كيەلى بەسىك قىزدار ۋنيۆەرسيتەتىن بۇرىن ەستىلمەگەن الديگە بولەدى

ونەر جانە مادەنيەت فا­كۋلتەتى ۇيىتقى بولعان فەس­تيۆالدە ەل ايماقتارىنان كەلگەن جوو كوماندالارىمەن بىرگە ۇيعىر انالار وداعى, ورىس مادەني ورتالىعى, نە­مىس مادەني ورتالىعى, تاتار-باشقۇرت قوعامدىق مادەني ورتالىعى, ۋكراين مادەني ورتا­لىعىنىڭ جانە الماتى وبلىسى جامبىل اۋداندىق ءما­دەنيەت ءۇيىنىڭ, جامبىل وبلىسى جۋالى مەن قورداي اۋداندارىنىڭ ونەرپازدارى دا سىنعا ءتۇستى.

ەكى كەزەڭنەن تۇرعان باي­قاۋ قىزدار ۋنيۆەرسيتەتىن بۇرىن-سوڭدى بولماعان الديگە بولەدى. بەسىك تاقىرىبىندا تەاتر­لاندىرىلعان قويىلىم­دارمەن قاتار, انا ءالديى, بەسىك جىرلارى شالقىدى.

فەستيۆال اياقتالعاندا تاراز قالاسىنداعى اباي اتىن­داعى جامبىل گۋماني­تارلىق كوللەدجىنىڭ ۇجىمى ۇزدىك اتانىپ, باس جۇلدەگە يە بولدى. مۇحتار اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ وقىتۋشىلارى مەن ستۋدەنت­تەرىنىڭ ونەرى قازىلار القاسى تاراپىنان جوعارى باعالانىپ ءبىرىنشى ورىن الدى. ەكىنشى ورىن ۋكراين مادەني ورتا­لىعى مەن جامبىل وبلىسى جۋالى اۋدانىنىڭ ونەر ۇجىمدارىنا بۇيىردى. قازاق ۇلتتىق قىزدار پەدا­گو­گي­كا­لىق ۋنيۆەرسيتەتى, ح.دوس­مۇ­حا­مەدوۆ اتىنداعى اتى­راۋ مەملەكەتتىك ۋني­ۆەرسيتەتى مەن جامبىل وبلىسى قورداي اۋدا­نىنىڭ ونەرپازدارى ءۇشىن­­شى ورىنعا تابان تىرەدى.