ول ءبىر جۇمباق
جۇما, 12 قازان 2012 7:03
بۇل عاقليانى اريستوتەل دە ايتقان جوق, كونفۋتسيدىڭ كىتابىنان دا وقىعان جوقپىن. مۇنى ايتقان اۋىلدىڭ قاراپايىم قارياسى.
اڭگىمە ادامگەرشىلىك تاقىرىبىنا ويىسقان. مالداس قۇرعان ءماسليحاتشىلار ءاربىر ساۋاپتى ءىستىڭ قايىرىمى بولادى دەگەن بەلگىلى تۇيىنگە تىرەلەتىن تامسىلگە كوشكەندە الگى قاريا:
– ەگەر قايىر تىلەپ وتىرعان ءمىسكىندى كورسەڭ, مۇسىركەۋشى بولما, – دەگەنى.
«ءماسليحاتشى» اتانىپ, ءمامىلەگە ارالاسقانىمەن, بارلىعى بىردەي فيلوسوف ەمەس قوي. سولاردىڭ ءبىرى:
– نەگە؟ – دەپ جالت قارادى.
جۇما, 12 قازان 2012 7:03
بۇل عاقليانى اريستوتەل دە ايتقان جوق, كونفۋتسيدىڭ كىتابىنان دا وقىعان جوقپىن. مۇنى ايتقان اۋىلدىڭ قاراپايىم قارياسى.
اڭگىمە ادامگەرشىلىك تاقىرىبىنا ويىسقان. مالداس قۇرعان ءماسليحاتشىلار ءاربىر ساۋاپتى ءىستىڭ قايىرىمى بولادى دەگەن بەلگىلى تۇيىنگە تىرەلەتىن تامسىلگە كوشكەندە الگى قاريا:
– ەگەر قايىر تىلەپ وتىرعان ءمىسكىندى كورسەڭ, مۇسىركەۋشى بولما, – دەگەنى.
«ءماسليحاتشى» اتانىپ, ءمامىلەگە ارالاسقانىمەن, بارلىعى بىردەي فيلوسوف ەمەس قوي. سولاردىڭ ءبىرى:
– نەگە؟ – دەپ جالت قارادى.
ەكىنشىسى:
– سوندا نە ىستەۋ كەرەك؟ – دەپ قاباعىن ءتۇيدى.
كوزقاراستارىندا «اش ادامعا بالىق بەرگەنشە, بالىق ۇستاۋدى ۇيرەت» دەگەن بەلگىلى ۇلاعاتقا ءتان ءبىر اڭگىمەنى باستايتىن شىعار دەگەن سۇراۋ بار.
– باسىنان ءبىر تەپ تە, ءوتىپ كەت.
ءماسليحاتشىلار «مىناۋ نە ايتىپ وتىر ءوزى» دەگەندەي ءبىر-ءبىرىنە تاڭدانا مويىن بۇردى. شال بولسا «ال سەندەرگە ءتالىم-ءتاربيەنىڭ كوكەسى كەرەك بولسا» دەگەندەي تۇيىلە تۇسكەن.
– وۋ, اعاسى, وسىنى دا ءسوز دەپ ايتىپ وتىرسىز با؟
– «ءمۇساپىر كورسەڭ جاقسىلىق جاسا» دەگەن وتكەننەن كەلە جاتقان وسيەتتى قايتەمىز؟
– قايىرشىنىڭ نە جازىعى بار؟
سول كەزدە قيقار شال:
– ول ءبىر جۇمباق, – دەدى دە ورنىنان تۇرەگەلدى.
سۋىقتان قاتىپ قالعان جىلاندى قوينىنا تىعىپ جىلىتام دەپ اجال قۇشقان اڭعال تۋرالى مىسالدى ءبىلۋشى ەم. مالداس قۇرعاندار شالعا نە دەرىن بىلمەي وتىرىپ قالعان كەزدە سول وقيعا ەسىمە ساپ ەتە ءتۇستى. ويتكەنى, سەن دە ۋلى جىلانعا جاقسىلىق جاساعان ادام سياقتى جولىڭدى توسقان ءمۇساپىردىڭ جات پيعىلىنان بەيحابارسىڭ. ءباداۋي تىرلىكتى بۇركەنگەن جان كىم – ۇرى ما, قاراقشى ما, الاياق پا, ساتقىن با؟!. ءتىپتى, جەتى جۇرتتىڭ ءتىلىن بىلەتىن وقىمىستى, ون ساۋساعىنان ونەرى تامعان شەبەر نەمەسە زامانداستارىنان اتاعى وزعان كاسىپكەر بولا قويسىن, بىراق قارنى تويىپ, اۋزى مايلانعان كۇنى جاساعان جاقسىلىعىڭدى ۇمىتىپ, باسىڭنان ءبىر تەپسە قايتپەكسىڭ؟ باقساق, بۇل ادامزات بالاسى ءالى كۇنگە دەيىن شەشۋىن تابا الماي جۇرگەن جۇمباقتاردىڭ بىرىنەن ەكەن.
ەل بايلىعىن ميللياردتاپ ۇرلاپ, شەتەل اسقان بۇرىنعى بانكيرلەر مەن مەملەكەتتىك قىزمەتشىلەر, ماجىلىسمەندەر تۋرالى الۋان- الۋان اقپاراتتاردى وقي باستاسام بولدى, اۋىلدىڭ باياعىدا وتكەن ايتقىش شالىنىڭ «قيسساسى» نەنى مەڭزەگەنىن تۇسىنە باستاعانداي بولامىن.
كوسەمالى ساتتىباي ۇلى,
«ەگەمەن قازاقستان».
تاراز.
