ءىس-شاراعا قحا-نىڭ «جاڭعىرۋ جولى» رەسپۋبليكالىق جاستار قوزعالىسىنىڭ مۇشەلەرى, «قازاقستاننىڭ 100 جاڭا ەسىمى» جوباسىنىڭ جەڭىمپازدارى, ەمب جاستار قاناتتارىنىڭ كوشباسشىلارى, بەلگىلى بلوگەرلەر, جاستاردىڭ اتاۋلى توپتارى قاتىستى. العاشقى ءسوز كەزەگى قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆقا بەرىلدى. ول ءوزىنىڭ سوزىندە ساياسي ءوزگەرىستەردىڭ قيسىنى تالاپ ەتىپ وتىرعان 9 ماۋسىم كۇنى وتەتىن كەزەكتەن تىس پرەزيدەنتتىك سايلاۋدىڭ ماڭىزدىلىعىنا توقتالىپ, ونىڭ قوعامدىق كەلىسىم مەن جالپىۇلتتىق ءبىرلىكتى نىعايتۋعا ىقپال ەتەتىنە سەنىم ءبىلدىردى. سونىمەن بىرگە ەلباسىنىڭ جاستار جىلىن اشۋ كەزىندە ۇكىمەتكە ناقتى تاپسىرمالار بەرگەنىن جانە قازاقستاندىق جاستارعا ىقىلاستى ءسوزدەرىن ارناعانىن ەسكە سالدى. «بۇل تاپسىرمالاردا جاستار ءۇشىن قولجەتىمدى جانە ساپالى ءبىلىم, جۇمىس, باسپانا جانە وتباسىن قۇرۋ مۇمكىندىگى بولۋىنا باسىمدىق بەرىلگەن», دەدى ول. ال اسسامبلەيا تۋرالى ايتقاندا بيىل ۇيىم ءوز قورجىنىن جاڭا جوبالارمەن تولىقتىرىپ وتىرعانىن جانە ولاردىڭ ارقايسىسىن باتىل تۇردە «الەۋمەتتىك ليفت» رەتىندە ايقىنداۋعا بولاتىنىن جەتكىزدى. ودان ءارى ج.تۇيمەباەۆ «PRودۆيگاي سەبيا» ترەنينگىنە قاتىسۋشىلارعا «قازاقستاننىڭ 100 جاڭا ەسىمى» جوباسىن باستاعان كەزدە مەملەكەت باسشىسى ونىڭ اسا زور تابىستارعا قول جەتكىزگەن وڭىرلەردەن, ءتۇرلى ەتنوستاردان شىققان ءار جاستاعى ناقتى ادامداردىڭ تاريحى ەكەنىنە نازار اۋدارعانىن اتاپ كورسەتتى. «جاستارىمىز سەلفبرەندينگتىڭ جاڭا داعدىلارىن يگەرىپ, ءوز يدەيالارى مەن جوبالارىن ىلگەرىلەتۋدىڭ ءپارمەندى ادىستەرىن ۇيرەنە الاتىنىنا سەنىمدىمىن», دەدى ول.
ترەنينگتە تانىمال تۇلعالار, «قازاقستاننىڭ 100 جاڭا ەسىمى» جوباسىنىڭ جەڭىمپازدارى ءسوز سويلەدى. سونىڭ ىشىندە «رودينا» اۋىلدىق وكرۋگىنىڭ اكىمى بەللا گازديەۆا اۋىل جاستارىن قولداۋ جانە دامىتۋ جونىندە كوپ جۇمىس اتقارىلىپ جاتقانىن ايتتى. ول جينالعاندارعا جاستار ساياساتىنىڭ پەرسپەكتيۆاسىن ءوزى قالاي ەلەستەتەتىنىنە توقتالدى. «پيفاگور» مەكتەبىنىڭ نەگىزىن قالاۋشى اسان جولداسوۆ ءوز برەندىن قازاقستانعا قالاي تانىمال ەتكەنى تۋرالى بايانداپ, ءوزىنىڭ وسى باعىتتا جيناقتاعان تاجىريبەسىمەن ءبولىستى.
جەكە بيزنەسىن تاقىر جەردەن باستاپ, ۇلكەن جەتىستىكتەرگە جەتكەن ادامداردىڭ ءبىرى – لاريون ليان. قازىرگى كەزدە ول تۇتاس ءبىر حولدينگتىڭ جەتەكشىسى. مۇنداي تابىسقا قالاي جەتۋگە بولاتىنى تۋرالى ل.ليان ءوزىنىڭ جاستار الدىندا سويلەگەن سوزىندە كەڭىنەن بايانداپ بەردى.
اتالعان شارا جاستار اراسىندا وزىندىك ماركەتينگ جانە پيار جاساۋ ستراتەگيالارى بويىنشا مەديا تانىمالدىلىق دەڭگەيىن دامىتۋ ماقساتىندا وتكىزىلىپ وتىر. بۇل قاتىسۋشىلاردىڭ ءتۇرلى سالادا تابىسقا قول جەتكىزىپ, تاۋەلسىز قازاقستاننىڭ دامۋىنا لايىقتى ۇلەس قوسۋداعى ءيميدجىن جاساۋ جانە جەتىستىككە جەتۋ جولدارىن اقپاراتتىق ىلگەرىلەتۋ بويىنشا ءبىلىم قورلارىن قالىپتاستىرۋعا ىقپال ەتەدى دەگەن ءۇمىت بار ەكەنى تۋرالى ۇيىمداستىرۋشىلار ءوز سوزدەرىندە اتاپ ءوتتى.
