ساياسات • 18 ءساۋىر، 2019

ۇلىبريتانيا ءمينيسترى ەلوردا تۋرالى پىكىرىن ءبىلدىردى

754 رەت كورسەتىلدى

ۇلىبريتانيا ءمينيسترى سەر الان دانكان نۇر-سۇلتانعا جاساعان ساپارى تۋرالى پىكىرىن ءبىلدىردى. بۇل تۋرالى قازاقستانداعى ۇلىبريتانيا ەلشىلىگىنىڭ ءباسپاسوز قىزمەتى حابارلادى.

«قازاقستان ۇلىبريتانيا ءۇشىن ماڭىزدى سەرىكتەس بولىپ تابىلادى. وسى ساپار بارىسىندا ءبىز ورتالىق ازياداعى جانە جالپى ايماقتاعى تۇراقتىلىق پەن قاۋىپسىزدىك سالاسىنداعى ۇلىبريتانيا مەن قازاقستاننىڭ ورتاق ماقساتتارىنا قول جەتكىزۋ تۋرالى تالقىلادىق. ەكى ەل دە ەكىجاقتى قارىم-قاتىناستى نىعايتۋعا جانە مىقتى كوممەرتسيالىق بايلانىستاردى، سونىمەن قاتار، زاڭگەرلىك قىزمەت پەن جوعارى ءبىلىم سالاسىنداعى ىنتىماقتاستىقتى ودان ءارى دامىتۋعا دايىن.  

«وتكەن جىلى ءبىز ورتالىق ازيادا العاشقى ەرەكشە قۇقىقتىق رەجيممەن قۇرىلعان، اعىلشىن زاڭىنىڭ پرينتسيپتەرىنە نەگىزدەلگەن استانا حالىقارالىق قارجى ورتالىعىنىڭ اشىلۋىن اتاپ وتتىك. قازاقستان 1991 جىلى تاۋەلسىزدىك العاننان بەرى ۇلىبريتانيانىڭ قازاقستانعا سالعان ينۆەستيتسيالارىنىڭ كولەمى 20 ميلليارد فۋنت ستەرلينگتەن استامدى قۇرايدى. قازاقستانداعى التى جەتەكشى ينۆەستورلاردىڭ ءبىرى رەتىندە ءبىز ەكى ەل اراسىنداعى تىعىز بايلانىس ودان ءارى داميتىنىنا جانە كەڭەيەتىنىنە سەنىمدىمىز» دەدى سەر الان دانكان.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار