«ءاربىر ادام العاشقى مەديتسينالىق كومەك كورسەتە ءبىلۋى قاجەت. جاراقاتقا تاڭعىشتى دۇرىس بايلاۋ نەمەسە سىنعان جەرگە شەندەۋىش تارتا ءبىلۋى, قولدان دەمالدىرىپ, جۇرەككە جاناما ماسساج جاساي الۋى كەرەك. ءبىر كۇنى مۇنداي كومەك اتا-انالارىڭىزعا, جولداسىڭىز نەمەسە جۇبايىڭىزعا, ۇل-قىزدارىڭىزعا, تۋىس-جاقىندارىڭىزعا جانە دوستارىڭىزعا جەدەل جاردەم كەلگەنشە قاجەت بولۋى مۇمكىن. سوندىقتان, شەبەرلىك سىنىپ بارىسىندا سوو كەلۋشىلەرى الاتىن ماشىقتار ءبىر كۇنى بىرەۋدىڭ ءومىرىن قۇتقارىپ قالۋى ابدەن مۇمكىن», دەيدى قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى, قوعامدىق دەنساۋلىقتى نىعايتۋ ورتالىعىنىڭ باسشىسى زارينا كەرۋەنوۆا.
شەبەرلىك سىنىپ بارىسىندا «استانا» وكو تاجىريبەلى دارىگەر-نۇسقاۋشىلارى سوو كەلۋشىلەرىنە ەرەسەكتەر مەن بالالارعا ءبىرىنشى شۇعىل كومەك كورسەتۋدى ۇيرەتتى. كەنەتتەن جۇرەك قىزمەتى توقتاپ قالعان كەزدە دەرەۋ ارەكەت ەتۋ الگوريتمىن, جول-كولىك وقيعالارىنان زارداپ شەككەندەردە, مەحانيكالىق اسفيكسيا كەزىندە, ءتۇرلى جاراقاتتار العان (سىنۋ, سوعىپ الۋ, بۋىننىڭ شىعىپ كەتۋى, كۇيىك الۋ, قان كەتۋ) كەزدە ءبىرىنشى كومەك كورسەتۋ جانە ت.ب.
شاراپاتتى شارانىڭ ەڭ بەلسەندى قاتىسۋشىلارى ۇيىمداستىرۋشىلار اتىنان ەستەلىك سىيلىقتارمەن ماراپاتتالدى, ال ەرەكشە كوزگە تۇسكەندەر «استانا» وكو-دا تەگىن وقۋعا سەرتيفيكات الدى, ول جەردە حالىقارالىق سەرتيفيكاتتارى بار تاجىريبەلى دارىگەر-نۇسقاۋشىلار 10 جىلدان بەرى مەديتسينالىق جانە مەديتسينالىق ەمەس قىزمەتكەرلەرگە العى سيمۋلياتسيالىق تەحنولوگيالاردى پايدالانا وتىرىپ, دارىگەرگە دەيىنگى كومەك كورسەتۋ ماشىقتارىن ۇيرەتەدى.
