سپورت • 18 ءساۋىر، 2019

ازيانىڭ ۇزدىگى اتانۋعا الەۋەتىمىز جەتە مە؟..

866 رەت كورسەتىلدى

23 ساۋىردە قىتايدىڭ سيان قالاسىندا كۇرەس تۇرلەرىنەن ازيا چەمپيوناتىنىڭ شىمىلدىعى تۇرىلەدى. بەس كۇنگە سوزىلاتىن بايراقتى باسەكە بارىسىندا تالاي «جان الىسىپ، جان بەرىسكەن» ايقاستىڭ كۋاسى بولاتىنىمىز انىق. وسىدان بۇرىن ءبىز ايتۋلى جارىستا قازاقستاننىڭ گرەك-ريم كۇرەسى شەبەرلەرى قانداي تابىستارعا قول جەتكىزگەنى تۋرالى ماقالا جاريالاعان ەدىك. ال بۇگىنگى اڭگىمەمىز ەركىن كۇرەس جايىندا.

1993-2018 جىلدار ارالى­عىن­دا قا­زاقستاننىڭ ەركىن كۇرەس شە­بەرلەرى 23 مارتە قاتىستى. سول ارالىقتا 15 التىن، 22 كۇمىس جانە 31 قولا مەدالدى ولجالادىق. بار­لىعى – 68 جۇلدە. ەڭ زور تابىسقا وتاندىق بالۋاندار 2006 جىلى قول جەتكىزدى. الماتىدا جالاۋى جەلبىرەگەن جارىستا ءۇش بىردەي ورەنىمىز التىن تۇعىرعا كوتەرىلدى. ولار – لەونيد سپيريدونوۆ (66 كگ)، نۇرجان قاتاەۆ (96 كگ) جانە ماريد مۋتاليموۆ (120 كگ). باۋىرجان ورازعاليەۆ (60 كگ) پەن گەننادي لاليەۆ (54 كگ) قولا مەدالدى مويىن­دارىنا ءىلدى. وسى تابىستىڭ ار­قا­سىندا قازاقستان قۇراماسى وزگە كوماندالاردىڭ بارلىعىن ارتقا تاستاپ، جالپى ەسەپتە ءبىرىنشى ورىندى يەلەندى. 

2016 جىلى بانگكوكتا ءداۋ­لەت نيازبەكوۆ (61 كگ) دارا شىق­سا، نۇرلان بەكجانوۆ (65 كگ)، ءجى­گەر زاكىروۆ (74 كگ) جانە داۋلەت شابانباي (125 كگ) كۇمىس الدى. اسلان كاحيدزە (86 كگ) مەن باق­داۋ­لەت المەنتاي (97 كگ) ءۇز­دىك ۇشتىكتى قورىتىندىلادى. وسى ناتيجەنىڭ ارقاسىندا تەك يران قۇراماسىن عانا العا جىبەرىپ، ەكىنشى ساتىعا جايعاستىق. 

سارى قۇرلىقتىڭ باستى دودا­سىندا تاعى ءتورت رەت ۇزدىك ۇشتىك­تىڭ قاتارىنان كورىندىك. اتاپ ايت­ساق، 2010 جىلى نيۋ-دەليدە بەس جۇلدە بۇيىردى. ماريد مۋ­تا­لي­موۆ (120 كگ) التىن، سەمەن سە­مەنوۆ (84 كگ) پەن نۇرجان قا­تاەۆ (96 كگ) كۇمىس جانە ءداۋ­رەن جۇماعازيەۆ (60 كگ) پەن سەي­فاد­دين وسمانوۆ (74 كگ) قولا مەدالدى ەنشىلەدى. الدىمىزدا – يران مەن ءۇندىستان. 

2014 جىلى قازاقستاننىڭ استاناسىندا راسۇل قاليەۆ (57 كگ) باس جۇلدەنى ولجالاسا، اسلان كا­حيدزە (86 كگ) شەشۋشى تۇستا ءسۇرىندى. قوس داۋلەت – نيازبەكوۆ (61 كگ) پەن شابانباي (125 كگ) قولاعا قول جەتكىزدى. يران مە­ن موڭعوليانى العا جىبەرگەن جەر­لەستەرىمىز كوماندالىق باسە­كەدە ءۇشىنشى ورىنعا تابان تىرەدى. 

2017 جىلى ءۇندىستاننىڭ استاناسىندا يران مەن وزبەكستان الدىمىزدى وراپ كەتتى. قازاقستان – ءۇشىنشى ورىندا. ءبىزدىڭ بالۋاندار اراسىنان اقجۇرەك تاڭاتاروۆ (70 كگ) جەڭىمپاز اتاندى. ازامات داۋلەتبەكوۆ (86 كگ) كۇمىسپەن كۇپ­تەلسە، نۇريسلام ساناەۆ (57 كگ) پەن داۋلەت نيازبەكوۆ (61 كگ) قو­لاعا قول سوزدى. 

