زامان تالابىنا ساي قۇجات
سەنبى, 1 قىركۇيەك 2012 7:59
كەشە استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «كونستيتۋتسيا – قوعام مەن مەملەكەتتىڭ الەۋمەتتىك جاڭعىرۋىنىڭ نەگىزى» تاقىرىبىندا وتكەن حالىقارالىق عىلىمي-تاجىريبەلىك كونفەرەنتسيادا قازاقستان رەسپۋبليكاسىنداعى ادام قۇقىقتارى جونىندەگى ۇلتتىق ورتالىقتىڭ جەتەكشىسى ۆياچەسلاۆ كاليۋجنىيمەن كەزدەسىپ, ودان كونستيتۋتسيانىڭ ماڭىزدىلىعى جونىندەگى ويلارىمەن ءبولىسۋىن وتىنگەن ەدىك.
سەنبى, 1 قىركۇيەك 2012 7:59
كەشە استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «كونستيتۋتسيا – قوعام مەن مەملەكەتتىڭ الەۋمەتتىك جاڭعىرۋىنىڭ نەگىزى» تاقىرىبىندا وتكەن حالىقارالىق عىلىمي-تاجىريبەلىك كونفەرەنتسيادا قازاقستان رەسپۋبليكاسىنداعى ادام قۇقىقتارى جونىندەگى ۇلتتىق ورتالىقتىڭ جەتەكشىسى ۆياچەسلاۆ كاليۋجنىيمەن كەزدەسىپ, ودان كونستيتۋتسيانىڭ ماڭىزدىلىعى جونىندەگى ويلارىمەن ءبولىسۋىن وتىنگەن ەدىك.
– كونفەرەنتسيانىڭ تاقىرىبى ايتىپ تۇرعانداي, كونستيتۋتسيا ەلىمىزدىڭ الەۋمەتتىك جاڭعىرۋىنىڭ نەگىزى بولىپ سانالادى. ءسىزدىڭ ويىڭىزشا, كونستيتۋتسيادا ادامنىڭ لايىقتى ءومىر سۇرۋىنە, ونىڭ الەۋمەتتىك جاعىنان قورعالۋىنا بارلىق جاعداي جاسالعان با؟
– ءبىزدىڭ كونستيتۋتسيا, وزدەرىڭىزگە بەلگىلى, وسىدان 17 جىل بۇرىن بۇكىلحالىقتىق رەفەرەندۋم ارقىلى قابىلدانعان. بۇل قۇجاتتىڭ ماڭىزدىلىعى سول, وندا حالىقتىڭ لايىقتى ءومىر سۇرۋىنە, ادامنىڭ جەكە بوستاندىعى مەن قۇقىقتارىنىڭ ساقتالۋىنا بارلىق جاعداي جاسالعان. قازىر كونستيتۋتسيا قابىلدانعان كەزدەن بەرى ءالى ءوزگەرىسسىز كەلە جاتىر. بۇل اتا زاڭىمىزدىڭ قازىرگى زامان تالابىنا ابدەن لايىق جاسالعانىن كورسەتەدى. جالپى, كونستيتۋتسيا كۇنى وسىنداي جيىندار ءداستۇرلى تۇردە جىل سايىن ءوتىپ تۇرادى. ءبىز مۇندا اتا زاڭىمىزعا بايلانىستى بارلىق ءماسەلەلەردى تالقىلايمىز.
– بيىلعى كونفەرەنتسيانىڭ ەرەكشەلىگى نەدە دەپ ويلايسىز؟
– بيىلعى باسقوسۋدىڭ ەرەكشەلىگى, وعان مەملەكەت باسشىسى نۇرسۇلتان نازارباەۆتىڭ قاتىسقاندىعىندا بولدى. پرەزيدەنت كونفەرەنتسيانىڭ العاشقى كۇنى كونستيتۋتسيانىڭ ءمانى مەن ماڭىزى تۋرالى جان-جاقتى ايتىپ بەردى. ماسەلەن, ول اتا زاڭىمىزدىڭ بولاشاقتا ءبىر ورىندا قاتىپ قالماي, زامان اعىمىنا ساي وزگەرىسكە ۇشىراۋى ءمۇمكىن ەكەنىن ايتتى. مەن نۇرسۇلتان ءابىش ۇلىنىڭ بۇل ويىمەن تولىق كەلىسەمىن. ەگەر شىندىقتىڭ بەتىنە تۋرا قاراساق, راسىمەن دە سولاي ەمەس پە؟ ياعني, حالىق كونستيتۋتسياداعى ءوزىنىڭ قۇقىقتارى مەن بوستاندىقتارىن, مەملەكەتتىڭ كومەگىمەن بەرىلگەن ءتۇرلى ءمۇمكىندىكتەردى تولىق پايدالانىپ, اشىلعان جۇمىس ورىندارىندا ءىستەپ, ماتەريالدىق جاعدايلارىن جاقسارتسا, الەۋمەتتىك پروبلەمالاردى شەشۋگە ءوزى دە اتسالىسار ەدى عوي دەپ ويلايمىن.
اڭگىمەلەسكەن
داستان كەنجالين,
«ەگەمەن قازاقستان».
