ايماقتار • 18 ءساۋىر، 2019

قازاقستاندىق كاسىپكەرلەر ۇلى جىبەك جولىنداعى قالالاردى دامىتۋعا ىنتالى

771 رەت كورسەتىلدى

شىمكەنتتە «كەرۋەندەر قايتا ورالۋدا» دەگەن ۇرانمەن Silkway Shymkent Summit اۋقىمدى ينۆەستيتسيالىق-كاسىپكەرلىك فورۋمى ءوتتى. بۇل رەتكى باسقاسۋدىڭ ءجونى بولەك. ويتكەنى ەلىمىزدىڭ ەكونوميكالىق دامۋى ءۇشىن قولعا الىنعان بۇل جوبا بەلگىلى بيزنەسمەندەردىڭ باسىن ءبىر الاڭدا توعىستىرىپ وتىر.

«Shymkent» اكك» اق جانە Forbes Kazakhstan ۇيىمداستىرۋىمەن وتكەن  فورۋمعا  شىمكەنت قالاسىنىڭ اكىمى عابيدوللا ءابدىراحىموۆ قاتىسىپ، «شىمكەنت قالاسىنىڭ ينۆەستيتسيالىق-كاسىپكەرلىك كليماتى» تاقىرىبىندا بايانداما جاسادى.     

سونداي-اق، تالقى مىنبەرىندە تانىمال قازاقستاندىق كاسىپكەرلەر ايدىن راحىمباەۆ، رايىمبەك باتالوۆ، سەرىك ءتۇلباسوۆ، يسلامبەك سالجانوۆ، ەدۋارد كيم، اندرەي لاۆرەنتەۆ، راميل مۋحورياپوۆ، يۆان كامەنسكي، قايرات قۇدايبەرگەن، بەيبىت الىبەكوۆ، ارمانجان بايتاسوۆ، لاريون ليان، دانا ورمانباەۆا، قايرات ماجىباەۆ، ماحمۋد شاديەۆ جانە دە باسقا سپيكەرلەر كاسىپكەرلىكتىڭ كەلەشەكتەگى دامۋى جولدارىمەنەن شىمكەنت قالاسىنىڭ ينۆەستيتسيالىق مۇمكىنشىلىكتەرى جايلى تاجىريبەلەرى مەن بيزنەستى دامىتۋ ستراتەگيالارىمەن ءبولىستى. فورۋمدا BI Group كومپانياسىنىڭ ديرەكتورلار كەڭەسىنىڭ توراعاسى ايدىن راحىمباەۆ ءسوز الىپ، قالادا قولعا العان جوبالارى جايىندا جانە شاھاردىڭ الەۋمەتتىك الەۋەتىن ايتىپ ءوتتى. ال، رايىمبەك باتالوۆ ەلەكتروندى تولەم جۇيەلەرىنىڭ بۇگىنگى احۋالىن كەڭىنەن اڭگىمەلەدى.

Silkway Shymkent Summit الاڭىندا شاھار باسشىسى اتالعان فورۋمنىڭ ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ايتىلعان مىندەتتەردى ورىنداۋدىڭ نەگىزگى العىشارتتاردىڭ ءبىرى ەكەنىن اتاپ ءوتتى. جيىن قاتىسۋشىلارىنا قالادا جاڭادان بوي كوتەرگەن نىساندار مەن «Shymkent City» قالاشىعىندا اتقارىلىپ جاتقان جۇمىستارمەن تانىستىردى.

« ۇلى جىبەك جولىنىڭ بويىندا ورنالاسقان شىمكەنت - 2200 جىلدىق تاريحى بار كونە قالا. ءبىر سوزبەن شىمشاھار- ۇلى جىبەك جولىنىڭ جۇرەگى. بۇل فورۋمدى «كەرۋەندەر قايتا ورالادى» دەپ اتاۋىمىزدىڭ ءوزى وسىمەن بايلانىستى. سەبەبى، ءىرى ساۋدا ورتالىعى اتانعان شىمقالا عاسىرلاردان بەرى ساۋدا-ساتتىق ءۇشىن قوناقجايلىق قاسيەتىن جوعالىتپاعان. سوندىقتان ساۋدا كليماتتى قالىپتاستىرۋعا ارنالعان ءىس-شارا تىكەلەي ەلىمىزدىڭ ءۇشىنشى مەگاپوليسىنىڭ تاريحىمەن بايلانىستى بولماق. ەلباسى نۇرسۇلتان نازارباەۆ ميلليوندى قالانىڭ دامۋىنىڭ بىرنەشە باعىتىن ناقتىلاپ بەرگەن بولاتىن. العاشقىسى، شىمكەنت ورتالىق ازيانىڭ ءىرى ەكونوميكالىق ورتالىعى اتانۋى ءتيىس. شاعىن جəنە ورتا بيزنەستى دامىتۋ كەرەك، ينۆەستورلاردى جۇمىلدىرۋ قاجەت. ەكىنشىسى، ەجەلگى ساۋدا دالىزىندەگى شاھاردى تۋريزم ورتالىعىنا اينالدىرۋ ەدى.  ارينە، تۋريزم – əلەمدەگى ەڭ تابىستى بيزنەس. تۋريزم دامۋى ءۇشىن جاقسى دامىعان ينفراقۇرىلىم، زامانۋي əۋەجاي مەن تەمىرجول ۆوكزالى بولۋى ماڭىزدى. ال بۇل تۇرعىدا شىمكەنتتىڭ مۇمكىندىكتەرى مول. 2020 جىلى شىمكەنت تمد-نىڭ مəدەني استاناسى اتانباق. قازىر قالادا اتالعان ماسەلەلەر بويىنشا اۋقىمدى جوبالار جۇزەگە اسىرىلۋدا. قالامىزدىڭ دامۋ ءۇشىن ءبىز تومەندەگى باسىمدىقتارعا باسا ءمان بەردىك. ونىڭ ءبىرى  ەكونوميكالىق ءوسىم بولسا، ەكىنشىسى، حالىقتىڭ تۇرمىس جاعدايىن كوتەرۋ. سول ارقىلى ميلليوندى قالانىڭ تۇرعىندارىنا ساپالى ءبىلىم مەن مەديتسينالىق كومەكتى بارىنشا قولجەتىمدى ەتۋ  بولماق»،  دەدى قالا اكىمى.

ينۆەستورلاردى تارتۋ ارقىلى شىمكەنتتىڭ ەكونوميكاسىن كوتەرۋ جانە حالىقتىڭ ءال-اۋقاتىن جاقسارتۋدى كوزدەگەن جيىندا  ەلەكتروندىق كوممەرتسيانى دامىتۋ، قازاقستاندا بۇقارالىق اقپارات قۇرالدارىنىڭ دامۋى، ايەلدەر كاسىپكەرلىگىن قولداۋ، قازاقستانداعى ورتا جانە ءىرى كاسىپكەرلىكتىڭ وزەكتى ماسەلەلەرى تالقىلاندى.

بىرقاتار ءىرى كاسىپورىن باسشىلارى شىرايلى شىمقالانىڭ مۇمكىندىكتەرى مەن دامۋ جوسپارى جايلى قالا اكىمدىگى ۇسىنعان جوبالاردى جۇزەگە اسىرۋعا ۋاعدالاستى. بيزنەس فورۋم جەرگىلىكتى جانە شەتەلدىك كاسىپكەرلەر مەن ينۆەستورلار ءۇشىن شىمكەنتتىڭ مارتەبەسى مەن تارتىمدىلىعىن ارتتىراتىن ينۆەستيتسيالىق جانە كاسىپكەرلىككە قاتىستى كونتەنتكە تولى بولدى. 

اۋقىمدى ءىس-شارانىڭ ۇيىمداستىرۋشىسى، «شىمكەنت»  الەۋمەتتىك-كاسىپكەرلىك كورپوراتسياسىنىڭ باسقارما توراعاسى راشيد ايۋپوۆ فورۋمنىڭ قالا دامۋى مەن ەكونوميكاسى ءۇشىن بەرەرى مول ەكەندىگىنە توقتالىپ ءوتتى.

ۇيىمداستىرۋشىلاردىڭ ايتۋىنشا بىلتىر كۇزدە  وتكەن فورۋمنىڭ قورىتىندىسى بويىنشا 42 ملرد تەڭگەگە كەلىسىم  جاسالىپ، قازىر «شىمكەنتسيتيدە»  62 ءۇيدىڭ قۇرىلىسى جۇرگىزىلگەن.

«بيىل «كەرۋەن ورالادى» اتاۋىمەن  ۇيىمداستىرلعان  ينۆەستيتسيالىق- كاسىپكەرلىك فورۋمى اياسىندا دا ءتيىمدى  كەلىسىم -شارتتار تۇزىلەدى دەگەن سەنىم بار. ەلىمىزگە  ايگىلى كومپانيالاردىڭ ءبىرى شىمكەنتتە «كونگرەسس-حولل»-دىڭ قۇرىلىسىنان بولەك، جاڭا ەكى شاعىنۋاداننىڭ قۇرىلىسىن باستاماق. شىمكەنت ساۋدا حابىنا اينالماق. ول ءۇشىن  ادام رەسۋرسى دا،  بارلىعى دا بار»، دەدى ر.ايۋپوۆ.



سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار