سپورت • 18 ءساۋىر، 2019

دانيار قاسقاراۋوۆ: الماتىدا الاپات ايقاس بولادى

848 رەت كورسەتىلدى

30 ساۋىردە «الماتى ارەنادا» ەرەجەسىز جەكپە-جەكتەن حالىقارالىق تۋرنير وتەدى. سونىڭ قارساڭىندا ءبىز ايتۋلى جارىستى ۇيىمداستىرۋشىلاردىڭ ءبىرى، «الاش پرايد» پروموۋتەرلىك كومپانياسىنىڭ پرەزيدەنتى دانيار قاسقاراۋوۆپەن ازدى-كەم تىلدەسكەن ەدىك.

–  بيىلعى جىلى ءبىز ەكى جارىس وتكىزدىك. 23 ناۋرىزدا ۇلىستىڭ ۇلى كۇنىنە وراي تۇركىستاندا «الاش پرايد سەلەكشن» ءتۋرنيرى ءوتتى. ول جەردە جاستار ءوزارا كۇش سىناسىپ، سولاردىڭ اراسىنان ۇزدىكتەردى ىرىكتەپ الدىق. 29 ناۋرىزدا تۇڭعىش رەت تارازدا ءدۇبىرلى دودا ۇيىمداستىردىق. ول جەردە جەتى مەملەكەتتەن كەلگەن ساقا سپورتشىلار شەبەرلىك بايقاستى. باستى جەكپە-جەك جەرگىلىكتى جامپوز ەرمەك تلاۋوۆ پەن بەلورۋسسيالىق يۆان جۆريبليا اراسىندا ءوتىپ، تارتىس قازاقتىڭ قايسار ۇلىنىڭ ايقىن جەڭىسىمەن اياقتالدى. تارازداعى ءتۋرنيردىڭ تىكەلەي كورسەتىلىمى 80 مەملەكەتكە تارادى. ەندى 30 ساۋىردە الماتىلىق جانكۇيەرلەرمەن قايتا قاۋىشقالى وتىرمىز. 

– وسى جارىس جايىندا تولىعىراق ماعۇلمات بەرسەڭىز؟

– الاتاۋ باۋرايىنداعى جارىستى «الاش پرايد» كلۋبى قىرعىزستاندىق JFC پروموۋتەرلىك كومپانياسىمەن بىرلەسىپ ۇيىمداستىرىپ وتىر. سول كۇنى «الماتى ارەناعا» جينالعان كورەرمەندەر 12 جۇپ اراسىنداعى باسەكەلەردى  تاماشالايدى. ايقاس الاڭىنا قازاقستاننىڭ التى سپورتشىسى شىعادى. باقتيار نەسىپبەك (56،7 كيلو)، نۇرسۇلتان قاسىمحانوۆ (61،1 كيلو)، ارتەم رەزنيكوۆ (70،1 كيلو)، يگور كيچيگين (77 كيلو) جانە ەۆگەني ەگەمبەرديەۆ (93 كيلو) ەرەجەسىز جەكپە-جەكتەن سايىسقا تۇسسە، عالىمجان قاناەۆ (81 كيلو) ك-1 ەرەجەسى بويىنشا كۇش سىناسادى. 

– ءبىزدىڭ جىگىتتەرگە برازيليانىڭ بەلدى سپورتشىلارى قار­سىلاس اتانىپ وتىر دەپ ەستىدىك. سول راس پا؟ 

– ءدال سولاي. بۇگىنگى تاڭدا ورەلى ونەرلەرىمەن كوزگە ءتۇسىپ جۇرگەن ءۇش بىردەي ورەنىمىز برازيليانىڭ وكىلدەرىمەن ايقاسادى. تارقاتىپ ايتساق، باقتيار نەسىپبەك لوپەس دو ناسميمەنتومەن، نۇرسۇلتان قاسىمحانوۆ  ساندەرسون سانتوسپەن جانە يگور كيچيگين حوسە گومەسپەن كەزدەسەدى. مۇحيتتىڭ ارعى بەتىنەن كەلگەن جىگىتتەردىڭ بارلىعى تالاي دۇرمەكتە ىسىلعان ناعىز دۇلدۇلدەر ەكەنى ەش كۇمان تۋعىزباۋعا ءتيىس. ەۆگەني ەگەمبەرديەۆ ارگەنتينانىڭ وكىلى ەميليانو سورديمەن سايىسقا تۇسەدى. وڭتۇستىك امەريكانىڭ وعلانى وسى كۇنگە دەيىن 25 كەزدەسۋ وتكىزىپ، 17 رەت جەڭىسكە جەتكەن ساقا سپورتشى. كەشتىڭ باستى جەكپە-جەگى قازاقستاندىق ارتەم رەزنيكوۆ پەن رەسەيلىك رەزۆان ابۋەۆ اراسىندا وتەدى. چەليابى قالاسىندا تۇراتىن چەشەن جىگىتىنىڭ دە ءجۇرىپ وتكەن جولى جارقىن جەڭىستەرگە تولى. ولار «الاش پرايدتىڭ» چەمپيوندىق بەلبەۋى ءۇشىن تالاسادى. ال عالىمجان قاناەۆتىڭ قارسىلاسى ءالى انىقتالعان جوق. وسى جولى ءبىز قانداسىمىزدى ك-1 سپورتى كەرەمەت دامىعان گوللانديا ەلىنىڭ كيكبوكسشىسىمەن جولىقتىرۋدى ءجون كورىپ وتىرمىز. اڭگىمەنى قىسقا قايىرساق، 30 ساۋىردە «الماتى ارەناعا» جينالعان جۇرت الاپات ايقاستىڭ كۋاسى بولادى. 

– ءيا، ءبىز دە الماتىداعى ءتۋرنيردىڭ ءساتتى وتۋىنە تىلەكتەسپىز. ول ودان كەيىن «الاش پرايدتىڭ» ساپىنداعى ساڭلاقتاردى قانداي ءدۇبىرلى دودالار كۇتىپ تۇر؟ 

– قازىرگى كەزدە بەس جىگىتىمىز رەسەيدىڭ چەشەنستانداعى «احماد» كلۋبى ۇيىمداستىرىپ جۇرگەن اۆس تۋرنيرىندە كۇش سىناسۋ قۇقىعىنا يە بولىپ وتىر. ولار – اسىلجان باقىتجان ۇلى، ەۆگەني ەگەمبەرديەۆ، نۇرسۇلتان قاسىمحانوۆ، ارتەم رەزنيكوۆ جانە شاحمارال جەتپىسوۆ. بۇگىنگى تاڭدا قارت قۇرلىقتا تەڭدەسسىز دەپ تانىلىپ، الەمدەگى بەسىنشى پروموۋشەن سانالاتىن ۇيىمنىڭ جارىسى ۇستىمىزدەگى جىلدىڭ شىلدە ايىندا باستالادى. ايقاس الاڭىندا جاسىنداي جارقىراپ جۇرگەن باقتيار نەسىپبەكتى دە الداعى كۇندەرى اۆس تۋرنيرىنەن كورىپ قالۋىمىز مۇمكىن. سونىمەن قاتار ەلىمىزدە جوعارىدا ەسىمدەرى اتالعان مىقتىلاردىڭ ءىزىن باسىپ جالىندى جاستاردىڭ قالىڭ شوعىرى ءوسىپ كەلەدى. ولارعا دا ارتار ءۇمىتىمىز زور. 

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار