سارىارقا اۋدانى اكىمدىگىنىڭ Facebook-تەگى رەسمي پاراقشاسىندا حابارلانعانداي, نۇر-سۇلتاندا اتاۋلى ورىندىقتاردى ورناتۋ جوباسى جالعاسۋدا, «ءبىزدىڭ قالانىڭ كەز كەلگەن تۇرعىنى نەمەسە ۇيىمى دەمالۋعا ارنالعان ورىندىققا اتاۋلى تاقتايشا ورناتا الادى. سارىارقا اۋدانىنىڭ اكىمدىگى سىزدەرگە جاعاجاي, ساياباقتار جانە اۋدان كوشەلەرىنەن ورىن ۇسىنا الادى», – دەلىنگەن حابارلامادا.
جوبا كۋراتورى, سارىارقا اۋدانى اكىمى اپپاراتىنىڭ كوممۋنالدىق شارۋاشىلىق ءبولىمىنىڭ باسشىسى جاسۇلان باعيسوۆ اتاپ وتكەندەي, اۋدان اۋماعىندا سەگىز مىڭعا جۋىق اتاۋلى ورىندىقتار بار: ۇيىمدار نەمەسە جەكە تۇلعالاردان بىرەۋ قالاعا وسىنداي ورىندىقتار سىيلاي الادى. بىرەۋ دوسىنا, تۋعان كۇنىنە, ال بىرەۋ وسىنداي تاسىلمەن سەزىمىن بىلدىرەدى.
قوسىمشا اقپارات الۋ ءۇشىن مىنا تەلەفون ارقىلى حابارلاسۋعا بولادى: 8 (701) 139-70-09 (جاسۇلان باعيسوۆ).
