ايماقتار • 18 ءساۋىر، 2019

Nur Otan پارتياسى باتىس قازاقستان وبلىستىق فيليالىنىڭ كەزەكتەن تىس ءححىV كونفەرەنتسياسى ءوتتى

ورال قالاسىندا «Nur Otan» پارتياسى باتىس قازاقستان وبلىستىق فيليالىنىڭ كەزەكتەن تىس ءححىV كونفەرەنتسياسى ءوتتى. جيىندا پارتيانىڭ كەزەكتەن تىس ءحىح سەزىنە اق جايىق وڭىرىنەن باراتىن دەلەگاتتار سايلاندى.

قازبەك قۇتتىمۇرات ۇلى

كونفەرەنتسيادا ءسوز العان ءوڭىر باسشىسى، فيليال توراعاسى التاي كولگىنوۆ قازاقستان پرەزيدەنتى قاسىم-جومارت توقاەۆتىڭ كەزەكتەن تىس پرەزيدەنت سايلاۋىن وتكىزۋ تۋرالى شەشىمىن جايىق جۇرتى، ءوڭىر حالقى تولىق قولدايتىنىن جەتكىزدى.

- بۇل بيلىكتىڭ تۇراقتىلىعى مەن ەلدىڭ بىرلىگىن نىعايتۋ ءۇشىن قابىلدانعان ۋاقىتىلى ءارى وتە ورىندى شەشىم. مەملەكەت باسشىسى سايلاۋدىڭ اشىق ءارى ءادىل وتەتىنىنە كەپىلدىك بەرىپ وتىر. حالىق بولىپ سايلاعان مەملەكەت باسشىسىنىڭ بەدەلى جوعارى، وزىنە دەگەن سەنىمى بەرىك بولادى، – دەدى ا.كولگىنوۆ. «Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى سەرىك سۇلەيمەننىڭ ايتۋىنشا، كۇنى بۇگىن وبلىس بويىنشا 11 433 تۇرمىسى تومەن جانە كوپ بالالى وتباسىنىڭ تۇرمىستىق جاعدايى تەكسەرىلىپ، الەۋمەتتىك كارتا تولتىرىلعان. ونىڭ 6499-ى - كوپ بالالى وتباسىلار.

2019 جىلى شامامەن 5 186 وتباسى، ونىڭ ىشىندە 24 481 ادام، 15 992 بالا اتاۋلى الەۋمەتتىك كومەكپەن قامتىلادى دەپ جوسپارلانعان. قازىرگى تاڭدا 3384 ادامنىڭ ءوتىنىشى قابىلداندى. «حالىققا كومەك» پارتيالىق جوباسىن ىسكە اسىرۋ اياسىندا قوعامدىق قابىلداۋ بولمەلەرى ارقىلى «بىرىڭعاي الەۋمەتتىك تەرەزە» اكتسياسى جۇمىس جاساۋدا. «اۋىل – ەل بەسىگى» جوباسى شەڭبەرىندە پەرسپەكتيۆتى ەلدى مەكەندەر ايقىندالاتىن بولادى. بيىل وبلىستىڭ پەرسپەكتيۆتى اۋىلدارىن دامىتۋ ءۇشىن رەسپۋبليكالىق بيۋدجەتتەن 1،2 ملرد. تەڭگە قاراستىرىلعان.

پارتيانىڭ «زاماناۋي ءبىلىم ورتالىقتارى» جوباسى اياسىندا كىتاپحانالاردى قازىرگى زامانعى كوۆوركينگ جانە ءبىلىم ورتالىقتارىنا اينالدىرۋ ءىسى وڭىردە تابىستى جۇرۋدە. مىسالى قازىر وبلىستا جاستارعا ارنالعان 11 كوۆوركينگ ورتالىق جۇمىس جاساپ تۇر.

بۇعان قوسا، پارتيالىق جوبا اياسىندا 100 مەكتەپتىڭ سپورت الاڭى سالىنۋدا. ولاردىڭ باسىم بولىگى اۋىل مەكتەپتەرىندە. حالىقتى تۇرعىن ۇيمەن قامتاماسىز ەتۋ، ءبىلىم بەرۋ مەن دەنساۋلىق ساقتاۋدىڭ قولجەتىمدىلىگى، ەل بويىنشا ينفراقۇرىلىم مەن تۇرعىن ءۇي-كوممۋنالدىق سالانى جەتىلدىرۋگە باعىتتالعان «قۇتتى مەكەن» جوباسى اياسىندا بىرقاتار جۇمىستار اتقارىلۋدا. بيىل «نۇرلى جەر» باعدارلاماسى بويىنشا تۇرعىن ءۇي قۇرىلىسىنا 12،9 ملرد. تەڭگە ءبولىنىپ، بۇل قاراجاتقا 19 كوپ پاتەرلى جانە اۋىلدىق جەرلەردە 119 تۇرعىن ءۇي سالىنۋدا. جىل سوڭىنا دەيىن 15 كوپپاتەرلى جانە اۋىلدىق جەرلەردە 50 تۇرعىن ءۇي مەن 2051 پاتەردى پايدالانۋعا بەرۋ جوسپارلانۋدا.

وبلىستا قۇنى 5،5 ملرد. تەڭگە تۇراتىن ءۇش مەكتەپتىڭ قۇرىلىسى باستالدى. كونفەرەنتسيادا ءسوز سويلەگەندەر جەرگىلىكتى جەردە جۇزەگە اسىرىلىپ جاتقان بارلىق باعدارلاما پارتيا وكىلدەرىنىڭ قاداعالاۋىندا بولاتىنىن ايتتى. جيىن سوڭىندا اعىمداعى جىلى 23-ساۋىردە «نۇر-سۇلتان قالاسىندا وتەتىن «Nur Otan» پارتياسىنىڭ كەزەكتەن تىس حIح سەزىنە باراتىن دەلەگاتتار سايلاندى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز