كوميتەت باسشىسىنىڭ ايتۋىنشا, جاڭادان ءتورت ۇڭعىما قازىلدى. قازىرگى كەزدە ۇشەۋى ىسكە قوسىلدى. ال سۋ باسپاعان التى ۇڭعىمامەن بىرگە قوسقاندا بارلىعى توعىز ۇڭعىما ىستەپ تۇر.
سونىڭ ارقاسىندا كوپقاباتتى ۇيلەرگە اۋىز سۋ تولىعىمەن بەرىلدى. بۇدان بولەك, 772 جەكە ۇيدە سۋ بار. ەندى, تاعى 670 جەكە ءۇي قالىپ وتىر. ماعان تۇسكەن اقپاراتقا سايكەس, جاڭادان قازىلعان ءتورت ۇڭعىمانىڭ بىرەۋى بۇگىن ىسكە قوسىلادى. قالعان جەكە ۇيلەرگە اۋىز سۋ بەرىلەدى, دەدى ۆ.بەككەر ەلوردادا وتكەن ءباسپاسوز ءماسليxاتىندا.
ايتا كەتەيىك, قر پرەزيدەنتى قاسىم-جومارت توقاەۆ ەلورداعا جاقىن قوسشى اۋلىنىڭ اۋىز سۋ ماسەلەسىن شۇعىل شەشۋدى تاپسىردى. بۇعان دەيىن تجك باسشىسى ۆلاديمير بەككەر ول جەردەگى جاعدايدىڭ ءمان-جايىن تۇسىندىرگەن بولاتىن. ونىڭ سوزىنە قاراعاندا, سۋ باسقان ۇڭعىمالاردى ىسكە قوسۋ مۇمكىن ەمەس. سۋدىڭ كەكتەنىن كۇتۋ كەرەك. جەرگىلىكتى اكىمدىك سۇڭگۋىر مامانداردى دا شاقىردى. بىراق كوميتەت ولاردى جىبەرمەۋگە شەشىم قابىلدادى. سەبەبى ادام ومىرىنە قاۋىپ بار. بىراق كوميتەت باسشىسى قوسشىنىڭ اۋىز سۋ ماسەلەسى ءۇش-ءتورت كۇندە شەشىلەدى دەپ ايتقان.
