سايلاۋ • 18 ءساۋىر، 2019

ساياسي ناۋقانعا ءبىر كىسىدەي اتسالىسادى

952 رەت كورسەتىلدى

قازاقستان پرەزيدەنتى قاسىم-جومارت توقاەۆتىڭ ەل ازاماتتارىنا 2019 جىلعى 9 ماۋسىمدا مەرزىمىنەن بۇرىن پرەزيدەنت سايلاۋىن وتكىزۋ تۋرالى ۇندەۋىنىڭ نەگىزگى ەرەجەلەرىن تالقىلاۋ ماقساتىندا استانا قالاسى سۋرەتشىلەر وداعىندا دوڭگەلەك ۇستەل ءوتتى.

جيىنعا استانا قالاسى سۋرەت­­شىلەر وداعىنىڭ باسقارما توراعاسى ج.ءمۇساپىر، «استانا قالا­­سىنىڭ جاس سۋرەتشىلەر ءبىر­لەس­تىگى» باسقارماسىنىڭ ءتور­اعاسى ج.ورازالى، سونداي-اق س.ماحانبەتوۆ، ت.باتانوۆ، ۆ.پي­رو­ج­كوۆ، ب.ءالىباي، ۋ.ي­سمايلوۆ، ا.سىرعاباەۆ، ن.كا­كىموۆا سىندى وداقتىڭ وزگە دە قىز­مەت­كەرلەرى مەن مۇشەلەرى قاتىستى. 

تالقىلاۋ بارىسىندا ءدوڭ­گەلەك ۇستەلگە قاتىسۋشىلار ال­داعى سايلاۋعا قاتىستى بىرقاتار ماسەلەلەردى قوزعاپ، پرەزيدەنت ق.توقاەۆتىڭ ەل ازاماتتارىنا قازاقستان پرەزيدەنتىنىڭ مەرزى­مىنەن بۇرىن سايلاۋىن وتكىزۋ تۋرالى باستاماسىنا ءبىراۋىزدان قولداۋ ءبىلدىردى. ويتكەنى، ولار وسى تاعدىرشەشتى ماسەلە بو­يىنشا ءوز ۇستانىمىن ءبىلدىرۋدى ازاماتتىق بورىش دەپ بىلەدى.

– قازاقستاننىڭ ءار ازاماتى ءوز تاڭداۋىن دۇرىس جاساۋى قاجەت. وسى رەتتە جاڭا دامۋ كەزە­ڭىندە ەلىمىزدىڭ ستراتەگيا­لىق باعىتىنان اۋىتقىماي، جاھان­دىق جاڭعىرۋ بويىنشا ءوز جولىن جالعاستىرۋى ءۇشىن ەل پرەزي­دەنتى ق.توقاەۆقا قولداۋ كورسەتۋى قاجەت. ويتكەنى ەلىمىزدىڭ بولاشاعى، ودان ءارى دامۋى مەن حالقىمىزدىڭ ءال-اۋقاتى وسىعان بايلانىستى. بۇل ءوز كەزەگىندە ەلىمىزدىڭ ءاربىر ازاماتىنىڭ ورتاق جانە باستى باسىمدىعى، – دەپ اتاپ ءوتتى استانا قالاسى سۋرەت­شىلەر وداعىنىڭ باس­قار­ما توراعاسى، سۋرەتشى-كەسكىن­دەمەشى جانۇزاق ءمۇساپىر. ال قازاق­ستان سۋرەتشىلەر وداعىنىڭ مۇشەسى سەيسەنحان ماحان­بەتوۆ حالىق جاڭا وزگەرىستەردى كۇتىپ وتىرعانىن ايتادى. ونىڭ پىكىرىنشە، تاريحي-ساياسي شە­شىمنىڭ مۇنداي كورىنىسى ورنىققان تۇراقتىلىق پەن بەيبىت ءومىردىڭ ايقىن دالەلى.

– قازاقستاننىڭ ىشكى جانە سىرت­قى ساياساتىنىڭ بارلىق سايا­سي جانە ەكونوميكالىق ۇدەرىس­تەرىن ەسكەرە وتىرىپ، قازىر ەلى­مىز بەن ەل ازاماتتارى دامۋ جولى­نىڭ جاڭا كەزەڭىندە تۇر. ءبىز قازاقستاننىڭ جاڭا پرەزيدەنتىن سايلاۋعا قاتىسامىز. حالقىمىز ارقاشان ءوز ەلىنىڭ تاۋەلسىزدىگى مەن تۇراقتىلىعىنا قاتىستى ماسەلەلەردى بەيبىت جولمەن شەشە بىلۋىمەن ەرەكشەلەنگەنى بەلگىلى. بۇل پروتسەسس ءالى دە جالعاسۋدا دەپ ويلايمىن. تۇڭ­عىش پرەزي­دەنتىمىز – ەلباسى ن.نازار­باەۆ باسشىلىق ەتكەن تۇستا وراسان قىزمەتتەر اتقارىلدى. ەلدى ودان ءارى دامىتۋ جانە حالىقتىڭ ءومىر ءسۇرۋ ساپاسىن جاقسارتۋ ءۇشىن جاڭا باعىتتار مەن جاڭا وزگە­رىستەر قاجەت. حالىق ەلدەگى جاڭا ءوز­گەرىستەردى كۇتۋدە، – دەي­دى سۋرەت­شى، قازاقستان سۋرەت­شى­لەر اكا­دە­مياسىنىڭ اكادەميگى، قازاق­­­ستان­نىڭ ەڭبەك سىڭىرگەن قاي­رات­كەرى سەيسەنحان ماحانبەتوۆ. 

وتىرىس قورىتىندىسى بو­يىن­شا، دوڭگەلەك ۇستەلگە قاتىسۋ­شىلار الەمدىك جاعدايدىڭ شيە­لەنىسۋى مەن باسقا دا بىرقاتار ماسە­لەلەر جاعدايىندا قازاق­ستان پرەزيدەنتىنىڭ مەرزىمىنەن بۇرىن سايلاۋىن وتكىزۋ ەلباسى ن.نازارباەۆ قۇرعان بارلىق مەم­لەكەتتىك باعدارلامالاردى ءتيىم­دى جۇزەگە اسىرۋ ءۇشىن، سون­داي-اق اۋقىمدى وزگەرىستەر جولىندا باعىت ۇستاۋعا مۇمكىندىك بەرەتىنىن اتاپ ءوتتى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار