نوسەر سوڭى بۇرشاققا ۇلاستى
سارسەنبى, 1 تامىز 2012 7:43
تابيعات تاعى دا توسىن مىنەز تانىتتى. تاعى دەيتىن سەبەبىمىز, كەشە استانادا بۇرشاق جاۋىپ, تۇرعىنداردى ابىگەرگە سالسا, بۇدان بىرنەشە كۇن بۇرىن اياماي جاۋعان اق نوسەردەن كوشەدە جاڭبىر سۋى كولكىپ, جۇرت تىزەدەن سۋ كەشكەن ەدى.
ارينە, استانانىڭ قۇبىلمالى اۋا رايىنا ۇيرەنىسىپ قالعان قالا حالقى توسىن «سىيعا» توسىرقاي قويماسى دا مۇمكىن ەدى. بىراق, كەشەگى جاۋىننىڭ «ءجونى» بولەك بولدى. نوسەردىڭ سوڭىن الا كولەمى باس بارماقتاي بولعان بۇرشاق ءبىراز بەرەكەنى الدى. وعان قوسا سوققان جەل سالدارىنان كەيبىر عيماراتتاردا جارىق ءسونىپ, تەلەفون بايلانىسىندا دا كەدەرگى بولدى. كوشەلەردى سۋ باستى.
سارسەنبى, 1 تامىز 2012 7:43
تابيعات تاعى دا توسىن مىنەز تانىتتى. تاعى دەيتىن سەبەبىمىز, كەشە استانادا بۇرشاق جاۋىپ, تۇرعىنداردى ابىگەرگە سالسا, بۇدان بىرنەشە كۇن بۇرىن اياماي جاۋعان اق نوسەردەن كوشەدە جاڭبىر سۋى كولكىپ, جۇرت تىزەدەن سۋ كەشكەن ەدى.
ارينە, استانانىڭ قۇبىلمالى اۋا رايىنا ۇيرەنىسىپ قالعان قالا حالقى توسىن «سىيعا» توسىرقاي قويماسى دا مۇمكىن ەدى. بىراق, كەشەگى جاۋىننىڭ «ءجونى» بولەك بولدى. نوسەردىڭ سوڭىن الا كولەمى باس بارماقتاي بولعان بۇرشاق ءبىراز بەرەكەنى الدى. وعان قوسا سوققان جەل سالدارىنان كەيبىر عيماراتتاردا جارىق ءسونىپ, تەلەفون بايلانىسىندا دا كەدەرگى بولدى. كوشەلەردى سۋ باستى. ءتىپتى, قالانىڭ كەيبىر ورامدارىنداعى جولداردا جينالىپ قالعان سۋدىڭ تەرەڭدىگى 60 سم-گە دەيىن جەتتى. كولىك قوزعالىسى باياۋلاپ, جولداعى سۋاعارلار جاڭبىردىڭ تىم مول جاۋ سالدارىنان تاسقىندى اعىزىپ ۇلگەرمەي جاتتى. سونىڭ كەسىرىنەن جاياۋ ءجۇرگىنشىلەر تىزەدەن سۋ كەشسە, كولىكتەر بەلۋاردان سۋعا باتتى.
ەڭ وكىنىشتىسى, داۋىل سالدارىنان قايعىلى جاعداي ورىن الدى. استانا قالاسىنىڭ ءتوتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي, قاتتى سوققان جەلدەن استاناداعى زارەچنىي كەنتىندە 3 قۇرىلىس كرانى قۇلاپ, سونىڭ سالدارىنان 2 ادام كوز جۇمدى.
قازگيدرومەتتىڭ بولجاۋىنشا, نەگىزىنەن ۇستىمىزدەگى جىلدىڭ تامىز ايى جاڭبىرلى, سالقىن بولادى دەپ وتىر. اسىرەسە, العاشقى جانە ءۇشىنشى ونكۇندىكتە قاتتى جەل مەن بۇرشاقتى كۇندەر ءجيى قايتالانۋى مۇمكىن. ناعىز سالقىن كۇندەر 11-13 تامىزدا بولۋى ىقتيمال دەپ بولجانۋدا.
«ەگەمەن-اقپارات».
