الەم • 17 ءساۋىر، 2019

تاشكەنتكە بارعان تاريح

804 رەت كورسەتىلدى

وزبەكستانداعى قازاق­ستان جىلىنىڭ اشىلۋى­نا وراي، ەلورداداعى ۇلتتىق مۋزەي تاشكەنت قالاسىندا « ۇلى دالا: تاريح جانە مادە­نيەت» اتتى كورمە ۇيىم­داس­تىردى.

كورمەگە ۇلتتىق مۋزەي قورىنان بارلىعى 127 ءجا­دى­گەر تاڭدالىپ الىنسا، ونىڭ دەنى ەلىمىزدىڭ ەجەلگى ءجا­نە ور­تاعاسىرلىق تاريحي جاۋ­ھار­لارى. سونداي-اق سورەگە « ۇلى دالانىڭ جەتى قىرىندا» اتاپ كورسەتىلگەن ءاربىر سالا بويىنشا قۇندى جادىگەرلەر دە قويىلدى. سونىمەن قا­تار كورمە تورىنەن باتىس قازاق­ستان وبلىسى جەرىنەن تابىلعان «تاقساي»، قاراعاندى وبلى­سىنىڭ «تالدى-2»، شى­عىس قازاقستان وبلىسىنىڭ «بە­­­رەل» قورىمدارىنان تا­بىل­­­عان ارحەولوگيالىق بىرە­گەي ول­جالار دا كورسەتىلدى.

شارانىڭ اشىلۋ سالتانا­تىنا وزبەكستانداعى قازاق­ستاننىڭ توتەنشە ءجا­نە وكى­لەتتى ەلشىسى دارحان سا­تى­بال­دى، وزبەكستان ەلىنىڭ مادەنيەت ۆيتسە-ءمينيسترى كامول اكيلوۆا، ۇلتتىق مۋزەي ديرەكتورى الماز نۇرازحان، وزبەكستان مەملەكەتتىك ونەر مۋزەيىنىڭ ديرەكتورى ۆاسيلا فايزيەۆا جانە باسقالار ت.ب. قاتىستى.

العاشقى بولىپ ءسوز ءسوي­­لەگەن قازاقستان ەلشىسى دار­حان ساتىبالدى مۇنداعى باس­تى ەكسپونات «التىن ادام» ۇلى دالا مادەنيەتىنىڭ وشپەس مۇراسى ەكەنىنە توقتالىپ، اتالمىش جادىگەر بۇعان دەيىن وڭتۇستىك كورەيا، پولشا، رە­سەي، بەلارۋس، قىتاي قا­تار­لى مەم­­لەكەتتەردە بولىپ، الەم مۋزەيلەرىنە شەرۋ تارتقانىن ايتتى.

وسىلاي ساتىمەن باستالعان ەكى ەل ارالىق رۋحاني دوستاس­تىق بايلانىستىڭ ماڭىزىنا توق­تالىپ وتكەن ۇلتتىق مۋزەي دي­رەكتورى الماز نۇرازحان، وزدەرىن ىستىق ىقىلاسپەن قا­بىلداعان ارىپتەستەرىنە، سونداي-اق قاق تورىنەن ورىن بەرگەن وزبەكستان مەملەكەتتىك ونەر مۋزەيىنىڭ ۇجىمىنا العىس ءبىلدىردى.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار