوۆ, «ەگەمەن قازاقستان».