2018 جىلى بىشكەكتە جەتى ءمار­­تە جەڭىس تۇعىرىنا كوتەرىلگەن جىگىتتەرىمىز جالپى ەسەپتە تاعى دا ءۇشىنشى ورىندى ولجالادى. بۇل جولى نۇريسلام ساناەۆ (57 كگ) پەن داۋلەت نيازبەكوۆ (61 كگ) قار­سىلاس شاق كەلتىرگەن جوق. ءادى­لەت داۆلۋمباەۆ (92 كگ) ەكىنشى ورىن السا، جاندوس ىس­مايىلوۆ (57 كگ)، مەيىرجان ءاشى­روۆ (70 كگ)، دانيار قاي­سانوۆ (70 كگ) ءجا­نە ازامات ءداۋ­لەتبەكوۆ (86 كگ) ءۇشىنشى ساتىعا ورنالاستى. ءمى­نە، ەڭ ۇزدىك كورسەتكىشكە ءبىز جوعا­رى­دا اتالعان التى جارىستا قول جەت­كىزدىك. 

كەيبىر ازيا چەمپيوناتىنداعى ناتيجەلەرىمىز تىپتەن تومەن بولدى. ماسەلەن، 2001 جىلعى ۇلان­با­تىرداعى دودادان قورجىنىمىز بوس قايتتى. 1997 جىلى تەھراندا (يسلام بايرامۋكوۆ – قولا)، 2000 جىلى گۋيليندە (يسلام باي­را­مۋكوۆ – التىن)، 2004 جىلى تەھ­راندا (ماگومەد كرۋگليەۆ – قولا) جانە 2015 جىلى دوحادا ء(داۋ­لەت نيازبەكوۆ – التىن) جال­قى جۇلدەنى قاناعات تۇتتىق. 

التى ازيا چەمپيوناتىنان قوس مەدالمەن عانا ورالدىق. ولار – 1993 جىلى (يسلام بايرامۋكوۆ – كۇمىس، سەرگەي نە­پوم­نياششي – قولا)، 1995 جىلى (ەل­مادي جا­بى­رايلوۆ – التىن، سەر­گەي كلي­موۆ – كۇمىس)، 1996 جى­لى (ماگو­مەد كرۋگليەۆ – كۇمىس، يسلام باي­­رامۋكوۆ – كۇمىس)، 2005 جىلى (ما­­ريد مۋتاليموۆ – التىن، نۇر­جان قاتاەۆ – كۇمىس)، 2008 جى­لى (ماريد مۋتاليموۆ – كۇمىس، داۋلەت شابانباي – قولا) جانە 2013 جىلى (راسۇل قاليەۆ – قولا، داۋلەت نيازبەكوۆ – قولا).

1999 جىلى ءتورت جۇلدە العان وتاندىق ەركىن كۇرەس شەبەرلەرى ءوز جانكۇيەرلەرىن تاعى ءبىر قۋانت­تى. تاشكەنتتە وتكەن جارىس­تا ماۋلەن مامىروۆ (54 كگ) قار­­سى­لاس شىداتپادى. ءابىل سۇلتان­­بەكوۆ (85 كگ) پەن يسلام باي­را­مۋكوۆ (97 كگ) كۇمىس السا، گەن­­نادي لاليەۆ (76 كگ) قولا مەدال­دى يەلەندى. ال 2003 جىلى (ما­گومەد كرۋگليەۆ، نۇرجان قاتاەۆ، ماريد مۋتاليموۆ – قولا)، 2009 جىلى (ابىلحاكىم شاپيەۆ – كۇمىس، داۋلەت شابانباي مەن ماريد مۋتاليموۆ – قولا). 2011 جىلى (داۋلەت جۇماعازيەۆ – التىن، قا­نات بەردىەۆ – كۇمىس، داۋلەت شا­بان­باي – قولا) جانە 2012 جىلى (ماقسات داۋىلباەۆ پەن ءابىل­حا­كىم شاپيەۆ – كۇمىس، ەر­جان ءدۇي­سەنبەكوۆ – قولا) جالاۋى جەلبى­رەگەن جارىستاردى ءبىز­دىڭ جىگىتتەر ءۇش جۇلدەمەن قورى­تى­ن­دىلادى.  

سوڭعى ءۇش ازيا چەمپيو­نا­تى­نىڭ ناتيجەلەرى كوڭىلگە قۋانىش ۇيالاتادى. وسى جارىستىڭ بارلىعىندا دا ءبىز الدىڭعى لەكتەن كورىندىك. مى­سالى، 2016 جىلى جالپى كو­ماندالىق ەسەپتە ەكىنشى ورىن الساق، 2017 جانە 2018 جىلدارى ءۇشىنشى ساتىعا جايعاستىق. سوڭ­عى بەس باسەكەدەن باس جۇلدەسىز ورال­عان ەمەسپىز. بىلتىر تىپتەن جەتى بىردەي جۇلدەنى كەۋدەمىزدە جار­قىراتتىق. ونىڭ ەكەۋى – ال­تىن! ولاي بولسا، ساناۋلى كۇن­دەردەن كەيىن شىمىلدىعى ءتۇ­رىلەتىن ءدۇبىرلى دودادا وسىدان 13 جىل بۇرىنعى كورسەتكىشىمىزدى قاي­تالاپ، سارى قۇرلىقتىڭ ەڭ ۇزدىك كومانداسى اتانساق، عانيبەت بولار ەدى...

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار