كەزدەسۋ بارىسىندا ەلشى مىرزا سوڭعى جىلدارى ەلوردادا ورىن العان وزگەرىستەردى اتاپ ءوتتى. «ءبىز وسى قالادا جۇمىس ىستەپ جاتقانىمىزدى باعالايمىز. 2003 جىلى مەن ءسىزدىڭ قالاڭىزدا بولىپ, قازاقستان پرەزيدەنتىمەن كەزدەستىم. ونىڭ ماعان قانداي نىساننىڭ قاي جەردە سالىناتىنىن ماكەتتە كورسەتكەنى ەسىمدە. ال بۇگىن مەن كەزىندە ماكەتىن كورگەن عيماراتتاردى قىزىقتاۋدامىن», – دەپ ءبولىستى اسەرىمەن ۋكراينا ەلشىسى.
«قازاقستان مەن ۋكراينا اراسىنداعى قارىم-قاتىناس قارقىندى دامۋدا. سىرتقى ساياسات ماسەلەلەرىمەن اينالىساتىن ۆەدومستۆولار اراسىنداعى جانە حالىقارالىق ۇيىمدار اياسىنداعى ىنتىماقتاستىق سىندارلى بولىپ تابىلادى. تاراپتاردىڭ ۇستانىمى زاماناۋي حالىقارالىق قاتىناستارعا قاتىستى سۇراقتاردىڭ كوبىسى بويىنشا سايكەس كەلەدى»,– دەدى باقىت سۇلتانوۆ.
ۋكراينا ەلشىسى ەلوردا اكىمىن مەملەكەتتەر اراسىنداعى مادەني جانە ءبىلىم بەرۋ سالاسىنداعى ءوزارا بايلانىستىڭ دامۋى جونىندە حاباردار ەتتى.تاراپتار قازاقساتننىڭ ساياسي جانە ەكونوميكالىق تۇرعىدا دامۋىنداعى ۋكراينالىق دياسپورانىڭ جوعارى بەلسەندىلىگىن اتاپ ءوتتى. بۇدان بولەك, قازاقستاننىڭ كيەۆتەگى مادەني كۇندەرى مەن ۋكراينانىڭ نۇر-سۇلتانداعى مادەني كۇندەرى سياقتى رەسمي ءىس-شارالاردى وتكىزۋ مۇمكىندىگى تالقىلاندى. كەزدەسۋدە, سونداي-اق, قازاقستان استاناسىندا تاراس شەۆچەنكونىڭ قۇرمەتىنە ەسكەرتكىش ورناتۋ مۇمكىدىگىنە قاتىستى ماسەلە قارالدى.
