2018 جىلمەن 2016 جىل كورسەتكىشتەرىن سالىستىرعاندا سوتتاردىڭ جۇكتەمەسى 2,5 ەسەگە ۇلعايدى. ءبىر سۋديا كۇنىنە 4-6 ءىس, سونىمەن بىرگە سوت ورىنداۋشىلاردىڭ 60-70 ءوتىنىشحاتىن قاراۋى كەرەك. ۇلكەن قالالاردا بۇل جۇكتەمە الدەقايدا جوعارى. مۇنداي جاعدايدا سۋديا كۇردەلى ءىستىڭ ءمان-جايىن ءتۇسىنىپ ۇلگەرمەيدى. وسى وزگەرىستەرگە بايلانىستى سوتتاردىڭ اعىمداعى جۇكتەمە مولشەرى ەداۋىر تومەندەتىلۋگە ءتيىس دەپ كۇتىلۋدە.
ناقتى ازاماتتىق ىستەرگە كەلەتىن بولساق, ازاماتتىق پروتسەستىك كودەكسكە ەنگىزىلگەن وزگەرىستەرگە بايلانىستى, سوتتاردىڭ قاراۋىندا بولعان 9 داۋسىز ساناتتاعى تالاپتار قازىر اتقارۋشىلىق جازبانى جاساۋ ءۇشىن نوتاريۋستاردىڭ قۇزىرىنا ءوتتى. بۇل, مولشەرى ەكى ءجۇز مىڭداي ارىز.
ناقتى ايتساق, نوتاريالدى كۋالاندىرىلعان مامىلە, ەڭبەكاقىنى ءوندىرىپ الۋ, ليزينگ نىسانىن تالاپ ەتۋ, لومباردتاعى كەپىل زاتتى ءوندىرۋ, كوممۋنالدى تولەمدەر مەن پاتەر يەلەرى كووپەراتيۆى تولەمدەرى بويىنشا قارىزى مەن جالعا الۋ تولەمدەرىن ءوندىرىپ الۋ سىندى بىرقاتار ءىستى نوتاريۋس ارقىلى شەشۋگە بولادى.
تاعى ءبىر ماسەلە, ەگەر بۇرىن سوت بۇيرىعىن شىعارۋ ءۇشىن جەكە تۇلعالار تالاپ ارىز قۇنىنان 0,5% مولشەرىندە مەملەكەتتىك باجدى تولەسە, ەندى قازاقستان رەسپۋبليكاسى «نوتاريات تۋرالى» زاڭىنىڭ 22-1-بابىنا سايكەس – 0,2% مولشەرىندە تولەيتىن بولادى. زاڭدى تۇلعالار ءۇشىن مەملەكەتتىك باج مولشەرى – 1%-عا دەيىن تومەندەيدى, بۇرىن 1,5% بولعان.
بيىلعى جىلدىڭ ءساۋىر ايىنىڭ 24-نەن باستاپ سوت ورىنداۋشىلاردىڭ قاۋلىلارىنا سانكتسيا بەرۋ تۇرلەرىنىڭ باسىم كوپشىلىگى سوتتاردان پروكۋرورلارعا تاپسىرىلادى. سوتتاردا سانكتسيا بەرۋ تۇرلەرىنىڭ تەك قانا ەكەۋى قالادى. ول – بورىشكەرلەردىڭ شەكارادان شىعۋىنا تىيىم سالۋ جانە ءماجبۇرلى تۇردە الىپ كەلۋ ىستەرى.
ال بورىشكەر م ۇلىگىنە تىيىم سالۋ سانكتسياسى الىنىپ تاستالادى. بانك ەسەپ شوتتارىن سانكتسيالاۋ مەن بانكتىك قۇپيانى قۇرايتىن اقپاراتتى تالاپ ەتۋ دە پروكۋراتۋراعا بەرىلەدى. ماتەريالداردى قاراستىرۋ مەرزىمى 1 كۇننەن 3 جۇمىس كۇنىنە دەيىن ۇلعايدى. رەسپۋبليكا سوتتارىندا سانكتسيا بەرۋ ماتەريالدارى 3 ميلليوننان 300 مىڭعا دەيىن قىسقارتىلادى دەپ كۇتىلۋدە.
باقىتبەك بەگاليەۆ,
پاۆلودار وبلىستىق سوتى
ازاماتتىق ىستەر جونىندەگى سوت القاسىنىڭ توراعاسى, زاڭ عىلىمدارىنىڭ كانديداتى
