كونفەرەنتسيا بارىسىندا پارتيا مۇشەلەرى 9 ماۋسىمدا وتەتىن پرەزيدەنت سايلاۋى تۋرالى وي-پىكىرلەرىمەن ءبولىستى. اقىن سەرىك اقسۇڭقار ۇلى الداعى ساياسي ناۋقاننىڭ بولاشاعىمىز ءۇشىن وتە ماڭىزدى شارا ەكەنىن اتاپ وتسە, قازاقستان حالقى اسسامبلەياسى توراعاسىنىڭ ورىنباسارى ۆيتالي تۆاريوناس وتانداستارىمىزدىڭ ەلدەگى بەيبىتشىلىك, تۇراقتىلىق جانە كەلىسىمدى نەگىزگى تىرەك ەتكەن ساياساتتىڭ جالعاسىن تاپقانىن قالايتىنىن جەتكىزدى.
– پارتيانىڭ كەزەكتەن تىس 19-شى سەزىندە Nur Otan الداعى پرەزيدەنت سايلاۋىنا تۇسەتىن ءوزىنىڭ ۇمىتكەرىن ۇسىنادى. ارقايسىمىز تۇڭعىش پرەزيدەنت ۇسىنعان رەفورمالاردىڭ جالعاسىن تاپقانىن قالايمىز. ولار ەكونوميكالىق, ساياسي جانە رۋحاني جاڭعىرتۋعا باعىتتالعان. سول سەبەپتى قوعامنىڭ ءار مۇشەسى الداعى سايلاۋدىڭ بولۋىنا جانە ونىڭ ءتيىستى دەڭگەيدە وتۋىنە ءوز ۇلەسىن قوسۋى ءتيىس, – دەدى ۆيتالي تۆاريوناس.
جيىندا Nur Otan پارتياسى قاراعاندى وبلىستىق فيليالى توراعاسىنىڭ ءبىرىنشى ورىنباسارى قاديشا وسپانوۆا «حالىققا كومەك» جانە «باقىتتى وتباسى» ۇلتتىق جوبالارى اياسىندا اتقارىلىپ جاتقان جۇمىستار جايىن باياندادى.
«حالىققا كومەك» جوباسى وبلىس تۇرعىندارىنىڭ, ونىڭ ىشىندە كوپبالالى وتباسىلار مەن مۇمكىندىگى شەكتەۋلى بالالاردى تاربيەلەپ وتىرعان اتا-انالاردىڭ ماسەلەلەرىن شەشۋگە باعىتتالعان. ال «باقىتتى وتباسى» جوباسى بويىنشا كوپبالالى جانە از قامتىلعان وتباسىلاردىڭ تۇرمىس جاعدايىن جاقسارتۋ قولعا الىنباقشى. وسى جوبا اياسىندا ازىرلەنگەن جول كارتاسى بويىنشا ولارعا جۇيەلى تۇردە جانە قۇقىقتىق كومەك كورسەتۋ, قاۋىپسىزدىكتەرىن قامتاماسىز ەتۋ سياقتى بىرقاتار شارالار جوسپارلانعان.
قاديشا وسپانوۆا بايانداعانداي, وبلىستا «باقىتتى وتباسى» جوباسى بويىنشا ارنايى جۇمىس توبى قۇرىلعان. بۇگىنگە دەيىن 237 كوپبالالى وتباسىنىڭ قاتىسۋىمەن قابىلداۋ شارالارى ۇيىمداستىرىلىپ, ولاردىڭ ءوتىنىش-تىلەكتەرى مەن مۇڭ-مۇقتاجى تىڭدالعان. «بۇل جۇمىستار ارى قاراي دا جالعاساتىن بولادى», دەدى ق.وسپانوۆا.
كونفەرەنتسيا جۇمىسىنا Nur Otan پارتياسى قاراعاندى وبلىستىق فيليالىنىڭ توراعاسى, وبلىس اكىمى ەرلان قوشانوۆ توراعالىق ەتتى.
قاراعاندى وبلىسى
