سايلاۋ • 19 ءساۋىر، 2019

كاسىپكەرلەر سايلاۋدى قولدايدى

865 رەت كورسەتىلدى

باتىس قازاقستان وبلىستىق ءماسليحاتىندا «Nur Otan» پارتياسىنان سايلانعان دەپۋتاتتار وڭىردەگى شاعىن جانە ورتا بيزنەس سالاسىنداعى كاسىپكەرلەرمەن كەزدەسىپ، الداعى پرەزيدەنت سايلاۋىن تالقىلادى.

پرەزيدەنت قاسىم-جومارت توقاەۆتىڭ ەلىمىزدە كەزەكتەن تىس پرەزيدەنت سايلاۋىن وتكىزۋ تۋرالى شەشىمىن قولداۋدان باستالعان اڭگىمە شاعىن جانە ورتا كاسىپكەرلىك وكىلدەرىنىڭ ەل دامۋىنا قوساتىن ۇلەسى سىندى اسا ماڭىزدى تاقىرىپتارعا دا جالعاستى.

- ءبىز، بيزنەس سالاسىنىڭ وكىلدەرى، سايلاۋدىڭ ءوتۋى – كۇن تارتىبىندەگى ەڭ وزەكتى ماسەلە دەپ سانايمىز. ويتكەنى، قازاقستان – ءوزىنىڭ دەموكراتيالىق ۇردىستەرىمەن بۇكىل الەمگە تانىلعان مەملەكەت. تاۋەلسىزدىكتىڭ العاشقى كۇندەرىنەن باستاپ ءبىزدىڭ ەلىمىز كونستيتۋتسيا تالاپتارىنا ساي ءجۇرىپ كەلە جاتىر. سوندىقتان، بۇل پرەزيدەنت سايلاۋى وتە قاجەت. ءبىز سەكىلدى كاسىپ يەلەرى ءۇشىن، ءبىزدىڭ جۇمىسىمىزدىڭ العا باسۋى ءۇشىن ەڭ قاجەتتى قۇندىلىق – تۇراقتىلىق دەر ەدىم. ال قازاقستاننىڭ بۇگىنگى تۇراقتىلىعى – كەزەكتەن تىس وتكەلى وتىرعان پرەزيدەنت سايلاۋىنا تىكەلەي بايلانىستى. بۇگىن وسى جيىنعا قاتىسىپ وتىرعان بيزنەس وكىلدەرى، كاسىپكەرلەر پالاتاسىنىڭ مۇشەلەرى، الداعى سايلاۋعا بەيتاراپ قاراي المايمىز. ءبىر كىسىدەي بەلسەندى قاتىسامىز. ءوزىم وبلىستىق ءماسليحات دەپۋتاتى بولعان سوڭ يىعىما تۇسكەن جاۋاپكەرشىلىك جۇگىن انىق تۇسىنەمىن: ەلىمىزدىڭ بولاشاعىنا، وتانىمىزدىڭ ەرتەڭىنە جاۋاپتى بولاتىن پرەزيدەنتتى تاپ باسىپ تاڭداي ءبىلۋىمىز كەرەك. سوندىقتان بۇگىنگى جيىننىڭ ءمانى مەن مازمۇنى وتە جوعارى دەپ ەسەپتەيمىن. ءبىز الدىمىزداعى ستراتەگيالىق باعىتىمىزدى انىقتاپ، شەشىم قابىلدايتىن مەجەگە كەلدىك، - دەيدى كاسىپكەر، «وتاۋ-الان» جشس ديرەكتورى، باتىس قازاقستان وبلىستىق ءماسليحاتىنىڭ دەپۋتاتى ليانا تۇرسىنوۆا.

«Nur Otan» پارتياسى باتىس قازاقستان وبلىستىق فيليالى توراعاسىنىڭ ورىنباسارى سەرىك سۇلەيمەننىڭ ايتۋىنشا، كەزەكتەن تىس پرەزيدەنت سايلاۋىن وتكىزۋ ماسەلەسىن تالقىلاۋ حالىقتىڭ ءار ساناتىندا ءجۇرىپ جاتىر ەكەن.

- ەلىمىزدىڭ تۇڭعىش پرەزيدەنتى-ەلباسى 19 مامىردا ءوز وكىلەتتىگىن توقتاتتى، 20 ناۋرىزدان باستاپ مەملەكەت تىزگىنىن قاسىم-جومارت توقاەۆ ۇستادى. دەيتۇرعانمەن، ەلىمىزدىڭ بۇگىنگە دەيىن جەتكەن جەتىستىگى ەلباسىنىڭ قاجىرلى ەڭبەگىنىڭ ارقاسىندا بولعانىن الەم حالقى مويىندايدى. سوندىقتان قازاقستاننىڭ جاڭا پرەزيدەنتى ەلباسى كۋرسىن ارى قاراي جالعاستىرىپ، كەزەكتەن تىس سايلاۋ ارقىلى حالىق سەنىمىن السا، حالىقارالىق قاۋىمداستىق الدىندا دا ابىروي-بەدەلى ارتادى. دۇنيەجۇزىلىك ينۆەستورلاردىڭ دا سەنىمى نىعايىپ، تۇڭعىش پرەزيدەنت-ەلباسى باستاعان دامۋ باعىتى جالعاساتىنىنا سەنەدى، - دەيدى سەرىك كەنجەبەك ۇلى.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار